Ekesode 25:2 - Mukanda wa Nzambi Dihungila Dikulukulu ne Dihungila Dihia-dihia 2003

² Wambile Bena Isalele bua kumpeshabo bintu bia kuntendelela nʼabi, nenuangate kudi muntu ne muntu bintu bidi mutshima wandi musue bua kuntendelela nʼabi.

MUKANDA WA MYIDI MUKULU

² — Ambila bena Izrayele bikale bandambula milambu, bayifila amu kudi bantu ba muoyi muimpe.

Ekesode 25:2 Referans Kwoze

2 Korente 9:7

Nunku muntu ne muntu afile bintu bu muakadisunguileye mu mutshima wandi; kafidi ne kanyinganyinga, anyi bu muenzesha ku bukole; bualu bua Nzambi udi musue muena kuha udi ufila ne disanka.

Ezela 2:68

Hakafika bakuabo bakadi ku mutu kua meku abo ku nsubu wa Yehowa wa mu Yelushalema, bakafila bintu biabo bu muakasua mitshima yabo kufila bia kuasabo nʼabi nsubu wa Nzambi mu muaba wandi;

Nehemya 11:2

Bantu bakuabo bakavudishila bantu bakadi ne disua dia kushikama mu Yelushalema disanka.

Ezela 7:16

ne argent yonso ne or yonso biudi usangana mu bukelenge bua Babulona, ne bintu bia bantu bonso ne bakuidi biakasuabo kufila bua nsubu wa Nzambi wabo udi mu Yelushalema;

Ezela 1:6

Bonso bakadi bashikama nʼabo bakakolesha maboko abo ne bintu bia argent ne bia or ne biuma bikuabo ne nyama ne bintu bia mushinga mukole, ha mutu ha bionso biakasuabo kufila.

Ezela 3:5

ku nyima bakananukila kufila milambu ya kuosha ne milambu ya ngondo mihia-mihia ne ya masanka onso majadika a Yehowa akadi majidibue ne wa muntu yonso wakadi ne mutshima wa disua dia kufila kudi Yehowa.

Misambu 110:3

Bantu bebe badi badifila kûdi ne disanka mu dituku diudi ukungisha misumba ya masalayi ebe. Bansongalume bebe badi balua kûdi bu mume, baluate biabo bilenga bia tshijila, bahatuke munda mua lunkelu.

Balombodi 5:9

Mutshima wanyi udi kudi bakokeshi ba mu Isalele bakadifila munkatshi mua bantu bua disua diabo; nuvudishile Yehowa disanka.

Dibadika 18:24

Bualu bua nakuha Bena Lewi tshintu tshia dikumi tshia Bena Isalele tshidibo banyukula kudi Yehowa, bu buhianyi buabo, bua bualu ebu nakubambila ne, Kabena ne buhianyi munkatshi mua Bena Isalele.

Ekesode 25:1

Yehowa wakambila Mose ne,

Ekesode 25:3

Ebi mbintu binudi mua kuangata kudibo or ne argent ne tshiamu tshia mitaku,