Ekesode 33:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Yehowa wakayikila ne Mose mpala ha mpala bu mudi muntu uyikila ne mulunda wandi. Mose wakahingana ku tshidi dilu kabidi, kadi mukuatshishi wandi Yoshua, nsongalume, muana wa balume wa Nuna, kakaluhuka mu Ntenta.

MUKANDA WA MYIDI MUKULU

¹¹ Maweja-Nangila uvua wakula ne Moshe bitangilangane bu muntu wakula ne mulunda wende. Kadi pavua Moshe upingana muaba uvua bantu bonsu basombe, Yoshuwa muana wa Nune, uvua umuambuluisha, uvua mushale anu mu ntenta.

Ekesode 33:11 Referans Kwoze

Dibadika 12:8

meme nensombe nʼandi mukana ha mukana, ne mei adiye mumanye, tshiena nsomba nʼandi ne nsumuinu, neatangile mundidimbi wa Yehowa nunku kanuakutshina bua kusonguela mundi wanyi Mose munyi?

Dielulula 34:10

Ku dituku adi kakuena muprofete mukuabo mubike munkatshi mua Bena Isalele bu Mose, wakadi mumanyangane ne Yehowa ku mesu,

Ekesode 33:9

Hakabuela Mose mu tshitendelelu, difutu diakahueka, diakimana ku mbelu kua Ntenta ne Yehowa wakayikila ne Mose.

Ekesode 24:13

Mose wakabika ne Yoshua mukuatshishi wandi, Mose wakabanda mu mukuna wa Nzambi.

Dielulula 5:4

Yehowa wakasomba nʼenu mpala ha mpala ha mukuna munkatshi mua kahia,

Genese 32:30

Yakoba wakidika muaba au ne, Peniele bualu bua yeye wakamba ne, Nakumonangana ne Nzambi mpala ha mpala ne muoyo wanyi wakuhanduka.

Yakobe 2:23

Ne dî dia mu Makanda wa Nzambi diakashikishibua ne, Abalahama wakitabusha Nzambi ne bakamubadila ditabusha diandi bu buakane buandi; bakamuidika, Mulunda wa Nzambi.

Yowanane 11:11

Hakambeye malu â, wakabambila ne, Mulunda wetu Lazalo udi mulale tulu; kadi ndi nya kumubisha mu tulu.

Yowanane 3:29

Udi ne mukashi udi biandi mubaki wa mukashi; kadi mulunda wa mubaki, himaneye nʼandi, hatelesheye dî diandi, neatambe kusanka bualu bua dî dia mubaki; ka disanka dianyi didi dikumbane.

Yeshaya 42:8

Meme ndi Yehowa, adi ndina dianyi; tshiena mpa mukuabo butumbi buanyi, anyi kutendelela kuanyi kudi mpingu misonga.

Yobe 16:21

bua yeye ajadike buakane bua muntu mu tshilumbu tshiandi ne Nzambi, ne buakane bua muntu mu tshilumbu tshiandi ne muena mutumba nʼandi.

2 Kulondolola 20:7

Wewe Nzambi wetu, kuakihata bena buloba aba ku mpala kua bantu bebe Bena Isalele, kuakabuha bana ba Abalahama, mulunda webe, tshiendelele, anyi?

Ekesode 32:17

Hakunvua Yoshua diyoyo dia bantu hakadibo bela mbila, yeye wakambila Mose ne, Au mmutoyi wa bantu badi baluangana nvita mu tshitudilu.

Ekesode 17:9

Mose wakambila Yoshua ne, Utusunguile bantu baye kuluangana ne Bena Amaleka. Makelela nengimane ha mutu ha mukuna ne mulangala wa Nzambi mu tshianza tshianyi.

Ekesode 33:10

Hakatangila bantu difutu dimana ku mbelu kua Ntenta, bantu bonso bakabika, bakatendelela muntu ne mu ntu ku ntenta wandi.

Dibadika 11:28

Yoshua, muana mulume wa Nuna, mukuatshishi wa Mose, umue wa balume bakasunguleye, wakamba ne, Mukelenge wanyi, Mose, ubakande.

Dibadika 12:7

Muntu wanyi Mose kena nunku, yeye udi wenza mudimu wandi bimpe mu nsubu wanyi wonso,

Dielulula 31:14

Yehowa wakambila Mose ne, Tangila, dituku dia lufu luebe dikadi ha buihi: bikila Yoshua, ne bubidi buenu nudisangishe mu ntenta wa kusambakena, bua meme mmudimushe. Mose ne Yoshua bakaya, bakadisangisha mu ntenta wa kusambakena.