Genese 18:27 - Mukanda wa Nzambi Dihungila Dikulukulu ne Dihungila Dihia-dihia 2003

²⁷ Abalahama wakamba ne, Tangila, nakukuata bualu bua kusomba ne Yehowa, meme ndi bu luhuishi ne butue.

MUKANDA WA MYIDI MUKULU

²⁷ Abrahame kuamba kabidi ne: — Ndi nkolesha muoyi bua kuakula ne Maweja-Nangila wanyi, nansha bu mundi muikale muntu tshianana, tshintu tshia lupitapita.

Genese 18:27 Referans Kwoze

Yeshaya 6:5

Ka meme nakamba ne, Mulau wakunkuata! Bualu bua ndi mujimine; bualu bua ndi muntu udi ne mishiku idi kayiyi miakane, ne ndi mushikame munkatshi mua bantu badi ne mishiku idi kayiyi miakane; bualu bua mesu anyi akumona Mukelenge, Yehowa wa misumba mene!

Luke 5:8

Hakamona Simona Petelo bualu ebu, wakadihonena hanshi ku binu bia Yesu, wakamba ne, Mukelenge, Umuka kundi, bualu bua meme ndi muntu bubi.

Genese 3:19

neudie bidia ne luanga ha mpala hebe to ne hawahingana mu buloba kabidi, wewe wakumushibua mu buloba, wewe udi dinfuenkenya dia buloba, neuhingane mu dinfuenkenya dia buloba kabidi.

Luke 18:1

Yeye wakabelela lusumuinu bua kubamanyisha ne, Mbimpe bia nuenu kutendelela Nzambi matuku onso, kanuhangi;

Yeshaya 64:8

Kadi wewe Yehowa udi Tatu wetu; tuetu tudi dima ne wewe udi mufumbi; buonso buetu tudi bintu biwakuenza ku bianza biebe.

Muambi 12:7

nunku mubidi newandamuke dinfuenkenya dia buloba kabidi ne muhuya wa muoyo neuhingane kudi Nzambi wakaufila.

Yobe 30:19

Yeye wakungela mu bitahikidi, nakulua bu luhuishi ne butue.

Yobe 4:19

Nunku neatambe kumona mahanga kudi badi ne mibidi ya ha buloba, badi ne bishimikidi biabo mu dinfuenkenya, hadi baboteshibua bu tshibayibayi!

Genese 2:7

Yehowa Nzambi wakafuka mulume ne dinfuenkenya dia buloba, wakela muhuya wa muoyo mu diulu diandi, ne mulume wakalua ne muoyo.

Misambu 144:3

Yehowa, muntu udi nganyi, bua wewe udi mumumanye? Muana wa muntu udi nganyi bua wewe udi umuelela meji?

Misambu 8:4

Muntu udi nganyi bua wewe kumuelela meji? Ne muana wa muntu udi nganyi bua wewe udi umulama ne dinanga?

Ezela 9:6

nakamba ne, O Nzambi wanyi, bundu budi bunkuata bikole bua meme kuhandisha mesu anyi kûdi, Nzambi wanyi; bualu bua malu mabi etu akavulangana ha mitu hetu, ne kuhila kuetu kuakamana kufika mu diulu.

Genese 18:28

Bikalamu bantu bakane makumi atanu kakuiyi bantu batanu, neushihe musoko wonso bualu bua bantu batanu kabayiku, anyi? Wakamba ne, Tshiena nshiha musoko binasangana bantu bakane makumi anai ne batanu.

Ekesode 32:11

Mose wakatendekena Yehowa, Nzambi wandi, wakamba ne, Yehowa, bualu kai tshiji tshiebe tshidi tshitambe bukole kudi bantu bebe bawakaluhula mu buloba bu Ejipitu ne bukole bunene ne tshianza tshia bukole?