Ekesode 10:26 - Mukanda wa Nzambi Dihungila Dikulukulu ne Dihungila Dihia-dihia 2003

²⁶ Netuye ne bimuna bietu kabidi, katuena dishiya nansha mukoko umue ku nyima, bualu bua didi ne bualu bua kutendelela Yehowa Nzambi wetu ne nyama ei; katuena bamanye bintu bidi Yehowa musue anu bakafikaku.

MUKANDA WA MYIDI MUKULU

²⁶ Tuetu katuena mua kushiya tshimuna tshietu nansha tshimue. Tuyaya nabi bionsu, bualu tuyaya kutendelela nabi Maweja-Nangila Mvidi Mukulu wetu. Kabidi netumanye bimuna bidiye musue bua tuetu kumulambula amu patuafika kutudi tuya.

Ekesode 10:26 Referans Kwoze

Ebrewu 11:8

Bua ditabusha Abalahama, hakabikidibueye wakatumikila bua kuyeye ku muaba wakadiye wamba kuangata bu buhianyi; wakaluhuka, kai mumanye kuakadiye uya.

2 Korente 8:5

ne kabakenza anu bu mutuakatekemena, kadi bakadianjila kudifila kudi Mukelenge, ne kutudi, bu mu disua dia Nzambi.

Zekâya 14:20

Mu dituku adi nemuikale mei mafunda ha ndibu ya tubalu ne, BIA TSHIJILA BIA YEHOWA; ne ngesu ya mu nsubu wa Yehowa neyikale ya tshijila bu mudi malonga a milambu adi ku mpala kua tshioshelu.

Osheya 5:6

Nebaye ne bisumbu biabo bia mikoko ne ngombe bua kukeba nʼabi Yehowa, kadi kabena bamusangana; yeye wakûmuka kudibo.

Yeshaya 23:18

Kadi luhetu luau ne ditutu diau bua bundumba nebijidibue kudi Yehowa; kabiena bibutshidibua ne kabiena bitekedibua. Bualu bua luhetu luau lua ku kuendulula kua mushinga neluikale bintu bia kukuatshisha nʼabi bantu badi bashikame ku mpala kua Yehowa, bua bobo bikale ne bia kudia bikumbane ne bivualu bimpe.

Nsumuinu 3:9

Tumbisha Yehowa ne biuma biebe ne mamuma a kumudilu a mu madimi ebe.

Ekesode 12:32

Angatai bisumbu bia mikoko ne bia ngombe, bu munuakamba, yai bienu, nunvudishe disanka kabidi.

Ekesode 10:9

Mose wakamba ne, Netuye ne bana bakese ne bantu banunu, ne bana betu ba balume ne bana betu ba bakashi, netuye ne mikoko yetu ne ngombe yetu, bualu bua tudi ne bualu bua kudia bidia ku mesu kua Yehowa.

Ekesode 10:25

Mose wakamba ne, Bualu buakukukuata bua kufila nyama mu bianza bietu ya kuoshila Nzambi, tudi basue kuyishihela Yehowa Nzambi wetu.

Ekesode 8:27

Netuye luendu lua matuku asatu mu tshihela, netushihele Yehowa Nzambi wetu nyama bu muatuambileye.