Genese 1:26 - Mukanda wa Nzambi Dihungila Dikulukulu ne Dihungila Dihia-dihia 2003

²⁶ Nzambi wakamba ne, Tuenze muntu ne tshifuanyikishi tshietu mufuanangane nʼetu, balue bakokeshi ba minyinyi ya mu mai manene ne ba nyunyu ya mulu, ne ba bimuna, ne ba buloba buonso, ne ba tshintu tshionso tshidi tshidikoka hanshi.

MUKANDA WA MYIDI MUKULU

²⁶ Mvidi Mukulu kuamba ne: “Tufuke muntu mufuanangane netu, bua ikale mfumu wa minyinyi ya mu mayi, nyunyi ya mulu, bimuna, bilandadi ne bintu bionsu bidi pa buloba.”

Genese 1:26 Referans Kwoze

Kolose 3:10

nuakaluata muntu muhia-muhia udi uvuishibua muhia-muhia mu dimanya dilelela, bu mudi tshifuanyikishi tshia Mumufuki.

Efeze 4:24

Nudijadike muntu muhia-muhia wakafukibua mu tshifuanyikishi tshia Nzambi ne buakane ne tshijila bidi bifuma ku malu malelela.

Genese 3:22

Yehowa Nzambi wakamba ne, Monai, mulume wakulua bu umue wetu, udi mumanye malu mimpe ne malu mabi, bua yeye kolodi tshianza tshiandi bua kuangateye mamuma a mutshi wa muoyo, wadia, wikala ne muoyo tshiendelele,

Genese 5:1

Eu udi mukanda wa ndelanganyi ya Adama Mu dituku diakafuka Nzambi bantu mu tshifuanyikishi tshiandi,

Misambu 100:3

Numanye bienu ne, Yehowa udi Nzambi! Nyeye mene wakatufuka, tudi bantu bandi; tudi bantu bandi ne mikoko ya mu mpata wandi.

2 Korente 3:18

Kadi buonso buetu, katui ne tshilulu tshikudika ha mpala, tudi tutangila bu mu ludimuenu butumbi bua Mukelenge, tudi tuandamushibua mu tshifuanyikishi tshiotshimue ku butumbi ne ku butumbi; bu mudi kudi Mukelenge Nyuma.

Yeshaya 64:8

Kadi wewe Yehowa udi Tatu wetu; tuetu tudi dima ne wewe udi mufumbi; buonso buetu tudi bintu biwakuenza ku bianza biebe.

Kolose 1:15

Yeye udi tshifuanyikishi tshia Nzambi udi kai mua kumuenebua, muanʼa bute wa bifukibua bionso;

Yakobe 3:9

Tudi tutumbisha nʼalu Mukelenge ne Tatu; tudi tuela nʼalu bantu bakafukibua ne tshifuanyikishi tshia Nzambi mulau.

2 Korente 4:4

bakafofomishabo mesu a meshi a badi kabai bitabusha kudi nzambi wa tshikondo etshi, bua dinkenka dia lumu luimpe lua butumbi bua Kilisto, udi tshifuanyikishi tshia Nzambi, kaditemi kudibo.

1 Korente 11:7

Bualu bua kembimpe bua mulume mene kubuikila tshilulu ku mutu kuandi, bualu bua yeye udi tshifuanyikishi ne butumbi bua Nzambi; kadi mukashi udi butumbi bua mulume.

Genese 9:6

Muntu yonso udi umatshisha mashi a munga muntu hanshi, nebamatshishe mashi andi hanshi, bualu bua Nzambi wakafuka bantu mu tshifuanyikishi tshiandi.

Muambi 7:29

Nakasangana anu bualu ebu bumue ne, Nzambi wakafuka bantu ne mitshima mijalame, kadi bobo bakadikebela malu a ngenyi yabo.

Bienzedi 17:26

Yeye kabidi wakafuka bisamba bionso bia bantu, bafuma mu muntu umue, bua kuikalabo ha buloba buonso; wakatahulula bikondo biabo bidianjile kulongolola diambedi, ne mikalu ya miaba yabo yashikamabo.

Yowanane 14:23

Yesu wakamukudimuna ne, Biansua muntu, nenze dî dianyi; Tatu wanyi neamusue, tuetu netulue kudiye, netuikale ngandi.

1 Yone 5:7

Nyuma Muimpe ngudi umanyisha, bualu bua Nyuma udi bulelela.

Yakobe 3:7

Bualu bua mushindu wonso wa nyama ne wa nyunyu ne wa bintu bidi bidikoka hanshi ne wa bintu bia mu mai manene bidi bibidishibua hanu, biakumana kuibidishibua hanu kudi bantu;

Yeshaya 6:8

Hashishe nakunvua dî dia Mukelenge diamba ne, Nentume nganyi, neatuyile nganyi? Nunku nakamba ne, Ka meme eu, untume meme!

Misambu 149:2

Isalele ikale ne disanka mu Mufuki wandi, bana ba Siona bikale ne disanka mu Mukelenge wabo!

Genese 11:7

Tuyai bietu hanshi, tutompakashe muaku wabo, nunku kabena mua kunvuangana muaku wabo kabidi.

Yirmeya 27:6

Katataka nakufila makelenge â onso mu bianza bia Nebukadenesâ, mukelenge wa Babulona, muntu wanyi; nakumuha nyama yonso ya mu mpata kabidi bua kumukuatshilayi mudimu.

Yobe 35:10

Kadi kakuena umue udi wamba ne, Nzambi Mufuki wanyi udi kudi kunyi? Nyeye udi utuha misambu ya kuimba butuku,

Yowanane 5:17

Kadi Yesu wakabandamuna ne, Tatu wanyi udi ukuata mudimu tô ne katataka, ne meme kabidi ndi ngukuata.

Bienzedi 17:20

Bua wewe udi utuambila malu adi mahia-mahia ku matshu etu; ka tudi basue kumanya dijingulula dia malu â.

Yobe 5:23

Bualu bua neuhunge tshihungidi ne mabue bua kânyangi madimi ebe, ne nyama ya mu mpata neyikale nʼebe ditalala.

Genese 2:19

Yehowa Nzambi wakafuka nyama yonso ya mu madimi ne nyunyu yonso ya mulu ne buloba, wakalua nʼai kudi mulume bua kutangila bu muakadiye mua kuyidika, dina dionso diakidikeye tshifukibue tshionso diakadi dina dia tshi.

Yeshaya 45:18

Bua edi ndî didi Yehowa wakafuka diulu wamba, Nzambi mene wakafuka buloba ne wakabuenza, wakabujadika, kakabufuka bu tshintu tshia hatuhu, wakabufuka bua bantu bashikamehu; yeye mene udi wamba ne, Meme ndi Yehowa, ne kakuena mukuabo nansha.

Yobe 39:11

Wewe udi mua kumueyemena bualu bua bukole buandi budi bua bungi, ne udi mua kumushila mudimu webe wa mu budimi bua yeye kuwenza, anyi?

Musambu wa Solomo 1:11

Netukulongoluele bilenga bia or bilamika argent.