Efeze 6:20 - Mukanda wa Nzambi Dihungila Dikulukulu ne Dihungila Dihia-dihia 2003

²⁰ Bua bualu ebu ndi muloho wa Nzambi mu nkanu, bua meme kuambila bantu bualu ne dikima bu mundi nʼabu bua kubambila.

MUKANDA WA MYIDI MUKULU

²⁰ Nansha mundi mu lukanu amu mpindiewu, mbantume amu bua kumanyisha Lumu lua Disanka alu. Nanku lombayi bua ndongeshe Lumu elu ne muoyi umue, amu mudibu bamfundile bua kuenza.

Efeze 6:20 Referans Kwoze

2 Korente 5:20

Nunku tudi miloho bua bualu bua Kilisto, bu mudi Nzambi munusengelele ne dî dietu, nunku tuetu tudi tunusengelela bua bualu bua Kilisto ne, Nulengeshibue ne Nzambi.

Kolose 4:4

bua meme kubumanyisha bantu, bu mundi nʼabu mbua kubambila.

2 Timote 2:9

ne bua muanda walu ndi nkengeshibua makenga mabi a kudi bantu bu muenji wa bibi, tô ne mu nkanu minsuika; kadi dî dia Nzambi kadiena disuika.

Filipe 1:7

bu mudibi bimpe bua meme kuikala ne meshi â munda muanyi bua bualu buenu, bualu bua ndi nʼenu mu mutshima wanyi; bualu bua mu nkanu yanyi ne mu kuvidila ne mu kujadika kua lumu luimpe, buonso buenu nudi bangatshi nʼanyi ba ngasa.

Bienzedi 26:29

Paulo wakamba ne, Nasha ne kalu kakese nasha ne bualu bunene, ndi ndomba Nzambi kambua wewe nkayebe kadi bua bonso badi bunvua mei anyi lelu kabidi, balue bu mundi emu, anu nkanu ei idishadile.

1 Yone 3:16

Mu muanda eu tudi bamanye dinanga, bualu bua Yesu wakateka muoyo wandi hanshi bua bualu buetu; ne tuetu tudi ne bualu bua kuteka mioyo yetu hanshi bualu bua bana betu.

2 Timote 1:16

Mukelenge afue ba mu nsubu wa Onesifolo luse, bualu bua yeye wakasangasha muoyo wanyi misangu ya bungi, ne kakafua bundu bua lukanu luanyi;

1 Tesalonike 2:2

kadi hatuakadianjila kukenga, ne hakatuenzelabo bibi ku Filipoi, bu munudi bamanye, tuakakolesha mitshima mu Nzambi wetu bua kunuambila lumu luimpe lua Nzambi mu kuluangana kua bungi.

Filipe 1:20

Mbu mudi dialamina dianyi dikole ne ditekemena dianyi ne, tshiena nfuishibua bundu nasha mu bualu bumue; kadi bu munakamana kuenza misangu yonso ne dikima dionso, nunku katataka Kilisto neatumbishibue mu mubidi wanyi, nasha buikala ku muoyo Bau, nasha buikala ku lufu luau.

Efeze 6:19

ne bua bualu buanyi kabidi, bua meme kuheshibua mua kuakula hanabulula mukana muanyi ne bua meme kumanyisha bantu ne dikima bualu bua lumu luimpe busokoka.

Efeze 4:1

Nunku meme, amena lukanu wa Mukelenge, ndi nusengelela ne, Enda! bakanangane ne dibikila diakanubikilabo nʼadi,

Efeze 3:1

Bua muanda eu, meme Paulo, udi muena lukanu wa Kilisto Yesu bua bualu buenu, nuenu ba mu bisamba bia bende.

Bienzedi 28:31

ubambila bua bukelenge bua Nzambi, ubayisha malu a Mukelenge Yesu Kilisto ne dikima dionso, muntu kakamukanda.

Bienzedi 28:20

Bua bualu ebu nunku bunakunubikidila bua kulua kuntangila ne bua kuakula nʼanyi; ndi musuikibue ne lukanu elu bualu bua ditekemena dia Isalele

Bienzedi 5:29

Kadi Petelo ne bapostolo bakandamuna ne, Butudi nʼabu mbua kutumikila mei a Nzambi ku mpala kua mei a bantu.

Nsumuinu 13:17

Messager mubi udi uhona mu dikenga, kadi muloho udi mua kueyemenyibua udi usangasha bantu.

Yuda 1:3

Bananga, hanakadi ndienzesha ne disuminyina dionso bua kunufundila bua luhandu luolumue lutudi nʼalu, bualu buakunkuata kunufundila bua kukolesha mitshima yenu, bua nuenu nutshinte bikole bua ditabusha diakahabo basanto musangu umue tshiendelele.

Filemone 1:10

Ndi nkusengelela bua muanʼanyi wa mu Kilisto Onesimo unakuela mu lukanu luanyi.

Bienzedi 21:33

Hashishe kamanda wakasemena hehi, wakamukuata, wakamba bua kumusuikabo ne nkanu ibidi, wakabanga kubebesha ne, Udi nganyi? Wakuenza tshinyi?

Yeshaya 58:1

Bandisha dî diebe bikole, kudikandi nansha, bandisha dî diebe bu dî dia mpungi, manyisha bantu banyi kushiha kuabo kua mikenji ne bana ba Yakoba mihi yabo.

Yirmeya 1:17

Nunku suika mukaba mu tshimono tshiebe, juka, ubambile mei onso andi nkuambila. Kuzakadi bua bualu buabo, bua meme tshikuzakashi ku mpala kuabo.

Yeshaya 33:7

Monai, bena bukitu babo badi badila ha bule; miloho yabo ya ditalala idi idila bikole.

Yirmeya 40:1

Dî dia Yehowa diakalua kudi Yelemiya ku nyima kua diba diakadi Nebuzaladana, kapitene ka bansentedi ba masalayi, umulekele ku Lama, wakadi mumusangane musuika ne nkanu munkatshi mua ba mu Yelushalema ne ba mu Yuda bakakuatabo, ne bakadibo baya nʼabo mu buhika ku Babulona.

2 Korente 3:12

Bualu bua tudi ne ditekemena dia nunku, tudi tuamba dî dietu ne dikima dikole;

Kolose 4:3

nutulombele kabidi mu tshikondo tshiotshimue bua Nzambi atunzuluile tshibi tshia dî bua tuetu kuamba bualu busokoka bua Kilisto, buakunsuikilabo mu nkanu kabidi,

Filemone 1:9

kedi udi ntamba kusua kukusengelela bualu bua dinanga; udi wamba bualu ebu mmeme Paulo, muetu mununu, ne katataka muena lukanu kabidi wa Kilisto Yesu.