Ekesode 19:24 - Mukanda wa Nzambi Dihungila Dikulukulu ne Dihungila Dihia-dihia 2003

²⁴ Yehowa wakamuambila ne, Ya, hueka biebe, wewe neuhingane, wewe ne Alona kadi bakuidi ne bantu kabalu ha buihi nansha, bua Yehowa kabashihi.

MUKANDA WA MYIDI MUKULU

²⁴ Nanku, Maweja-Nangila kuandamuna ne: — Tuluka, uye kukeba muanenu Arone mu mitanda. Nubande nende. Kadi batuangaji ne bantu bonsu kababandi ku mukuna kundi to. Tshianana ndi mua kubashipa.

Ekesode 19:24 Referans Kwoze

Ebrewu 4:16

Nunku, tusemene ne dikima hehi ne nkuasa wa butumbi wa ngasa, bua tuetu tuhete luse ne bua tusangane ngasa bua kutukuatshisha mu tshikondo tshia dikengela dietu.

Ebrewu 12:29

bualu bua Nzambi wetu udi kahia kadi kashidisha.

Ngalate 3:22

Mukanda wa Nzambi wakinshidila malu onso munshi mua bubi, bua kuha bantu badi bitabusha mulayi ku ditabusha dia mu Yesu Kilisto.

Ngalate 3:19

Nunku mikenshi Idi bua tshinyi? Mikenshi yakatentekeshibua ha mutu bualu bua malu mabi a bantu, tô ne hakalua kankanunuina ka Abalahama kakalayidilabo mulayi; wakalongolodibua kudi banjelo ku tshianza tshia mutuanganyi wa tshihungidi.

Rome 4:15

Mikenshi idi yenzesha tshishi, kadi kudi kakui mikenshi, kakuena kushiha kua mikenshi.

Yowanane 1:17

Mose wakatuha mikenshi, kadi ngasa ne bulelela biakafuma kudi Yesu Kilisto.

Luke 16:16

Mikenshi ya Mose ne baprofete biakadiku tô ne hakalua Yone; bakalueye tô ne mpindiu badi bambila bantu lumu luimpe lua bukelenge bua Nzambi, bantu bonso badi babuelamu ku bukole.

Luke 13:24

Nuidikishe mua kubuela ku mushiku wa mbelu mubumbakane; ndi nuambila ne, Ba bungi nebakebe kubuelaku, nebahange.

Matayi 11:12

Ku matuku a Yone Mubanji tô ne katataka bukelenge bua mu diulu budi bubuedibua ku bukole, banyengi badi babunyenga ku bukole.

Ekesode 24:9

Hashishe, Mose wakabanda ne Alona ne Nadaba ne Abihu ne bakulu ba Bena Isalele makumi muanda mutekete.

Ekesode 24:1

Yehowa wakambila Mose ne, Ulue biebe kudi Yehowa ne wewe ne Alona ne Nadaba ne Abihu ne bakulu ba Bena Isalele makumi muanda mutekete, nuntendelele ha bule.

Ekesode 19:12

Wewe ujidike nshila ya ku mukuna, wambile bantu ne, Nudimuke, kanuyi ku mukuna, kanûlengi tshianza, muntu udi ulenga mukuna tshianza nebamushihe.

Ekesode 19:25

Nunku Mose wakahueka kudi bantu, wakabamanyisha.

Lewitiki 10:3

Nunku Mose wakambila Alona ne, Ebu mbualu bakamba Yehowa ne, Nenjidibue kudi bantu balualua ha buihi nʼanyi, nentumbishibue ku mesu kua bantu bonso Alona wakahuwa talalâ.

1 Kulondolola 13:9

Hakafikabo ku tshihehuidi tshia Kidona, Uza wakolola tshianza tshiandi bua kukuateye mushete; bualu bua ngombe yakadishinda hanshi.