Ekesode 32:19 - Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Hakalueye hehi ne tshitudilu, wakatangila kana ka ngombe ne bantu baja maja Mose wakadi ne tshiji tshikole, wakela mabue hanshi akadi mu bianza biandi, wakatshibula kuinshi kua mukuna.

MUKANDA WA MYIDI MUKULU

¹⁹ Moshe ufika pabuipi ne muaba uvua bantu, kumonaye lupingu lua kana ka ngombe ka tshiamu tshia mpawungi, bantu balujila maja. Nanku, kufikaye munda bikole, kuimanshaye mabue avuaye nawu ku bianza kuinshi kua mukuna, mabue awu kukosekawu.

Ekesode 32:19 Referans Kwoze

Efeze 4:26

Nuikale ne tshishi kadi kanuenji bualu bubi; diba kadibueledi tshishi tshienu;

Marke 10:14

Hakamona Yesu bualu ebu, wakadi ne tshishi, wakabambila ne, Nuitabushe bua bana bakese kulua kundi, kanubakandi; bualu bua bukelenge bua Nzambi mbua badi bu bana.

Marke 3:5

Mutshima wandi wakanyingalala bualu bua mitshima yabo yakadi mikole; wakabatangila ne tshishi, wakambila muntu ne, Olola tshianza. Yeye wakatshiolola, tshianza tshiandi tshiakakana kabidi.

Matayi 5:22

kadi meme ndi nuambila ne, Muntu yonso udi ne muanʼabo tshishi nebamubande ku tshilumbuluidi; muntu yonso wamhila muanʼabo ne, Laka, nebamubande kudi balumbuludi banene; muntu yonso wambila munga muntu ne, Wewe udi muhote, udi mua kukengeshibua mu Ngena wa kahia.

Zekâya 11:14

Hashishe, nakakosa mulangala wanyi mukuabo, Buobumue mene, bua kushiha buobumue bua Bena Yuda ne Bena Isalele.

Muadi 5:15

Disanka dia mitshima yetu diakujimina, maja etu akuandamuka madilu.

Yirmeya 31:32

Yehowa udi wamba ne, Katshiena tshikala bu tshihungidi tshinakahunga ne batatu babo mu dituku diakabakuata ku tshianza bua kuluhuka nʼabo mu buloba bua Ejipitu; bualu bua bakashiha tshihungidi tshianyi, ne meme nakadi mukelenge wa ha mutu habo.

2 Samuele 6:14

Davidi wakaja maja ku mpala kua Yehowa ne bukole buandi buonso: Davidi wakadi ne efoda wa lin musuika mu tshifila tshiandi.

Dielulula 27:26

Muntu yonso udi kayi ujadika mei a mikenji ei bua kuyenza udi ne mulau. Bantu bonso nebakudimune dî ne, Amen.

Dibadika 12:3

Muntu eu Mose wakadi ne kalolo be, wakatamba bantu bonso ba ha buloba ne kalolo.

Ekesode 32:11

Mose wakatendekena Yehowa, Nzambi wandi, wakamba ne, Yehowa, bualu kai tshiji tshiebe tshidi tshitambe bukole kudi bantu bebe bawakaluhula mu buloba bu Ejipitu ne bukole bunene ne tshianza tshia bukole?

Ekesode 15:20

Mîyama, muprofete mukashi, muanʼabo mukashi ne Alona, wakangata tshisanji mu tshianza tshiandi, ne bakashi bonso bakamulonda ne bisanji, benda batuhika.

1 Korente 10:7

Lekelai kuikala batendeledi ba mpingu, bu muakadi bakuabo babo; bu muakafundabo ne, Bantu bakashikama bua kudia ne bua kunua, bakabika bua kunaya.

Ekesode 32:18

Mose wakamba ne, Adi kadiena dî dia bantu badi bahita bakuabo bukole, ne kadiena dî dia bantu bakutambibua bukole, ndi munvue mutoyi wa bantu badi bimba misambu.

Ekesode 34:1

Yehowa wakambila Mose ne, Songa biebe mabue abidi bu mabue a diambedi: neufundehu mei onso anakafunda ha mabue a diambedi awakatshibula.

Misambu 119:53

Tshiji tshikole tshiakunkuata bualu bua bantu babi, badi balekela kutumikila mikenji yebe.

Dielulula 10:2

Nenfunde ha mabue au mei akadi mafunda ha mabue awakashiha, wewe wabueshe mu mushete.