Estere 10:2 - Mukanda wa Nzambi Dihungila Dikulukulu ne Dihungila Dihia-dihia 2003

² Bienzedi bionso bia bukole buandi ne bia bukokeshi buandi ne dilongolola dia bunene bua Môdekai wakadi mukelenge mubandishe kabiena bifunda mu mukanda wa kulongolola kua malu a bakelenge ba Madai ne Pelasa, anyi?

MUKANDA WA MYIDI MUKULU

² Malu adi atangila midimu minene ne ya bukitu ivua mukalenga muenze, ne malu makuabu adi aleja muvuaye mubandishe Mordekayi mu muanzu munene, mbaafunde mu mukanda udibu binyika ne: “Malu menza kudi bakalenga ba bena Madayi ne ba bena Persa.”

Estere 10:2 Referans Kwoze

Estere 8:15

Môdekai wakumuka ku mesu kua mukelenge muluate bilulu bia bleu ne bitoke bia bukelenge, ne tshifulu tshia butumbi tshia or, ne tshikowelu tshikunzubile tshia bilulu bia lin; bena musoko bakadi mu Shushana bakela mbila, bakasanka.

Estere 9:4

Bualu bua Môdekai wakadi muntu munene mu nsubu wa mukelenge, ne lumu luandi luakafika ku nseke yonso; bualu bua muntu eu Môdekai wakadiundadiunda mu butumbi buandi.

Estere 2:23

Hakadibo balumbulula, bakabusangana ne mbua bushuwa; bakabowa bubidi buabo ku mutshi umue; bakafunda bualu ebu mu mukanda wa kulondolola kua malu ku mpala kua mukelenge.

Estere 6:1

Butuku abu mukelenge kakamanya mua kulala tulu; wakamba dî diandi, bakalua ne mukanda wa kulondolola kua malu, bakaubala ku mesu kua mukelenge.

Danyele 2:48

Hashishe mukelenge wakavuisha Danyele muntu munene, wakamuha bintu bia bungi, wakamuvuisha mukokeshi wa ha mutu ha province mujima wa Babulona, wakamuteka mukokeshi munene ku mutu kua bena meji bonso ba mu Babulona.

Misambu 18:35

Wewe wakumpa ngabu wa luhandu luebe, tshianza tshiebe tshia balume tshiakungimanyika, ne kudihuekesha kuebe kuakunvuisha muntu munene.

1 Bakalenga 22:39

Bienzedi bia Ahaba bikuabo biakenzeye ne nsubu wa mibanga wakaseye ne misoko yonso yakaseye kabiena bifunda mu mukanda wa kulondolola kua malu a hakelenge ba Isalele, anyi?

1 Bakalenga 14:19

Bienzedibia Yalobama bikuabo, muakaluanganeye ne muakakokesheye bidi bifunda mu mukanda wa kulondolola kua malu a bakelenge ba Isalele.

1 Bakalenga 11:41

Bienzedi bikuabo bia Solomo ne malu onso akenzeye ne meji andi kabiena bifunda mu mukanda wa bienzedi bia Solomo, anyi?

Estere 8:2

Mukelenge wakakohola kakanu kakanyengeye kudi Hamana, wakakaha Môdekai. Esetê wakateka Môdekai ha mutu ha nsubu wa Hamana.