Estere 8:16 - Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Bena Yuda bakadi ne munya ne musangelu ne disanka ne butumbi.

MUKANDA WA MYIDI MUKULU

¹⁶ Bena Yuda bavua ne diakalenga, basanka bua pavuabu batshimuna baluishi babu.

Estere 8:16 Referans Kwoze

Misambu 97:11

Munya utu watema bua bantu bakane mu buloba, disanka didi dikunyinamu bua badi bakane mu mitshima yabo.

Nsumuinu 11:10

Bikala bantu bakane ne diakalengele, ba mu musoko badi basanka; hajimina bantu babi, badi bela mbila ya disanka.

Misambu 18:28

E, udi untemeshila muinda wanyi; Yehowa Nzambi wanyi udi untokeshila midima yanyi.

Yeshaya 35:10

Bantu badi Yehowa muhikule nebahingane, nebalue ku Siona bimba misambu; disanka dia tshiendelele nedikale ha mitu habo; nebahete disanka ne diakalengele; kanyinganyinga ne kuhumuna nebinyeme kule.

Misambu 112:4

Munya udi umueneka mu midima bua kutemena bantu bakane; Yehowa udi ne dinanga, udi ufuila bantu luse ne udi muakane.

Estere 9:17

Bakenza bualu ebu mu dituku dia dikumi ne asatu dia ngondo wa Adâ; bakikisha mu dituku dia dikumi ne anai, bakasungula dituku adi bua kudiabo bidia bia disanka ne musangelu.

Estere 4:16

Ya biebe, usangishe Bena Yuda bonso badi mu Shushana, bajile bia kudia bualu buanyi matuku asatu; kabadi tshintu, kabanu tshintu tô matuku â asatu butuku ne munya; meme ne bena mudimu banyi bakashi netujile bia kudia diatshimue; hashishe nenye kudi mukelenge bu mudi kamuyi mu mikenji; binafua, nenfue.

Misambu 118:27

Yehowa udi Nzambi, yeye wakututemeshila munya. Suikai nyama wa mulambu ne mionshi, umulombole tô ne ku nsengu ya ha tshioshelu.

Misambu 30:12

Bua muoyo wanyi ukuimbile misambu ya kukutumbisha nʼai, kauhuwu. Yehowa Nzambi wanyi, nenkusakidile tshiendelele.

Nsumuinu 28:12

Hatumba bantu bakane, butumbi bunene budiku; kadi habanda bantu babi, bantu badi basokoma.