Genese 19:38 - Mukanda wa Nzambi Dihungila Dikulukulu ne Dihungila Dihia-dihia 2003

³⁸ Muanʼa mukala wakalela muana mulume kabidi, wakamuidika dina ne, Beneami, yeye wakadi nkambua wa Bena Amona tô ne lelu.

MUKANDA WA MYIDI MUKULU

³⁸ Muana muakunyi pende kulela muana wa balume, kumuinyika dina ne: Bene-Ammi. Yeye ke nkambua wa bena Amone batudi nabu lelu.

Genese 19:38 Referans Kwoze

Dielulula 2:19

hanualua ba buihi ne Bena Amona, kanubatatshishi, kanuluanganyi nʼabo; bualu bua tshiena munuhe buloba bua Bena Amona bu buhianyi buenu, bualu bua nakamana kuha bana ba Lota buloba abu bu buhianyi buabo.

Sefanya 2:9

Yehowa wa misumba, Nzambi wa Isalele mene, udi wamba ne, Bu mundi ne muoyo, Moaba neikale bu Sodoma, Bena Amona nebikale bu Amola, bu buloba bûle tente ne mpesa ne mena a luehu, bu tshihela tshia tshianana tshiendelele. Difuka dia bantu banyi nedibahaule, ba mu tshisamba tshianyi badi bashala ne muoyo nebabahiane.

Yeshaya 11:14

Nebâuke ha diaha dia Bena Peleshete ku luseke lua wesete, ne bubidi buabo nebanyenge bintu bia bena luseke lua esete. Nebolole bianza biabo bua kukokesha Edome ne Moaba, ne Bena Amona nebatumikile mei abo.

Balombodi 10:6

Bena Isalele bakenza malu mabi ku mesu kua Yehowa, bakatendelela Babala ne Bashatelota ne nzambi ya Bena Sulia ne nzambi ya Bena Sidona ne nzambi ya Bena Moaba ne nzambi ya Bena Amona ne nzambi ya Bena Peleshete; bakalekela Yehowa, ka bakamuenzela mudimu.

Dielulula 23:3

Muena Amona anyi Muena Moaba kababuedi mu disangisha dia bantu ba Yehowa; ne tunkanunuma tuabo kaubuedi mu disangisha dia bantu ba Yehowa tô ne hahita bikondo dikumi tshiendelele;

Dielulula 2:9

Yehowa wakangambila ne, Kanutatshishi Bena Moaba, kanuluanganyi nʼabo nvita; bualu bua tshiena munuhe buloba buabo bu buhianyi buenu; bualu bua nakamana kuha bana ba Lota buloba bua Ala bu buhianyi buabo.

Genese 20:1

Abalahama wakumuka ku muaba au, wakaya ku Sude, wakashikama hankatshi ha Kadesha ne Shû, wakashikama ku Gelâ.

1 Samuele 14:47

Hakabuela Shaula mu bukelenge bua Isalele, yeye wakaluangana nvita ne bena lukuna bandi bonso ba ku nseke yonso: wakaluangana ne Bena Moaba ne Bena Amona ne Bena Edome ne bakalenge ba mu Seba ne Bena Peleshete; ku miaba yonso yakayeye, yeye wakabahita bukole.

Misambu 83:9

Wenzele bantu aba bu muwakenzela Midiyana; bu muwakenzela Sisela ne Yabina ku musulu wa Kishona,

Sefanya 2:8

Nakunvua bibingu bia Bena Moaba, ne bihendu bia Bena Amona biakuhendabo nʼabi bantu banyi, biakudibandishabo nʼabi bakasuabo kukehesha mikalu ya buloba bua bantu banyi.