Estere 4:16 - Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Ya biebe, usangishe Bena Yuda bonso badi mu Shushana, bajile bia kudia bualu buanyi matuku asatu; kabadi tshintu, kabanu tshintu tô matuku â asatu butuku ne munya; meme ne bena mudimu banyi bakashi netujile bia kudia diatshimue; hashishe nenye kudi mukelenge bu mudi kamuyi mu mikenji; binafua, nenfue.

MUKANDA WA MYIDI MUKULU

¹⁶ “Uye kusangisha bena Yuda bonsu badi mu Shushane. Nujile biakudia bualu buanyi, kanuyi nudia nansha nunua matuku asatu a munya ne a butuku. Netuenze kabidi nanku meme ne bena mudimu banyi. Pashishe, nansha bu mudibi bikandika kudi diyi, nenye kudi mukalenga. Nanku, bu bobu mua kunshipa nebanshipe!”

Estere 4:16 Referans Kwoze

Bienzedi 20:24

Kadi tshiena mbala muoyo wanyi bu tshintu tshia mushinga mukole kundi, binamanya mua kushikisha tshidikishilu tshianyi tshia lubilu ne mudimu unakuangata kudi Mukelenge Yesu wa kumanyisha bantu lumu luimpe lua ngasa wa Nzambi.

2 Kulondolola 20:3

Yehoshafata wakatshina, wakahangidisha bua kukeba Yehowa; wakela mukenji wa bantu bajile bia kudia mu nseke yonso ya Yuda.

Luke 9:24

Bualu bua wasua kusungila muoyo wandi neaujimishe; kadi wajimisha muoyo wandi bua bualu buanyi neausungile.

Genese 18:19

Nakamumanya bua yeye ayishe bana bandi ne ba mu nsubu wandi bimpe, bua bobo baye mu nshila wa Yehowa bua kuenza malu makane ne malulame, nunku Yehowa neamanye mua kuenzela Abalahama malu onso akamuambileye.

Yoshua 24:15

Binuamona ne kukuatshila Yehowa mudimu kudi kubi, lelu nusungule unudi basue kukuatshila mudimu, ne nzambi yakadi bankambua benu bakuatshile mudimu dishiya dia musulu wa Pelata anyi nzambi ya Bena Amole, bena buloba bunudi bashikame; kadi meme ne ba mu nsubu muanyi netukuatshile Yehowa mudimu.

2 Samuele 10:12

Nuikale ne dikima; tuikale bu balume mene mene bualu bua bantu betu ne bua misoko ya Nzambi wetu; Yehowa enze biandi malu adi mimpe ku mesu kuandi.

Genese 43:14

Nzambi wa Bukole Buonso anufue luse ku mesu kua mulume au, bua yeye ahingashe muanʼenu mukuabo ne Benyamina kabidi mu bianza bienu Bianjimishilabo bana banyi, nembajimishe

Yeshaya 22:12

Mu dituku adi Mukelenge, Yehowa wa misumba, wakanubikila bua kudila ne bua kuasa madilu, bua kubeya nsuki yenu ne bua kudiluatshisha bilulu bikayabala;

Estere 5:1

Hakahita matuku asatu, Esetê wakadiluatshisha bilulu biandi bia bukelenge, wakimana mu tshiendedi tshia munda mua nsubu wa mukelenge ku mbelu kua nsubu wa mukelenge; mukelenge wakadi mushikame mu nkuasa wandi wa bukelenge mu nsubu wa bukelenge, ku tshibueledi tshia nsubu.

Filipe 2:30

bualu bua yeye wakalua ha buihi ne lufu bualu bua mudimu wa Kilisto, yeye wakahana muoyo wandi ku lufu bua kunkumbashila bintu biakadi bishala ku dikuatshisha dienu kundi.

Rome 16:4

Bobo mene bakafila nshingu yabo bua kuikosabo bua muoyo wanyi; kudibo kutudi tubasakidila, kememe nkayanyi, kadi bena ekelesia bonso ba mu bisamba bia bende.

Bienzedi 27:33

Paulo wakadi ubasengelela buonso buabo tô ne hakamba butuku kutshia, bua kudiabo, wamba ne, Edi ndituku dia dikumi ne anai anuakadi bashale, bajile bia kudia kanui badie tshintu.

Bienzedi 21:13

Kadi Paulo wakatuebesha ne, Nudi nuenzela nunku tshinyi, nudila numpandisha mutshima wanyi? Ndi mumane kudilongolola, kembua kusuikibua nkayaku, kadi bua kufua kabidi ku Yelushalema bua dina dia Mukelenge Yesu.

Bienzedi 10:7

Hakumuka muanjelo wakadi wakula nʼandi, wakabikila bena mudimu bandi babidi ba mu nsubu ne disalayi dimpe dia bakadi bamukuatshila mudimu matuku onso;

Bienzedi 9:9

Yeye wakadi kai umona tô matuku asatu, kakadia, kakanua.

Matayi 12:40

Bu muakadi Yona munda mua munyinyi mimene wa mu mai minya isatu ne mafuku asatu, nunku Muana wa muntu neikale munda mua buloba minya isatu ne mafuku asatu.

1 Samuele 19:5

bualu bua yeye wakateka muoyo wandi mu tshianza tshiandi hakashiheye Muena Peleshete, ne Yehowa wakaha Bena Isalele luhandu lunene: wewe wakatangila bualu ebu, wakasanka; wewe udi musue kumatshisha mashi a muntu muakane bua kushiha Davidi udi kayi ne bualu tshinyi?

Yowanane 19:22

Pilato wakabambila ne, Nakuenda munakufunda.

Estere 4:3

Mu nseke yonso yakaya mukenji wa mukelenge ne dî diandi, muadi munene wakadi munkatshi mua Bena Yuda, bakajila bia kudia, bakasa muadi, bakadila, ba bungi bakaluata bilulu bikayabala, bakadiela butue hamʼbidi.

Estere 4:15

Hashishe Esetê wakabahingisha kudi Môdekai ne dî edi ne,

Estere 4:17

Nunku Môdekai wakaya, Wakenza malu onso akamuambila Esetê.

Yirmeya 36:9

Mu tshidimu tshitanu tshia mu bukelenge bua Yehoyakima, muana wa Yoshiya, mukelenge wa Yuda, mu ngondo wa tshitema, bantu bonso ba mu Yelushalema ne bantu banso bakafuma ku misoko ya Yuda bua kubuela mu Yelushalema, bakela mukenji bua kujila bia kudia ku mpala kua Yehowa.

Danyele 2:18

bua bobo balombe luse kudi Nzambi wa mu diulu mu bualu ebu busokoka; bua Danyele ne balunda bandi kabafu diatshimue ne bena meji bakuabo ba mu Babulona.

2 Bakalenga 7:4

Bituanua ne, Netubuele mu musoko, ka tshiole tshidiku, netufuileku; bituashikama kunoko tshianana, netufuile kabidi. Nunku tuye bietu kudi masalayi a Bena Sulia; biatusungilabo, netuikale ne muoyo; biatushihabo, netufue.

Ezela 8:21

Hashishe nakela mukenji bua tuetu kujila bia kudia ku musulu wa Ahawa, bua tuetu kudihuekesha ku mesu kua Nzambi wetu, ne bua yeye atuleshe ne bana betu bakese ne bintu bietu nshila mululame.

Estere 9:31

bua kujadika matuku â a Pulima mu bikondo biakasungulabo bu muakadi dî dia Môdekai, Muena Yuda, ne Esetê mukelenge mukashi, babelele mukenji, bu muakadibo badielela mukenji ne tunkanunuma tuabo, mu malu a kujila kua bia kudia ne muadi wabo.