Filipe 3:15 - Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Nunku buonso buetu bakamana kukola mu bualu bua Nzambi tuikale ne meshi momumue; ne binuikala ne meshi makuabo mu bualu bukuabo, Nzambi neanubuluile bualu ebu kabidi;

MUKANDA WA MYIDI MUKULU

¹⁵ Tuetu bonsu bakadi bakulumpe mu bualu bua Mvidi Mukulu, ke meji atudi ne bua kuela. Kadi pikala bamue ba kunudi bela meji a mushindu mukuabu, Mvidi Mukulu neanujanduile bualu buonsu patoke.

Filipe 3:15 Referans Kwoze

Yowanane 7:17

Bitabusha muntu kuenza bu mudi Nzambi musue, yeye neamanye diyisha edi, ne ndia Nzambi, anyi ndi ndiambila nkayanyi.

Ngalate 5:10

Meme ndi ne ditekemena edi kunudi mu Mukelenge ne, Kanuena nuikala ne meshi makuabo; kadi udi unutatshisha neadituadile dihila diandi, ne udi nganyi ne nganyi.

1 Korente 2:6

Tudi tuamba mei a meshi munkatshi mua bantu bakamana kukola mu bualu bua Nzambi, kadi kemeshi a tshikondo etshi anyi a bakokeshi ba tshikondo etshi balualua ba hatuhu.

Kolose 4:12

Epafa, udi umue wenu ne muhika wa Kilisto Yesu, udi unutumina muoyo, udi utshinta bikole misangu yonso bua bualu buenu mu mitendelelu yandi, bua nuenu mijalame bakane tshishiki, ne bamanyishibue bimpe mu disua dionso dia Nzambi.

1 Korente 14:20

Bana betu, lekelai kuikala bana mu meshi enu, kadi nuikale tuana tukese mu malu mabi, nuikale bantu bakole mu meshi enu.

Matayi 5:48

Nunku nuenu nenuikale bakane bu mudi Tatu wenu wa mu diulu muakane.

Yeshaya 35:8

Tshibebe tshikaleku, ne nshila, nebamubikile ne, Nshila wa Tshijila; badi kabayi balengeshibue ku bubi buabo kabena bamanye mua kuhitshilaku, kadi neikaleku bua bantu bandi; bena luendu, nansha bahote mene, kabena bendelamu.

Ebrewu 5:14

Bia kudia bikole bidi bua bantu bakole, bia bobo mene badi ne meshi abo mibidila a kujingulula nʼau tshidi tshimpe ne tshidi tshibi, bualu bua bakalonda malu makane.

Kolose 1:28

Nyeye utudi tuamba, tudimusha muntu yonso ne tuyisha muntu yonso mu meshi onso, bua tuetu tumanye mua kumuenesha muntu yonso muakane tshishiki mu Kilisto.

Rome 15:1

Butudi nʼabu, tuetu bantu bakole, mbua kutuala matekete a badi batekete, kembua kudisankisha nkayetu.

Luke 11:13

Nunku nuenu bantu babi, binuamanya mua kuha bana benu bintu bimpe, Tatu wenu wa mu diulu kena uha batu bamulomba Nyuma Muimpe, anyi?

1 Yone 2:5

Kadi muntu utu walama dî diandi, bulelela, dinanga dia Nzambi diakumana kukumbana munda muandi tshishiki. Mu bualu ebu tudi bamanye ne, Tudi munda muandi;

2 Timote 3:17

bua muntu wa Nzambi ikale mukumbashibue, mulongolola tshishiki bua midimu yonso mimpe.

Yowanane 6:45

Baprofete bakafunda ne, Nzambi neabayishe bonso. Muntu yonso wakunvua mei a Tatu, wakuayila, ulualua kundi.

Efeze 1:17

bua Nzambi wa Mukelenge wetu Yesu Kilisto, Tatu wa butumbi, anuhe nyuma wa meshi ne wa dibuluila mu dimumanya dienu;

1 Tesalonike 4:9

Kadi bualu bua dinangangana dia bana babo ba mu Kilisto, kanuedi ne bualu bua muntu anufundile dî; bualu bua nuenu nudi bayishibue kudi Nzambi bua kunangangana.