Ekesode 31:13 - Mukanda wa Nzambi Dihungila Dikulukulu ne Dihungila Dihia-dihia 2003

¹³ Wambile Bena Isalele kabidi ne, Nuenu nuvuluke matuku anyi a Lumingu dituku edi didi bu tshivulukidi hankatshi hetu ku bikondo bienu bionso bualu bua kunumanyisha ne, Meme ndi Yehowa wakunujidila.

MUKANDA WA MYIDI MUKULU

¹³ Ambila bena Izrayele mikenji eyi ne: — Dituku dia Dikisha dishale tshivulukilu pankatshi petu nenu ne ndelanganyi yenu, bua nuenu kumanya ne: Meme, Maweja-Nangila ke udi munusungule.

Ekesode 31:13 Referans Kwoze

Yezekiyele 20:20

Nujidile matuku anyi a mbingu kabidi, ikale biau tshimanyinu hankatshi banyi nʼenu, bua nuenu numanye ne, Meme ndi Yehowa Nzambi wenu.

Yezekiyele 20:12

Nakabaha matuku anyi a mbingu kabidi, bua kuikalau tshimanyinu hankatshi hanyi nʼabo, bua bobo bamanye ne, Meme Yehowa ngudi ubajidila.

Lewitiki 19:30

Uvuluke matuku a lumingu, wakale ne ditshina mu nsubu wanyi meme ndi Yehowa.

1 Tesalonike 5:23

Nzambi wa ditalala nkayandi anujidile tshishiki; ne nyuma yenu ne misûke yenu ne mibidi yenu ilamibue mu buakane buonso, kanui ne kudiu, mu dilu? dia Mukelenge wetu Yesu Kilisto.

Lewitiki 20:8

Nutumikile mikenji yanyi, nuyenze meme ndi Yehowa udi unulengesha.

Ekesode 31:17

Etshi ntshimanyinu tshia tshiendelele hankatshi hanyi ne Bena Isalele, bualu bua Yehowa wakafuka diulu ne buloba matuku asambombo, wakikisha dituku dia muanda mutekete, wakadikankamika.

Yowanane 17:17

Ubajidile mu bulelela: dî diebe mbulelela.

Lewitiki 19:3

Muntu yonso atshine tatuʼandi ne mamuʼandi, nuvuluke matuku a lumingu ndi Yehowa, Nzambi wenu.

Yezekiyele 44:24

Halua tshilumbu ku mpala kuabo, batshiunvue bua kutshilumbulula, batshikose bu mudi mikenji yanyi yamba; balonde mikenji yanyi ne batumikile mei anyi hua bikondo bianyi bia bidia bia disanka binakusungula; banemeke matuku anyi a Lumingu.

Yezekiyele 37:28

Nunku ba mu bisamba bia bantu nebamanye ne, Meme Yehowa ndi njidila Bena Isalele, hashala tshitendelelu tshianyi munkatshi muabo tshiendelele.

Nehemya 9:14

wewe wakabamanyisha dituku diebe dia Lumingu lua tshijila; wakabelela mikenji yebe ne mei ebe ne mikandu yebe kudi Mose muntu webe,

Lewitiki 26:2

Nuvuluke matuku anyi a lumingu, nuikale ne kanemu mu nsubu wanyi, meme ndi Yehowa.

Lewitiki 23:3

Nukuate mudimu matuku asambombo kadi dituku dia muanda mutekete ndituku dia lumingu dia kuikisha, dituku dia disangisha dia tshijila, kanuenji mudimu, edi ndituku dia lumingu dia Yehowa mu nsubu yenu yonso.

Lewitiki 21:8

Nunku wewe neumujidile bualu bua yeye udi ufila milambu kudi Nzambi webe, bualu bua meme Yehowa wakamuidika, ndi wa tshijila.

Lewitiki 25:2

Wambile Bena Isalele ne, Hanuabuela mu buloba bundi nnuha, nenushiye buloba bua kubandabu kudi Yehowa.

Yuda 1:1

Yuda, muhika wa Yesu Kilisto, ne muanʼabo ne Yakobo, kudi bantu badi babikidibue, bananga mu Nzambi Tatu, ne balamibue bua Yesu Kilisto;

Yowanane 17:19

Ndi ndijidila bua bualu buabo, bua bobo kabidi bikale bajidila mu bulelela.

Matayi 23:17

Nuenu nudi bafofo bahote, tshintu kai tshidi tshitambe tshikuabo, ngolo anyi ntempelo ngudi uvuisha ngolo wa tshijila?

Ekesode 31:12

Yehowa wakambila Mose ne,

Dielulula 5:12

Uvuluke dituku dia Lumingu, udijidile, bu muakanuambila Yehowa, Nzambi wenu.

Yeshaya 56:2

Udi muvudishibue disanka mmuntu udi wenza muanda eu, muana wa muntu udi ûlamata bikole, udi ulamata dituku dia Lumingu bua kadinyangi, udi ukanda tshianza tshiandi bua katshienji bualu bubi.

Yirmeya 17:22

Kanuluhudi bujitu mu nsubu yenu dituku dia Lumingu, kanuenji mudimu; kadi nujidile dituku dia Lumingu, bu munakambila batatu benu.

Amosa 8:5

nuambe ne, Ngondo neafue diba kai bua tumanye mua kuhana manvua? Dituku dia Lumingu nedishike diba kai bua tumanye mua kuhatula blé ya kuhana, tukeheshe tshihiminu tshia épha ne tubandishe mushinga wa blé, tudinge bantu ne tshidikishilu tshia mafi;