Ekesode 33:14 - Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Yehowa wakamba ne, Mpala wanyi neaye nʼebe, ne meme nenkuhe dikisha.

MUKANDA WA MYIDI MUKULU

¹⁴ Maweja-Nangila kuandamuna Moshe ne: — Meme nkayanyi nenkulombole; neutshimune.

Ekesode 33:14 Referans Kwoze

Yoshua 21:44

Yehowa wakabaha dikisha ku nseke yonso bu muakalayeye bankambua babo; kakuakadi umue wa bena lukuna babo bonso wakamanya mua kubatantamena; Yehowa wakafua bena lukuna babo bonso mu bianza biabo.

Yoshua 1:5

Kakuena muntu udi mua kuimana ku mpala kuebe tô matuku onso autshidi ne muoyo; nengikale nʼebe bu munakadi ne Mose; tshiena ukulekela, tshiena nkushiya nkayebe.

Matayi 11:28

Luai kundi, bonso badi ne mu dimu mukole, badi ne bujitu bunene, meme nenuhe dikisha.

Yeshaya 63:9

Mu makenga abo onso yeye wakunvua dikenga, ne muanjelo utu wimana hehi nʼandi wakabasungila; mu dinanga diandi ne mu dibafuila diandi dia luse yeye wakabahikula; wakabambula ne wakabatuala mu matuku onso a kale.

Misambu 95:11

Nunku nakaditshiha mu tshiji tshianyi ne, Kabena babuela mu dikisha dianyi.

Yoshua 22:4

Katataka Yehowa, Nzambi wenu, wakaha bana benu dikisha bu muakabambileye; nunku nuhingane, yai bienu ku ntenta yenu, ku buloba bua buhianyi buenu, buakanuha Mose, muntu wa Yehowa, dishiya dia Yadene.

Matayi 28:20

nubayishe mua kuenza malu onso anakanuambila; ne monai, ndi nʼenu matuku onso tô ne kunshikidilu kua tshikondo etshi.

Yirmeya 6:16

Yehowa udi wamba ne, Imanai mu nshila, numone, nukonke bua nshila ya diambedi, kudi nshila muimpe, nuendelemu, nenuhete dikisha mu mitshima yenu. Kadi bobo bakamba ne, Katuena tuendelamu.

Ekesode 13:21

Yehowa wakaya ku mpala kuabo mu ditutu, kubalesha nshila, ne butuku mu difutu diakadi ne dinkenke bua kubatemena mu nshila, bua bobo bamanye mua kuya ne munya ne butuku.

Yoshua 23:1

Hakahita matuku a bungi, ne hakamana Yehowa kuha Bena Isalele dikisha kudi bena lukuna babo bonso bakadi babanyunguluka, ne hakalua Yoshua muntu mununu ne bidimu biandi biakakumbana,

Dielulula 3:20

tô ne haha Yehowa baha benu dikisha bu nuenu, ne bobo badi bahiana buloba budi Yehowa, Nzambi wenu, ubaha, dishiya dia Yadene; hashishe nenuhingane muntu ne muntu ku buhianyi buandi bunakamuha.

Ekesode 3:12

Nzambi wakamba ne, Bulelela, nengikale nʼebe, nenkuhe tshimanyinu etshi tshidi tshilesha ne nakukutuma hawahatula bantu badi mu Ejipitu, nenutendelele Nzambi ha mukuna eu.

Dielulula 4:37

Bualu bua yeye wakasua batatu benu, nunku yeye wakasungula bana babo bakabalonda ku nyima, yeye nkayandi wakanuhatula mu Ejipitu ne bukole buandi bunene;

Dielulula 12:10

Kadi hanuasabuka Yadene, hanuashikama mu buloba budi Yehowa, Nzambi wenu, unuhianyisha, udi unuha dikisha kudi bena lukuna bonso badi banunyunguluka, ne nenushikame talalâ.

Dielulula 25:19

Nunku hafila Yehowa, Nzambi wenu, bantu bonso badi nʼenu lukuna mu bianza bienu, ne hanuaheta dikisha mu buloba budi Yehowa, Nzambi wenu, unuha bua nuenu kubuhiana, hashishe nenujimishe tshivulukidi tshia Amaleka muinshi mua diulu; kanuhu muoyo bua bualu ebu nansha.

Dielulula 31:8

Yehowa mene uyaya ku mpala kuebe, yeye neikale hebe, kena ukuhanga, kena ukulekela: kutshinyi, kuzakadi.

Yirmeya 31:2

Yehowa udi wamba ne, Bantu bakahanduka ku muele wa nvita bakaheta diakalengele mu tshihela; Bena Isalele mene, hanakaya kubaha dikisha.

Yobe 34:29

Biahuweye talalâ, muntu kai wamubisha? Biasokokeye mpala wandi, muntu kai wamanya mua kumumona? Yeye udi wenzela tshisamba tshijima ne muntu umue muomumue,

Danyele 12:13

Kadi wewe, ya, windile tô ne hashika malu â; newikishe, hashishe neujalame mu buhianyi buebe kunshikidilu kua matuku â.