Filipe 2:2 - Mukanda wa Nzambi Dihungila Dikulukulu ne Dihungila Dihia-dihia 2003

² nunvudishile disanka dianyi, bua nuenu nuele meshi muomumue, nuikale bienu ne dinanga diodiumue ne mutshima muomumue ne meshi amue.

MUKANDA WA MYIDI MUKULU

² Nanku ndi nnulomba bua nukumbaje disanka dianyi: umvuanganayi, nanganganayi, nuikale ne muoyi umue, kabidi ne lungenyi lumue.

Filipe 2:2 Referans Kwoze

Rome 12:16

Nuikalangane ne meshi amue, muntu ne muntu; kanuteki meshi enu ku malu mahite, kadi nudihuekeshe ku malu adi mahuekela. Kanuditekemenyi bu munudi bena meshi.

1 Korente 1:10

Bana betu, ndi nusengelela bua dina dia Mukelenge Yesu Kilisto, bua buonso buenu nuambe dî diodiumue, ne bua kakuikadi matahuluka munkatshi muenu; kadi bua nuenu nuikale bâkashibue tshishiki mu meshi amue ne mu lungenyi lumue.

2 Korente 13:11

Tshiashadidi mpindiu, bana betu muoyo wenʼau. Nulengeshibue tshishiki, nusambibue, nuikale ne meshi amue, nuikalangane talala; ne Nzambi wa dinanga ne ditalala neikale nʼenu.

3 Yone 1:4

Tshiena ne disanka didi dihita edi bunene, bua meme kunvua ne, Bana banyi badi benda mu bushua.

Filipe 2:16

nuboluele dî dia muoyo; bua meme kuikala ne bua mua kutumbila nʼabu mu dituta dia Kilisto ne, Tshiakidikisha lubilu tshianana ne tshiakenza mudimu wanyi hatuhu.

Bienzedi 2:46

Ku dituku ku dituku bakadi bananukila kudisangisha mu ntempelo, ne mutshima umue, ku nsubu yabo bakadi batshibula bidia, bakadi badia bidia biabo ne disanka ne mitshima ya kanemu,

2 Yone 1:4

Nakasanka bikole bualu bua nakusangana bana bebe bakuabo benda mu bushua, bu mutuakangata mukenshi kudi Tatu.

2 Tesalonike 2:13

Kadi butudi nʼabu mbua kusakidila Nzambi misangu yonso bua bualu buenu, bana betu banangibua kudi Mukelenge, bualu bua Nzambi wakadianjila kunusungula ku tshibangidilu bua kunuha luhandu mu kujidila kua Nyuma Muimpe ne mu kuitabusha kua malu a bushua;

Kolose 2:5

Bua bingikala tshi nʼenu mu mubidi wanyi, ntshidi nʼenu mu nyuma wanyi; ndi nsanka, ndi mona kudilongolola kuenu ne kutantamana kua ditabusha dienu dia mu Kilisto.

Filipe 4:2

Ndi nsengelela Ewodia ne ndi nsengelela Suntuke bua kuikalabo ne meshi amue mu Mukelenge.

Filipe 2:20

Bua tshiena ne mukuabo udi ne mutshima bu wandi wadielesha meshi bulelela bua malu enu.

2 Korente 7:7

tuakasambibua kembua kulua kuandi nkayaku, kadi bua busambi buakasambibueye nʼabu bua bualu buenu hakatuambileye bualu bua dijinga dienu ne kudila kuenu ne lukunukunu luenu bia bualu buanyi; nunku nakatamba kusanka.

2 Korente 2:3

Nakanufundila bualu ebu mene bua meme, hanalua, tshikadi ne kanyinganyinga kudi bantu bandi ne bua kuikala ne disanka kudibo; ndi ne ditekemena kunudi bonso ne, Disanka dianyi didi dia buonso buenu.

Bienzedi 5:12

Ku bianza bia bapostolo bimanyinu bia bungi ne malu a kukema biakadi bienjibua munkatshi mua bantu; buonso buabo bakadi badisangisha mu mbalanda wa Solomo ne mutshima umue.

Bienzedi 1:14

Buonso buabo bakadi ne mitshima muomumue, bakananukila kutendelela Nzambi, ne bakashi, ne Malia mamu wa Yesu, ne bana babo ne Yesu.

Filipe 1:4

ntu nganulombela Nzambi ne disanka misangu yonso mu disengelela dianyi dionso bua bualu buenu

Yowanane 3:29

Udi ne mukashi udi biandi mubaki wa mukashi; kadi mulunda wa mubaki, himaneye nʼandi, hatelesheye dî diandi, neatambe kusanka bualu bua dî dia mubaki; ka disanka dianyi didi dikumbane.

2 Timote 1:4

njinga kukutangila, nvuluka binsonshi biebe, bua meme kûshibua ne disanka.

Bienzedi 2:1

Hakalua dituta dia Pentekoste, buonso buabo bakadi hohamue mu muaba umue.

Filemone 1:20

Bulelela, muanʼetu, mpeteku disanka dikumbana kûdi mu Mukelenge; ukankamasha mutshima wanyi mu Kilisto.

Misambu 122:8

Bua malu a bana betu ne a balunda banyi, nengambe bianyi ne, Ditalala dikale munda muebe.