Estere 7:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Mukelenge wakajuka ku nvinyo ya bidia bia disanka ne tshiji tshikole, wakaluhuka, wakendakana mu tshibunda tshia mu luhangu luandi; Hamana wakajuka bua kulombeye muoyo wandi kudi Esetê mukelenge mukashi; bualu bua yeye wakajingulula ne, Mukelenge neakebe kungenzela bibi.

MUKANDA WA MYIDI MUKULU

⁷ Mukalenga kufika munda bikole ne tshiji, kumuka ku mesa, kupatuka mu lupangu luende lua bukalenga. Amane umanya ne: mukalenga udi ujinga kunshipesha, kushalaye usengelela mukalenga mukaji Estere, bua amusungidile, kabamushipi.

Estere 7:7 Referans Kwoze

Nsumuinu 19:12

Tshiji tshia mukelenge tshidi bu muadi wa nyama wa ntambue, kadi diakalengele diandi didi bu mume ha mashinde.

Estere 1:12

Kadi Washeti, mukelenge mukashi, wakabenga kulua ku mukenji wa mukelenge wakatumeye kudi bantu batungula; nunku mukelenge wakadi ne tshiji tshikole, ne tshiji tshiandi tshiakatema munda muandi.

Didimanyisha 3:9

Mona, ndi nkuha ba mu nsunagoga wa Satana, ba munkatshi mua badi badiamba ne, Tudi Bena Yuda, ne kabena nunku, kadi badi bashima; mona, nembavuishe bua kuluabo ne bua kukukuilabo ku makasa ebe, ne bua kumanyabo ne nakukusua.

Danyele 3:19

Ha diba edi Nebukadenesâ wakulangana tente ne tshiji, ne mpala wandi wakakudimukila Shadalaka, Meshaka ne Abedenego. Nunku wakela dî diandi ne, Bahishe tshikutu ne kahia kadi kahita ka matuku makuabo misangu muanda mutekete.

Yeshaya 60:14

Bana ba balume ba bantu aba bakakukengesha nebalue badinamina hanshi kûdi; bantu aba bonso bakakuhetula nebatue mpala yabo hanshi tô ne ku makasa ebe mene; nebakubikile ne, Musoko wa Yehowa, Siona wa Wa Tshijila wa Isalele.

Nsumuinu 14:19

Bantu babi badi binamina bantu bimpe, ne benji ba malu mabi badi binama ku bibi bia bantu bakane.

Misambu 112:10

Muntu mubi neatangile muanda eu, neakuatshike kanyinganyinga; neasumakane menu, neajimine. Disua dia bantu babi nedijimine.

1 Samuele 25:17

Nunku umanye bualu ebu, welangane meji a bualu bûdi musue kuenza; bualu bubi bulualua kudi mukelenge wetu ne kudi bonso ba mu nsubu wandi; bualu bua yeye udi muntu mulembakana, kakuena muntu udi mumanye mua kuakula nʼandi.

1 Samuele 20:9

Yonatana wakamuambila ne, Bualu ebu kabuikadi kûdi. Binamanya ne tatu wanyi ndi musue kukuenzela bualu bubi, tshiena nkumanyisha, anyi?

1 Samuele 20:7

Biambeye ne, Mbimpe, hashishe muntu webe neikale talalâ, kadi biakuateye tshiji, Umanye biebe ne yeye wakahangidisha bua kungenzela bibi.

Estere 1:5

Hakahita matuku â, mukelenge wakalambishila bantu bonso bakadi nʼandi mu nsubu wandi wa mu Shushana, ne banene ne bakese, bidia bia disanka, mu tshiendedi tshia mu tshibunda tshia ku mbalasa wa mukelenge matuku muanda mutekete.

Estere 7:10

Nunku bakowa Hamana ku tshiowelu tshiakalongolueleye Môdekai. Hashishe tshiji tshia mukelenge tshiakalekela.

Nsumuinu 14:35

Muena mudimu udi ne meji udi uheta diakalengele kudi mukelenge wandi, kadi tshiji tshia mukelenge tshidi kudi muntu udi umufuisha bundu.

Nsumuinu 16:14

Tshiji tshia mukelenge tshidi messager wa lufu, muntu udi ne meji neatshitalashe.