Genese 2:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Yehowa Nzambi wakafuka mulume ne dinfuenkenya dia buloba, wakela muhuya wa muoyo mu diulu diandi, ne mulume wakalua ne muoyo.

MUKANDA WA MYIDI MUKULU

⁷ Maweja-Nangila Mvidi Mukulu kuangata dima, kufuka nadi mulume, kumuela mueyelu wa muoyi mu mimpempe ya diulu, mulume kushala tshifukibua tshidi tshienda ne muoyi.

Genese 2:7 Referans Kwoze

1 Korente 15:45

Bu muakafundabo ne, Muntu wa kumudilu, Adama, wakalua musûke udi ne muoyo. Ne Adama wa kunshikidilu wakalua nyuma udi uhesha bantu muoyo.

Yobe 33:4

Nyuma wa Nzambi wakunfuka, muhuya wa Wa Bukole Buonso wakumpa muoyo.

Muambi 12:7

nunku mubidi newandamuke dinfuenkenya dia buloba kabidi ne muhuya wa muoyo neuhingane kudi Nzambi wakaufila.

Yeshaya 64:8

Kadi wewe Yehowa udi Tatu wetu; tuetu tudi dima ne wewe udi mufumbi; buonso buetu tudi bintu biwakuenza ku bianza biebe.

Bienzedi 17:25

Bianza bia bantu kabiena bimukuatshila mudimu, bu hadiye ne tshintu bualu, bualu bua yeye mene utu waha bantu bonso muoyo ne muhuya ne bintu bionso.

1 Korente 15:47

Muntu wa kumudilu udi mufukibue ne dinfuenkenya dia buloba; muntu muibidi udi muntu wa mu diulu.

Genese 3:19

neudie bidia ne luanga ha mpala hebe to ne hawahingana mu buloba kabidi, wewe wakumushibua mu buloba, wewe udi dinfuenkenya dia buloba, neuhingane mu dinfuenkenya dia buloba kabidi.

Yobe 27:3

tô ne hantshidi ne muoyo munda muanyi, ne hatshidi muhuya wa Nzambi mu mihembu ya diulu dianyi,

Genese 7:22

bintu bionso biakadi ne muhuya wa muoyo munda muabi bia ha buloba bume biakafua.

Zekâya 12:1

Edi ndî dia Yehowa bualu bua Bena Isalele. Edi ndî dia Yehowa udi ubalulula diulu, udi ujadika bishimikidi bia buloba, udi uteka nyuma wa buntu munda mua muntu, ne,

Misambu 103:14

Bua yeye udi mumanye buntu buetu, udi uvuluka ne tudi dinfuenkenya.

Misambu 100:3

Numanye bienu ne, Yehowa udi Nzambi! Nyeye mene wakatufuka, tudi bantu bandi; tudi bantu bandi ne mikoko ya mu mpata wandi.

Rome 9:20

Nasha, kadi wewe, muntu udi nganyi udi wela Nzambi mpata? Tshintu tshifukibua netshikenke mufuki watshi ne, Wakunfuka nunku bualu kai, anyi?

Yeshaya 2:22

Lekelai kueyemena muntu, udi ne muhuya mu mimpempe ya mu diulu diandi; bua badi mua kumubala bu tshinyi?

Genese 3:23

Yehowa Nzambi wakamuihata mu budimi bua Edene, bua kuihileye buloba buakafumeye.

Ebrewu 12:9

Buala bukuabo kabidi, tuakadi ne batatu ba mibidi yetu bua kutukengesha, ne tuakabanemeka; nunku katuena mua kutamba kukokela Tatu wa nyuma yetu, kuikala ne muoyo, anyi?

Dibadika 16:22

Bobo bakadikuma hanshi, bakamba ne, Nzambi, Nzambi wa mioyo ya bantu, wewe newikale ne tshisumbu tshonso tshiji bua bubi bua mundi umue, anyi?

Nsumuinu 20:27

Nyuma wa muntu udi muinda wa Yehowa, ukebakebe malu onso adi munda muandi.

Yobe 33:6

Mona, ndi ku mesu kua Nzambi bu mûdi wewe; ndi mufuanyikisha ku dima muomumue nʼebe.

2 Korente 5:1

Tudi bamanye ne, Bikala nsubu wa ha buloba wa mubidi wetu muhuke, tudi ne nsubu mufume kudi Nzambi, nsubu udi kai muasa ne bianza, udi mu diulu tshiendelele.

2 Korente 4:7

Kadi tudi ne bualu ebu bua mushinga mukole mu bintu biakafumbabo ne buloba, bua bulengele butambe bua bukole buikale bua Nzambi, kabufumi kutudi;

Yowanane 20:22

Hakambeye dî edi, wakabela muhuya, wakabambila ne, Nuangate Nyuma Muimpe;

Yobe 4:19

Nunku neatambe kumona mahanga kudi badi ne mibidi ya ha buloba, badi ne bishimikidi biabo mu dinfuenkenya, hadi baboteshibua bu tshibayibayi!

Dibadika 27:16

Yehowa, Nzambi wa mioyo ya bantu asunguile bantu bandi muntu

Muambi 3:7

tshikondo tshia kubanda ne tshikondo tshia kutela; tshikondo tshia kuhuwa ne tshikondo tshia kuakula;

1 Timote 2:13

Bualu bua Adama wakafukibua diambedi, ne hashishe Eva;

Genese 2:6

kadi dibungi diakabanda ha buloba, ne tshitelele tshiakadi ha buloba buonso.

Muadi 4:20

Mukelenge muedibue manyi kudi Yehowa, wakakuatshibua mu majimba abo, utuakatekemena bu muhuya wa mûlu etu; uwakamba bualu buandi ne, Muinshi mua mundidimbi wandi netuikale ne muoyo munkatshi mua bisamba bia bantu.

Yezekiyele 37:5

Mukelenge Yehowa udi wambila mifuba ei ne, Tangilai, nengele muhuya munda muenu, nenuikale ne muoyo.

Genese 1:27

Nzambi wakafuka muntu ne tshifuanyikishi tshiandi, wakamufuka ne tshifuanyikishi tshia Nzambi, wakabafuka balume ne bakashi.

Yezekiyele 37:6

Nenteke mifungu hamʼbidi henu, nennuluatshishe misunyi, nennubuikile ne dikoba, nennuele muhuya munda muenu, ne nenuikale ne muoyo; nunku nenumanye ne, Meme ndi Yehowa.