Ekesode 33:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Yehowa wakambila Mose ne, Wambile Bena Isalele ne, Nudi bantu ba buhidia bukole, binaya bianyi munkatshi muenu anu tshituha tshikese, nennushihe, nunku nuvule bintu bia kudilengesha nʼabi, bua meme mmanye tshindi mua kunuenzela.

MUKANDA WA MYIDI MUKULU

⁵ Maweja-Nangila kuambila Moshe bua kumanyisha bena Izrayele ne: “Bu mudibu ne tshitunu, meme muende nabu mutantshi mukese, ndi mua kubabutula bonsu. Kadi badikengeshe, bumushe bilenga bionsu bidibu nabi, bavuale anu bilamba bia dibungama, nanku nemmone tshindi mua kubenzela.”

Ekesode 33:5 Referans Kwoze

Dibadika 16:21

Umukai bienu munkatshi mua tshisumbu etshi, nembashihe mu tshituha tshikese.

Misambu 139:23

Nzambi, utangile munda muanyi, umanye mutshima wanyi. Untete, Umanye meji anyi.

Muadi 4:6

Dikenga diakukuata muana mukashi wa bana betu bua mibi yandi didi dihita dikenga diakukuata musoko wa Sodoma bukole, musoko wakubutulabo mu kuvinya kua disu, kauyi ne tshianza tshia muntu tshilenga.

Yeshaya 22:12

Mu dituku adi Mukelenge, Yehowa wa misumba, wakanubikila bua kudila ne bua kuasa madilu, bua kubeya nsuki yenu ne bua kudiluatshisha bilulu bikayabala;

Misambu 73:19

Mona mudibo babutuke kabutu mu katuha ka diba! Badi bajimishibue tshiendelele ku buowa bua bungi.

Yobe 34:20

Mu tshituha tshia diba badi bafua; nansha ha diba dia mundankulu mene bantu badi bazakashibua ne badi bajimina; bakole badi bumushibua tshianza tshia muntu katshiyi tshibumusha.

Dielulula 8:2

Nuvuluke malu onso akanuenzela Yehowa, Nzambi wenu, bidimu ebi makumi anai hakadiye munulombole mu tshihela, bualu bua kunuhuekesha, ne kunuteta bualu bua kumanya malu akadi mu mitshima yenu, ne nudi basue kutumikila mikenji yandi, anyi kuyihidia.

Genese 22:12

Yeye wakamba ne, Kulengi nsongalume tshianza nansha, kumuenzedi bualu, bualu bua katataka ndi mumanye ne wewe udi utshina Nzambi, bualu bua wewe kuakumpidia muanʼebe, muana umuehele mene.

Genese 18:21

nyaya katataka bua kubamona ne badi benza bu mudi muadi wabo wakufika kundi, ne bikalabo kabayi benze nunku, nemmanye bianyi.

Bienzedi 7:51

Nuenu bena tshishiku, badi kabai batengudibue mu mitshima ne mu matshu, matuku onso nudi nuhidia Nyuma Muimpe; nudi nuenza bu muakenza bankambua benu.

Ekesode 32:9

Yehowa wakambila Mose ne, Nakutangila bantu aba, mona, badi ne buhidia bukole,

Ekesode 33:6

Bena Isalele bakavula bintu bia kudilengesha nʼabi ku mukuna wa Holeba tô ne ku mpala kuakadibo baya.

Yeshaya 48:4

Bualu bua nakamanya ne, Wewe udi muena tshitshu, nshingu webe udi bu mulungu mukole bu tshiamu, ne mpala webe udi bu tshiamu tshia mitaku;

Yowele 2:12

Yehowa udi wamba ne, Mpindiu mene, nuhingane kundi ne mitshima yenu yonso, jilai bia kudia, dilai, asai miadi.