Ekesode 25:16 - Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Wewe neuteke mu mushete mabue a dihungila andi nkuha.

MUKANDA WA MYIDI MUKULU

¹⁶ Mu mushete amu utekemu mabue, adi ne mikenji ingakupesha, idi ijadika ndondu.

Ekesode 25:16 Referans Kwoze

1 Bakalenga 8:9

Nansha tshintu tshikuabo tshiakadi mu mushete eu anu mabue abidi akadi ne mikenji mifundahu akatekamu Mose ku Holeba kuakahunga Yehowa tshihungidi ne Bena Isalele hakumukabo mu buloba bua Ejipitu.

Dielulula 31:26

Nuangate mukanda eu wa mikenji, nûteke ku luseke lua mushete wa tshihungidi tshia mei a Yehowa, Nzambi wenu, newikaleku bu mumanyi wa bualu buanyi.

Ebrewu 9:4

wakadi ne tshioshelu tshia mananashi tshia ngolo, ne mushete wa tshihungidi mulamika ne ngolo ku nseke yonso; munda muau muakadi tshifuadi tshia ngolo tshitekelamu mana, ne mulangala wa Alona wakela ntonga, ne mabue akadi ne mei a tshihungidi mafundahu;

Ekesode 16:34

Alona wakabiteka ku mpala kua Mushete wa Yehowa bu muakambila Yehowa Mose.

Rome 3:2

Adi a bungi mu malu onso. Bualu bua kumudilu, bakafila mei a Nzambi mu bianza biabo.

Bienzedi 7:44

Bankambua betu bakadi ne nsubu wa tshilulu wa tshimanyishilu mu tshihela bu muakalongolola wakadi wakula ne Mose ne, Umuenze bu tshifuanyikishi tshiwakutangila,

2 Bakalenga 11:12

Hashishe bakaluhuka ne muana wa mukelenge, bakateka tshifulu tshia butumbi ha mutu handi; bakamuha mukanda wa dihungila, bakamujadika mukelenge, bakamuela manyi ha mutu handi; bakamututshila nkashi, bamba ne, Mukelenge ikale ne muoyo!

Dibadika 17:4

Wewe neuyiteke mu ntenta wa kusambakena ku mpala kua mushete kundi ndimuenesha, muaba utudi tusangakana nʼebe.

Ekesode 38:21

Ebu mbungi bua bintu bia mu nsubu wa tshitendelelu biakabalabo bu muakamba Mose biakakuatshila Bena Lewi mu mudimu wabo, mu bukokeshi bua Itama, muana mulume wa Alona, muakuidi.

Ekesode 34:29

Hakumuka Mose ku mukuna wa Sinai ne mabue abidi a mei a dihungila mu bianza biandi, hakahuekeye nunku, Mose kakamanya ne musunyi wa ha mpala handi wakakonka bualu bua yeye wakadi usomba ne Yehowa.

Ekesode 32:15

Mose wakatshunguluka, wakahueka mu tshibanda ne mabue abidi akadi ne mikenji mifundahu mu bianza biandi, mabue akadi mafu nda nseke yau ibidi, ha luseke lumue ne ha luseke lukuabo.

Ekesode 31:18

Hakashikisha Yehowa kusomba ne Mose ha mukuna wa Sinai, yeye wakamuha mabue abidi akadi ne mikenji mifundahu ne munu wa Nzambi.

Ekesode 30:36

Wewe neuboteshe tshituha, utshiteke ku mpala kua mushete wa Nzambi mu ntenta wa kusangakena kundi nsangakena nʼebe, netshikale tshilamba tshia tshima kunudi.

Ekesode 30:6

Utshiteke hehi ne tshilulu tshidi ku mushete wa Nzambi, ku mpala kua tshibuikilu tshidi ha mutu ha mushete, kundi nsangakena nʼebe.

Ekesode 27:21

Mu tshitendelelu ku mpala kua tshilulu tshidi ku mpala kua mushete wa Nzambi Alona ne bana bandi balume nebalame muinda dilolo tô ne dinda ku mesu kua Yehowa, bualu ebu nebuikale bu mukenji ku bikondo bienu tshiendelele kudi bana ba Isalele.

Ekesode 25:21

Wewe neuteke tshibuikilu ha mutu ha mushete neubueshe mabue a dihungila andi nkuha mu mushete.

Ekesode 26:33

Ulembeleshe tshilulu ha bitubuidi, Ulue ne mushete wa Nzambi ku nyima kua tshilulu, tshilulu atshi netshikale hankatshi ha muaba wa tshijila ne muaba mutambe wa tshijila.

Ekesode 40:20

Wakabuesha mabue a mikenji mu mushete, wakateka mitshi ya kutuala nʼai mushete, wakateka tshibuikilu ha mutu ha mushete.

Yoshua 4:16

Wambile bakuidi badi batuala mushete wa tshihungidi ne, Umukai mu Yadene.

2 Kulondolola 23:11

Hashishe bakalua ne muana wa mukelenge, bakamuashila tshifulu tshia bukelenge, bakamuha mukanda wa dihungila; bakamuhingisha mu bukelenge; Yehoyada ne bana bandi bakamuela manyi ha mutu, bakamba ne, Mukelenge ikale ne muoyo musangu mule!