Ekesode 13:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Bualu ebu nebuikale bu tshimanyinu ku tshianza tshiebe ne bu tshivulukidi hankatshi ha mesu ebe, bua dî dia Yehowa dikale mukana muenu, bualu bua Yehowa wakanuhatula mu Ejipitu ne tshianza tshikole.

MUKANDA WA MYIDI MUKULU

⁹ Tshibilu etshi netshikale bu tshimanyinu ku diboku nansha pa mpala yenu, bua kunuvuluija dipatuka dienu mu Ejipitu. Nanku, netshinuvuluije munudi ne bua kumanyisha bantu mikenji ya Maweja-Nangila, uvua munupatule mu ditunga dia Ejipitu.

Ekesode 13:9 Referans Kwoze

Dielulula 6:8

Wewe newasuike bu tshimanyinu ku tshianza tshiebe, ne hankatshi ha makiki.

Dibadika 15:39

Hanuatangila malenda au, nuvuluke mikenji ya Yehowa, nuyenze, kanulondi mitshima yenu ne mesu enu adi anuenzesha malu a masandi,

Ekesode 13:16

Bualu ebu nebuikale bu tshimanymu ku tshianza tshiebe ne bu tshmilukidi hankatshi ha mesu ebe bualu bua Yehowa wakabihanda mu Ejipitu ku bukole bua tshianza tshiandi.

Ekesode 12:14

Dituku edi nedikale kunudi bu tshmilukidi, nenudilame bu disanka dia Yehowa, nuenu nenuvuluke dituku edi ne tshivulukidi etshi tshiendelele.

Rome 10:8

Kadi buakane bua ka ditabusha budi buamba tshinyi? Dî edi didi ba buihi nʼebe, didi mukana muebe mene ne mu mutshima webe; edi ndî dia ditabusha ditudi tuambila bantu.

Yeshaya 59:21

Yehowa udi wamba ne, Bu mundi ngamba, etshi ntshihungidi tshindi mpunga nʼabo: Nyuma wanyi udi hamʼbidi hebe, ne mei anakuteka mukana muebe, kabiena biumuka mukana muebe, anyi mukana mua bana bebe baledibue, anyi mukana mua bikulu bebe, ku dituku edi to ne tshiendelele. Yehowa udi wamba nunku.

Matayi 23:5

Badi benza malu abo onso anu bualu bua bantu babamone; badi badiundisha nfulakatelio yabo badi badiundisha mibanga ya bikowelu biabo,

Dielulula 30:14

Kadi dî edi didi ha buihi nʼenu ne mukana muenu ne mu mitshima yenu, bua nuenu kudienza.

Ekesode 13:3

Mose wakambila bantu ne, Vulukai dituku edi dinuakuhatuka mu Ejipitu, mu nsubu wa lukanu, bualu bua Yehowa wakanuhatula mu muaba eu ne bukole bua tshianza tshiandi, kanudi bidia bidi ne luevene.

Didimanyisha 18:8

Bua bualu ebu makenga andi nealue dituku dimue, lufu ne madilu ne tshiole; nebamushidishe mu kahia, bua Mukelenge Nzambi udi umulumbuluisha udi mukole.

Yowele 2:11

Yehowa udi wela dî dikole ku mpala kua masalayi andi; bualu bua tshisumbu tshiandi tshia masalayi tshidi tshinene, bualu bua muenji wa dî diandi udi ne bukole. Bualu bua dituku dia Yehowa didi dinene, didi dikuatshisha bantu buowa bukole; nganyi washindama ku mpala kuadi?

Yirmeya 22:24

Yehowa udi wamba ne, Bu mundi bianyi ne muoyo, bu wewe Yekoniya, muana wa Yehoyakima, mukelenge wa Yuda, muikale kakanu ka tshimanyishilu ka ku tshianza tshianyi tshia balume, nakadi kukukohola.

Yeshaya 51:9

Tabala, tabala, udiluatshishe bukole, wewe, diboko dia Yehowa! Tabala bu muwakenza mu matuku a kale, mu bikondo biakamana kuhita kale. Kenguewe wakakosa Lahaba bituha bituha, wakatubula nyama munene ne muele, anyi?

Yeshaya 49:16

Tangila, nakunufunda munda mua bianza bianyi; ngumbu yebe idi ku mpala kuanyi misangu yonso.

Yeshaya 40:10

Monai! Mukelenge Yehowa nealue bu muena bukole, ne diboko diandi nedimukokeshile bantu. Monai! Bukenji buandi budi nʼandi, ne ditutu diandi didi ku mpala kuandi.

Yeshaya 27:1

Mu dituku adi Yehowa neikale ne muele wandi wa nvita mukole ne munene, neakengeshe nyoka mimene udi unyema lubilu, nyoka munene udi wenda utunyangala; neashihe nyama munene udi mu mai manene.

Nsumuinu 3:21

Muanʼanyi, malu â kaumuki ku mesu kuebe; ulame meji adi akukuatshisha, ne bukole bua kuhangidisha malu.

Nsumuinu 1:9

Bualu bua biobi nebikale tshitotolo tshilengele tshia ku mutu webe, ne nkanu ya mu nshingu muebe.

Misambu 89:13

Wewe udi ne diboko didi ne bukole; tshianza tshiebe tshidi tshikole, tshianza tshiebe tshia balume tshidi tshibandishibue kulu.

Nehemya 1:10

Aba mbena mudimu bebe ne bantu bebe bawakahikula ku bukole buebe bunene ne ku tshianza tshiebe tshikole.

Dielulula 6:6

Mei au anakukuambila lelu eu ikale mu mutshima webe;

Musambu wa Solomo 8:6

Unteke mu mutshima webe bu tshimanyinu ne bu tshimanyinu ha diboko diebe; bualu bua dinanga didi ne bukole bua lufu; mukau udi ne bukole bua Muaba wa Bafue; udi utema bu ndimi ya kahia, bu kahia ka Yehowa mene.

Nsumuinu 7:23

tô ne hamuasabo mukete musompoke mutshima wandi. Mbu mudi nyunyu ubuela mu buteyi lubilu, ne kena mumanye ne neajimishe muoyo wandi.

Ekesode 3:20

Nengolole tshianza tshianyi, nembakengeshe ne malu a kukema; ne ku nyima kua malu â yeye neanulekele.

Ekesode 7:4

Kadi Palô kena ukunyuila, ne meme nenteke tshianza tshianyi ha Ejipitu, nempatule bantu banyi Bena Isalele mu buloba bua Bena Ejipitu ku dilumbulula dikole.

Ekesode 13:14

Hanukonka muanʼenu wa balume ne, Bualu ebu ntshinyi? nemmuambile ne, Yehowa wakatuhatula mu buloba bua Ejipitu ne mu nsubu wa lukanu ku bukole bua tshianza tshiandi.

Misambu 136:12

Wakabaluhula ne tshianza tshikole ne diboko diandi diolola, bua luse luandi ludi lujalame tshiendelele.

Yeshaya 44:5

Mukuabo neambe ne, Meme ndi muntu wa Yehowa; mukuabo neadidike ku dina dia Yakoba; mukuabo neafunde ha tshianza tshiandi ne, Ntshia Yehowa, neabikile dina diandi dibidi ne, Isalele.

Ekesode 12:41

Hakaleha bidimu nkama mai ne makumi asatu, mu dituku adi mene mene, bisumbu bionso bia bantu ba Yehowa bakaluhuka mu buloba bua Ejipitu.

Dielulula 5:15

Uvuluke ne wewe wakadi muhika mu buloba bua Ejipitu, ne Yehowa, Nzambi webe, wakakuhatulamu ne tshianza tshia bukole ne diboko diandi diolola: nunku Yehowa, Nzambi webe, wakalelela mukenji bua wewe uvuluke dituku dia Lumingu.

Dielulula 6:21

Hashishe newambile muanʼebe mulume ne, Tuakadi bahika ba Palo mu Ejipitu, ne Yehowa wakatuhatula mu Ejipitu ne tshianza tshikole;

Balombodi 2:12

bakalekela Yehowa Nzambi wa batatuʼabo, wakafunda nʼabo mu buloba bua Ejipitu; bakalonda nzambi mikuabo, nzambi ya bantu bakadi ha buihi nʼabo, bakayinamina; bakafikisha Yehowa munda.

Misambu 136:11

Wakaluhula Bena Isalele munkatshi muabo, bua luse luandi ludi lujalame tshiendelele.

Danyele 9:15

Katataka, Mukelenge Nzambi wetu, wakuluhula bantu bebe mu buloba bua Ejipitu ku tshianza tshikole, wakunvuisha dina diebe dinene bu mudidi lelu eu, tuakuenza bibi, tuakuenza malu mabi.