Biblia Todo Logo
Bib sou entènèt

- Piblisite -




Ekesode 34:15 - Mukanda wa Nzambi Dihungila Dikulukulu ne Dihungila Dihia-dihia 2003

15 Kuhungi tshihungidi ne bena buloba; hendabo masandi ne mpingu yabo, ne hashihelabo nzambi yabo nyama, hakubikilabo bua kudia nʼabo munyinyi wa nyama mishiha;

Gade chapit la Kopi

MUKANDA WA MYIDI MUKULU

15 Kanuena mua kutua ndondu ne bena ditunga dinudi nusomba to. Bualu palambabu biakudia biabu bia kuelela mvidie yabu, nebanubikile bua kudia nabu.

Gade chapit la Kopi




Ekesode 34:15
36 Referans Kwoze  

Bobo kabakunvuila balumbuluishi babo; kadi bakenza malu a masandi kudi nzambi yabo, bakayinamina; bobo bakasesuka lubilu mu nshila wakadi batatuʼabo bendamu hakadibo batumikila mikenji ya Yehowa; kadi bobo kabakenza nunku.


Ne bualu bua kudia kua bintu bia kutendelelabo nʼabi mpingu, tudi bamanye ne, Kakuena luhingu ludi ne bualu ha buloba, ne kakuena Nzambi mukuabo anu umue.


Bakadilamika kudi Bâla-Peô; bakadia milambu mifila kudi bafue.


Yehowa wakambila Mose ne, Tangila, wewe neulale tulu ne bankambua bebe; ne bantu aba nebabike, nebalonde malu a masandi a nzambi ya bende ya mu buloba buyayabo, nebandekele, nebashihe tshihungidi tshituakahunga nʼabo.


bualu bua bakabikila bantu ku milambu ya nzambi yabo, ne bantu bakadia, bakinamina nzambi yabo.


Biakulayidila umue wabo udi kai muena ditabusha, ne binuasua kuya, tshintu tshionso tshidibo bateka ku mpala kuenu, nutshidie; kanukonkanganyi dikonka bualu bua muoyo-mukese.


Biakumona muntu, wewe muena lungenyi, ushikama bua kudia mu ntempelo wa luhingu, bikaleye mutekete, muoyo-mukese wandi kawena ukoleshibua bua kudieye bintu bia kutendelelabo nʼabi mpingu, anyi?


Kadi lungenyi elu kaluena munda mua bantu bonso; kadi bakuabo bakadi ne tshilele tshia kutendelela mpingu tô ne katataka, badi badia bintu ebi bu bintu bia kutendelelabo nʼabi mpingu; ne bualu bua muoyo-mukese wabo udi mutekete, udi ulua mubiha.


Bualu bua dikamakama diandi mu masandi andi buloba buakanyanguka, ne wakenda masandi ne mabue ne bibasa bia mitshi.


Nunku kabena bashihela ba-demon milambu yabo hadibo benda nʼabo masandi. Eu newikale mukenji kudibo bikondo biabo bionso.


Udimuke, kuhungi tshihungidi ne bantu ba mu buloba bûdi uya; bualu ebu kabulu buteyi munkatshi muenu.


Kadi ndi nʼebe bualu ebu ne, udi witabusha mukashi au Izebele, udi udibikila muprofete mukashi; ne udi uyisha ne udi uhambuisha bahika banyi bua kuendabo masandi ne bua kudiabo bintu bishihela mpingu.


Bena Isalele, kanusanki bua kutumba bu mudi ba mu bisamba bia bende hatumba! Bua nuakulonda malu a masandi hanuakulekela Nzambi wenu; nuakunanga difutu dia bena masandi dia ha bishihuidi bionso bia maminu.


Bantu banyi badi balomba lungenyi ku tshibasa tshia mutshi, ne tshibangu tshiabo tshidi tshibatempela; bualu bua mutshima wa masandi wakubahambuisha, ne bakulonda malu a masandi, batombokela Nzambi wabo.


Bua mona, badi nʼebe kule nebajimine. Wewe wakubutula bonso badi bakulekela bua kulondabo malu a masandi.


Babahe kabidi bintu bidibo nʼabi bualu, bana balume ba ngombe ne bimpanga ne bana ba mikoko bu milambu ya kuoshila Nzambi wa mu diulu; ne blé, luehu, nyinyo ne manyi, bu mudi bakuidi ba mu Yelushalema bamba; babahebi ku dituku ne ku dituku, kabahangi;


habafila Yehowa, Nzambi wenu, mu bianza bienu, nenubashihe; hashishe nenubajimishe ha buloba: kanuhungi nʼabo tshihungidi, kanubaleshi luse,


Hanuatangila malenda au, nuvuluke mikenji ya Yehowa, nuyenze, kanulondi mitshima yenu ne mesu enu adi anuenzesha malu a masandi,


Yeye wakamba ne, Nempunge nʼenu tshihungidi; nengenze malu a kukema ku mesu kua bantu bebe bonso, malu adi kâyi manze kumueneka ha buloba buonso anyi kudi tshisamba tshikuabo; bantu bonso badi nʼebe nebamone bienzedi bia Yehowa; bualu bua meme nengenze nʼebe bualu bukole.


Kuhungi nʼabo tshihungidi anyi ne nzambi yabo.


kadi tubafundile mukanda bua kutekelabo bintu bidi bibihisha kudi mpingu, ne bua kutekelabo masandi, ne nyama mifiekela mu nshingu ha kuishiha, ne mashi.


Muntu udi ushihela nzambi mikuabo nyama, kayi uyishihela Yehowa nkayandi, nebamushihe yeye.


Bakusesuka lubilu mu nshila unakubambila, bakulamba nkanu ya or, bakutula kana ka ngombe, bakukatendelela, bakukashihela milambu, bakuamba ne, Bena Isalele, nzambi wenu nyeu wakanuluhula mu buloba bua Ejipitu.


Bena Isalele bakashikama mu Shitima, bantu bakabanga kuenda masandi ne bana bakashi ba Bena Moaba,


kanubakanganyi nʼabo, kanubakishi muanʼenu mukashi kudi muana wabo mulume, kanuangatshidi muana wenu mulume mukashi kudibo.


Yehowa neambe ne, Nzambi yabo idi kudi kunyi, ne dibue diabo diakadibo batekemena didi hanyi,


yakadia manyi a nyama yakadibo bamushihela, yakanua nvinyo yakafilabo? Nzambi yenu ibike, inukuatshishe, inulame.


Kadi binuahingana bua kulamata bisamba ebi bidi bishala munkatshi muenu, ne bua kubakangana nʼabo, ne bua kubuelakana nʼabo,


bakangata bana babo bakashi bu bakashi babo, ne bakafua bana babo bakashi kudi bana babo balume, bakakuatshila nzambi yabo mudimu.


Bobo bakenzela Nzambi wa batatuʼabo bibi, bakalonda malu a masandi ne nzambi ya bantu ba mu buloba abu bakashihibua kudi Nzambi ku mpala kuabo.


Nunku kanufidi bana benu bakashi kudi bana babo balume; kanuangatshidi bana benu balume bana babo bakashi; kanukebi ditalala diabo anyi diakalengele diabo tô ne tshiendelele; bua nuenu nuikale ne bukole, bua nuenu nudie bintu bimpe bia mu buloba abu, ne bua nuenu nubushile bana benu bu buhianyi buabo bua tshiendelele.


Muntu yonso udi ulala ne nyama nebanshihe bulelela.


Meme nengumushe mesu anyi kudibo dituku adi bulelela, bua malu mabi akenzabo, hakakudimunabo mitshima yabo bua kutendelela nzambi mikuabo.


Swiv nou:

Piblisite


Piblisite