Genese 1:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Nzambi wakamba ne, Buloba bumeneshe bimenyi bionso, midioko idi yela ntete ne mitshi idi ikuama mamuma adi ne ntete yai, bu mudi mushindu wai. Bualu buakenjibua

MUKANDA WA MYIDI MUKULU

¹¹ Mvidi Mukulu kuamba ne: “Bikunyibua bitoloke pa buloba, bisosa bidi biela nzeba ne mitshi idi ikuama bimuma bia mishindu yonsu.”

Genese 1:11 Referans Kwoze

Ebrewu 6:7

Bualu bua buloba buakamana kumina nvula wakaloka ha mutu habu misangu ya bungi ne budi bumenesha midioko idi ikuatshisha bantu badibo babudimina, budi buangata disanka kudi Nzambi;

Misambu 147:8

Udi ubuikila diulu ne matutu, udi ulongoluela buloba nvula, udi umenesha mashinde ha mikuna.

Genese 1:29

Nzambi wakamba ne, Monai, nakanuha midioko yonso ya ha buloba idi yela ntete, ne mitshi yonso idi ikuama mamuma adi ne ntete munda, bua kuikalabi bia kudia bienu.

Genese 2:9

Yehowa Nzambi wakamenesha mitshi yonso idi buimpe ku mesu ne idi mimpe bua kudia mu buloba, mutshi wa muoyo kabidi wakadi munkatshi mua budimi, ne mutshi wa lungenyi lua kujingulula malu mimpe ne malu mabi.

Marke 4:28

Buloba budi budivuishila maminu nkayabu; diambedi mutoloko, ku nyima muehu, hashishe maminu manene ku muehu.

Matayi 6:30

Bisosa bia mu mpata bidiku lelu, makelela nebibueshibue mu matshua; nuenu bena ditabusha dikese, bialuatshisha Nzambi bisosa nunku, yeye kena utamba kunuluatshisha bienu, anyi?

Yobe 28:5

Buloba budi bumenesha bia kudia, kadi munda muabu mene mudi mukudimuka bua kahia kadi kabuandamuna.

Misambu 1:3

Yeye udi bu mutshi wakukunabo kukala kua misulu ya mai, udi ukuama mamuma au mu tshidimu tshiau; dibeshi diau kadiena difubidila. Malu onso adiye wenza adi atuta diakalengele.

Genese 2:5

midioko ya mu madimi kayakanza kudiunda ha buloba ne mashinde kâkanza kutoloka, bualu bua Yehowa Nzambi kakanza kulokesha nvula ha buloba, ne kakuakadi muntu bua kuihileye buloba,

Yakobe 3:12

Bana betu, mutshi wa nfigi udi mumanye mua kukuama oleve, anyi? Muonshi wa tumuma udi mamanye mua kukuama nfigi, anyi? Nunku mai a lueho kêna mamanye mua kuhatula mai mimpe.

Matayi 3:10

Katataka tshisui tshidi tshiladika ha muji wa mutshi wonso; mutshi wonso udi kawi ukuama mamuma mimpe nebaushimbule, nebawele mu kahia.

Yirmeya 17:8

Bualu bua yeye neikale bu mutshi mukunyibue hehi ne mai, udi utuma miji yau ku mai a musulu, udi kauyi utshina halua munya mukole, kadi mabeshi au neashale mabishi; kawena uhohoka mabeshi mu tshidimu tshia munanga, kawena uhanga kukuama mamuma.

Genese 2:16

Yehowa Nzambi wakamuelela mukenji ne, Udi mua kudia mamuma a mitshi yonso ya mu budimi, bu mûdi musue,

1 Korente 15:38

kadi Nzambi udi uha maminu onso mubidi bu mudiye musue, ne udi uha diminu ne diminu mubidi wadi.

Genese 1:12

Buloba buakamenesha bimenyi, midioko idi yela ntete, bu mudi mishindu yai, ne mitshi idi ikuama mamuma adi ne ntete yai, bu mudi mushindu wai. Nzambi wakabimona ne, Mbimpe.

Yeshaya 61:11

Bualu bua bu mudi buloba bumenesha lutonga luabu, bu mudi tshibidi tshitolesha maminu adibo bakunamu, nunku Mukelenge Yehowa neameneshe buakane ne butumbi ku mpala kua bisamba bionso bia bantu.