Ekesode 20:13 - Mukanda wa Nzambi Dihungila Dikulukulu ne Dihungila Dihia-dihia 2003

¹³ Kushihianganyi.

MUKANDA WA MYIDI MUKULU

¹³ “Kushipi muntu.

Ekesode 20:13 Referans Kwoze

Rome 13:9

Bualu bua mikenshi ei ne, Kuendi masandi, kushihi muntu, kuibi, kukumi mutshima kudi bintu bia makuabo, ne bikalaku mukenshi wonso mukuabo, wowo udi musungulula mu dî edi ne, Sua mukuenu bu mûdi mudisue.

Dielulula 5:17

Kushihianganyi.

Ekesode 21:14

Bialua muntu ne luonji lua kushiha mukuandi mu budimu, wewe neumumushe ku tshioshelu tshianyi, bua kumushiha.

Yakobe 2:11

Bualu bua nyeye wakuamba ne, Kuendi masandi, wakuamba kabidi ne, Kushihi muntu. Nunku biwikala kui muende masandi, kadi biwashiha muntu, wewe wakulua mushihi wa mikenshi yonso.

Matayi 19:18

Yeye wakakonka Yesu ne, Mikenshi kai? Yesu wakamba ne, Kushihi muntu, kuendi masandi, kuibi, kudingidi muntu,

Lewitiki 24:21

Muntu udi ushiha nyama neafute muena nyama ne mundi udi ushiha mukuabo nebamushihe.

Ekesode 21:20

Biakuma muntu muhika wandi mulume anyi muhika wandi mukashi ne mulangala, ne biafueye mu tshianza tshiandi, nebamukengeshe bulelela.

Yakobe 2:13

Bualu bua dilumbulula kadiena ne luse kudi muntu udi kai muleshe bakuabo luse; luse ludi lutamba dilumbulula kutumba.

1 Timote 1:9

Tudi bamanye ne, Mikenshi kayena mielela muntu muakane, kadi idi mielela badi kabai baitabusha ne bena buhidia ne badi kabai banemekela Nzambi ne badi babi ne badi kabai ba tshijila ne bahendi ha Nzambi ne bashihi ba batatu ne bamamu ne bashihianganyi

Yeshaya 26:21

Bua, monai, Yehowa udi uluhuka mu muaba wandi bua kukengesha ba ha buloba bua bubi buabo; buloba kabidi nebusokolole mashi akanuabu, kabuena busokoka kabidi bakadi bashihibuamu.

Ngalate 5:21

mutshiaudi, bukuatshiki bua maluvu, manaya a bundu ne malu â onso; edi ndianjila kunudimusha bu munakamana kunudimusha diambedi ne, Bantu batu benza malu â kabena bahiana bukelenge bua Nzambi.

Nsumuinu 1:18

ne bantu aba badi balamina mashi abo nkayabo, badi balala bu bena lusoko bua mioyo yabo mene.

Nsumuinu 1:11

Biambabo ne, Lua kutudi, tualamine muntu bua kumatshisha mashi andi hanshi, tulale bu bena lusoko bua kukuata bantu badi kabayi ne bualu,

Bienzedi 28:4

Hakatangila basenshi nyoka mubi mulembelele ku tshianza tshiandi, bakambilangana ne, Bulelela, muntu eu udi mutahianganyi; wakuhanduka mu mai, kadi dilumbulula dilelela kadiena ditabusha bua yeye kuikala ne muoyo.

Yirmeya 26:15

Kadi numanye bienu bualu ebu bimpe ne, Binuanshiha, nenuteke mashi a muntu udi kayi ne bualu hamʼbidi henu ne ha musoko eu ne hamʼbidi ha bena musoko; bualu bua Yehowa wakuntuma kunudi bulelela bua kunuambila mei â onso mu matshu enu.

2 Kulondolola 24:22

Nunku mukelenge Yoasha kakavuluka luse luakamulesha Yehoyada tatu wandi; kadi wakashiha muanʼandi. Hakafueye, yeye wakamba ne, Yehowa atangile bualu ebu, anufute.

2 Bakalenga 21:16

Manashe wakamatshisha mashi a bantu bakadi kabayi ne bilumbu hanshi, tô ne hakûsheye Yelushalema tente; wakenza malu au ha mutu ha malu mabi makuabo akenzeye ku mesu kua Yehowa.

Ekesode 21:29

Kadi bikala ngombe muikale ne tshilele tshia kukuma bantu nsengu, ne bakamanyisha mukelenge wandi, ne yeye wakahidia kumukanda, biashiheye nansha mulume nansha mukashi, nebakume ngombe ne mabue, nebashihe mukelenge wandi kabidi.

Marke 10:19

Wewe udi mumanye mikenshi ya Nzambi ne, Kushihi muntu, kuendi masandi, kuibi, kudingidi muntu, kunyengi tshintu tshia muntu, unemeke tatuʼebe ne mamuʼebe.

Luke 18:20

Wewe udi mumanye mikenshi ya Nzambi ne, Kuendi masandi, kushihi muntu, kuibi, kudingidi muntu, unemeke tatuʼebe ne mamuʼebe.

Ekesode 21:12

Muntu udi ukuma mukuabo, udi umushiha, nebamushihe yeye bulelela.

Ekesode 23:7

Shila malu a mushimi kaba, kanushihi muntu muimpe udi kayi ne bualu meme tshiena mbingisha muntu mubi.

Lewitiki 24:17

Muntu udi ushiha mukuabo nebamushihe.

Bienzedi 16:28

Kadi Paulo wakela dî diandi bikole ne, Kudienzedi bibi, buonso buetu tudiku.