Ekesode 27:16 - Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Ku mbelu kua luhangu tshilulu netshikaleku tshia buanda bua bleu ne bukunzubile ne bukunze-kunzû ne bua lin mutambe buimpe, tshienjibue kudi mundi wa lungenyi lule, enza makunshi anai ne nkanu mai.

MUKANDA WA MYIDI MUKULU

¹⁶ Mu mushiku wa mbelu wa lupangu, muikale tshilamba tshia bule bua metre dikumi, tshitela ne buanda bua ndanda ne bua miosa ya nyama bufikuluke, bukunzubile ne bukunze kunzuu. Ukudike tshilamba atshi, ku makunji anayi adi pa bitaku binayi.

Ekesode 27:16 Referans Kwoze

Ekesode 26:36

Enza biebe tshilulu tshia kuteka ku mbelu kua tshitendelelu tshia buanda bua bleu ne bukunzubile ne bukunze-kunzû ne bua lin mutambe buimpe, utshienzeshe kudi muntu udi ne lungenyi lule lua kulengesha.

Misambu 45:14

Badi baya nʼandi kudi mukelenge muluate bilulu bitedibue ne malenda. Bansongakashi batshidi tumama, balunda bandi, badi bamulonda, badi bafidibua kûdi.

Balombodi 5:30

wakamba ne, Kabena basangana bintu biakunyengabo kudi bena lukuna, anyi? Kabena babiabanyangana: mushikankunde umue anyi ibidi kudi mulume yonso, bilulu bia mekala mimpe bia kuha Sisela, bilulu bia mekala mimpe bizola, tshilulu tshimpe tshimue anyi bibidi bizola, bia kuela mu nshingu mua mutshimunyi, anyi?

Ekesode 39:29

ne mukaba wa lin ne bilulu bia bleu ne bikunzubile ne bikunze-kunzû, mudimu wa bantu ba lungenyi lule, bu muakambila Yehowa Mose.

Ekesode 36:37

Wakenza tshilulu tshikuabo tshia buanda bua bleu ne bukunzubile ne bukunze-kunzû ne bua lin tshia kuteka ku mbelu kua tshitendelelu, wakatshienzesha kudi bena lungenyi lule,

Ekesode 28:39

Wewe newenze tshikowelu bikeshe bikeshe ne buanda bua lin muimpe, ne wewe newenze tshilulu tshia lin muimpe ne mukaba muimpe mutambe.

Ekesode 26:31

Enza biebe tshilulu tshinene tshia buanda bua bleu ne bukunzubile ne bukunze-kunzu ne bua lin udi mutambe buimpe utshienzeshe kudi bantu badi ne lungenyi lule badi bamanye mua kuenza tshifuanyikishi tshia bakeluba mu tshilulu atshi.

Ekesode 27:15

Ku luseke lukuabo lua tshibi bilulu nebikale coudées dikumi ne itanu, ne makunshi asatu ne nkanu isatu.

Ekesode 27:17

Lengesha makunshi onso ne tshiamu tshia argent, ne bitubuidi bia argent ne nkanu ya tshiamu tshia mitaku.

Dibadika 3:26

ne bilulu bia luhangu ne bilulu bidibo bateka ku mbelu kua luhangu, hehi ne nsubu wa tshitendelelu, ne hehi ne tshioshelu, ne nshinga ya ku luhangu bua mudimu wa tshitendelelu.