Ekesode 21:13 - Mukanda wa Nzambi Dihungila Dikulukulu ne Dihungila Dihia-dihia 2003

¹³ Bikala muntu kayi mumualamme mu musokoka, kadi Nzambi wakamuha mu tshianza tshiandi (wakamushiha ku mpukahuka), nunku nenkulongoluele muaba wa yeye kunyemenamu.

MUKANDA WA MYIDI MUKULU

¹³ Pikala muntu mushipe mukuabu mu mpukapuka, kayi ne muoyi wa kumuenzela bibi, mushipianganyi neabutame muaba unganuleja.

Ekesode 21:13 Referans Kwoze

1 Samuele 24:18

Wewe wakungambila bu muwakungenzela bimpe lelu, bualu bua hakuila Yehowa mu tshianza tshiebe, kuakunshiha nansha.

1 Samuele 24:10

Mona, lelu mesu ebe adi amona bu mutu Yehowa mukufile mu tshianza tshianyi mu lubuebue; bakuabo bakungambila ne, Umushihe. Kadi nakamba ne, Tshiena ndenga mukelenge wanyi tshianza, bualu bua yeye udi muedibue manyi kudi Yehowa.

1 Samuele 24:4

Bantu ba Davidi bakamuambila ne, Mona, dituku diakakuambila Yehowa ne, Mona neufile muena lukuna webe mu tshianza tshiebe, diakufika; wewe umuenzele bu mûdi umona ne mbimpe. Hashishe Davidi wakajuka, wakakosa tshihesa tshia tshikowelu tshia Shaula mu musokoko.

Mika 7:2

Muntu muakane wakujimina ha buloba, kakuena muntu mujalame munkatshi mua bantu kabidi. Bonso badi balamina bakuabo bua kumatshisha mashi abo hanshi; muntu yonso udi wanda muanʼabo bukuondo.

Yeshaya 10:7

Kadi yeye kena welangana meji nunku, ne mutshima wandi kawena ne meji â; kadi mu mutshima wandi mudi anu muanda wakuhangidisheye, wa kubutula, ne wa kumana bisamba bia bungi.

2 Samuele 16:10

Mukelenge wakamuebesha ne, Nuenu bana balume ba Seluya, ndi nʼenu bualu kai? Biampendeye bualu bua Yehowa wakamutuma ne, Uhende Davidi, udi nganyi bua kumuebesha ne, Udi wenza nunku bualu kai?

Yoshua 20:1

Yehowa wakambila Yoshua ne,

Dibadika 35:6

Nenuhe Bena Lewi misoko ei isambombo ya kunyemena, biashala muntu muntu mukuabo, yeye neanyemenemu; ha mutu ha misoko ei nenubahe misoko mikuabo makumi anai ne ibidi.

Dielulula 19:14

Kanuhanduludi mikalu ya bantu bakuabo yakahandabo kudi bakaku benu diambedi, mu buhianyi buenu mu buloba budi Yehowa, Nzambi wenu, unuha bua nuenu kubuhiana.