Ekesode 17:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Mona, meme nengimane ku mpala kuebe ha mutu ha dibue dia Holeba, wewe neukume dibue ne mai neahatuke, bantu banue mai Mose wakenza nunku ku mesu kua bakulu ba Bena Isalele.

MUKANDA WA MYIDI MUKULU

⁶ Meme nengimane kumpala kuenu pa lubuebue ludi pa mukuna wa Sinayi. Utuute dikombu pa lubuebue, mayi apatuke bua bena Izrayele banue. Moshe kutuuta dikombu pa lubuebue, bakulu ba bena Izrayele bonsu batangile.

Ekesode 17:6 Referans Kwoze

1 Korente 10:4

buonso buabo bakanua bia kunua biobiumue bia Nyuma; bua bakanua ku dibue dia Nyuma diakabalonda, ne dibue edi diakadi Kilisto.

Nehemya 9:15

wewe wakabaha bidia bia mu diulu bia kumana nʼabi nzala yabo, wakabahatuila mai mu mabue a kumana nʼau nyota yabo; wewe wakabelela mukenji bua bobo baye kuhiana buloba buwakabalaya bua kubahabu.

Dielulula 8:15

wakanulombola mu tshihela tshinene tshibi, tshiakadi ne nyoka isuma bu kahia ne tuminyiminyi, ne buloba budi kabuyi ne mai; wakanuhatula mai mu dibue dikole;

Misambu 105:41

Yeye wakahanda dibue, mai akahumukamu; akahueka mu miaba miume bu musulu.

Yowanane 4:10

Yesu wakamuandamuna ne, Bu wewe mumanye diha dia Nzambi ne wakukulomba ne, Umpe mai a kunua, wewe wakadi kumulomba ne yeye wakadi kukuha mai a muoyo.

Misambu 114:8

wakakudimuna dibue bua kuluadi kashiba ka mai, wakakudimuna dibue dia mutemu bua kuluadi mushimi wa mai.

Misambu 46:4

Musulu udiku, ne tusulu tuau tudi tusankisha musoko wa Nzambi, muaba wa tshijila udi ne nsubu ya Mutambe Bunene wa mu Diulu.

Misambu 78:20

Monai, yeye wakakuma dibue, ne hua muanda eu mai akahatukamu, ne misulu yakahasalala. Udi mua kutuha bidia kabidi, anyi? Udi mua kulongoluela bantu bandi munyinyi, anyi?

Didimanyisha 22:17

Nyuma ne mukashi musela badi bamba ne, Lua. Udi unvua, ambe biandi ne, Lua. Ne udi ne nyota, alue biandi; udi musue, angate mai a muoyo tshianana.

Yowanane 4:14

kadi wanua mai anamuha kena wikala ne nyota kabidi tshiendelele; mai anamuha neikale munda muandi bu mushimi wa mai abanda mu muoyo wa tshiendelele.

Yeshaya 48:21

Kabakadi ne nyota hakabalomboleye mu bihela bia lusenga; yeye wakabahatuila mai mu dibue; wakahanda dibue kabidi, ne mai akahatuka.

Ekesode 16:10

Hakadi Alona wambila tshisumbu tshionso tshia Bena Isalele nunku, bakatangila ku tshihela, ne monai, butumbi bua Yehowa buakamueneka mu ditutu.

Ekesode 14:16

Wewe ubishe mujangala webe, wolola tshianza tshiebe ha mai, wahandulule, Bena Isalele nebaye munkatshi mua mai ha buloba bûme.

Dibadika 20:8

Angata mulangala, usangishe bantu bonso ne wewe ne Alona mukuluʼebe, wewe wambile dibue didi ku mesu kuabo, dihatule mai, wewe neubahatuile mai ku dibue, wewe neubanuishe mai ne bimuna biabo.

Dielulula 1:2

Ku Holeba wa mu nshila wa ku mukuna wa Sei tô ne ku Kadeshe-bânea, nduendu lua matuku dikumi ne dimue.

Misambu 74:15

Wakahanda nshila bua mishimi ya mai ne tusulu bihuekelemu, wakabaluisha misulu yakadi ihueka misangu yonso.

Misambu 78:18

Bakatela Nzambi mu mitshima yabo hakalombabo bia kudia biakasamina mitshima yabo.

Misambu 81:7

Wakungela dî hawakadi mu dikenga, nakakuhidisha; nakitaba kûdi mu tshisokomenu tshianyi tshia mukungulu; nakakuteta ku mai a Meliba.