Efeze 4:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Wakaha bakuabo bua kuikala bapostolo, ne bakuabo bua kuikala baprofete, ne bakuabo bua kuikala batangadiki, ne bakuabo bua kuikala bampasata, ne bakuabo bua kuikala bayishi;

MUKANDA WA MYIDI MUKULU

¹¹ Yeye ke uvua mupeshe bantu mapa a pa buawu: uvua mubikile bakuabu bua bikale bapostolu, banga bua bikale bambi, bamue bua bikale balongeshi ba Lumu lua Disanka, bakuabu bua bikale balami ba bena ditaba, nansha balongeshi babu.

Efeze 4:11 Referans Kwoze

Yirmeya 3:15

Nennusunguile balami badi benza bu mudi mutshima wanyi musue, nebanudishe ne lungenyi ne meji mimpe.

Efeze 2:20

Tudi tuibakibua ha mutu ha bapostolo ne baprofete, bu bishimikidi bia nsubu; Kilisto Yesu nkayandi udi dibue dinene dia ku ditumba dia nsubu;

2 Timote 4:5

Kadi wikale ne meshi mahole mu malu onso, witabushe makenga, wenze mudimu wa butangadiki, ukumbashe mudimu webe wa Nzambi.

Matayi 28:20

nubayishe mua kuenza malu onso anakanuambila; ne monai, ndi nʼenu matuku onso tô ne kunshikidilu kua tshikondo etshi.

Bienzedi 20:28

Nuditangile bienu bimpe, ne tshisumbu tshionso tshiakanutekelabo batangidi kudi Nyuma Muimpe, nudishe ekelesia wa Mukelenge wakasumbeye ku mashi andi.

Efeze 4:8

Nunku Mukanda wa Nzambi udi wamba ne, Hakabandeye mu diulu, wakaya ne bakatambeye bukole mu buhika, Wakaha bantu maha abo

Efeze 3:5

kabuakadi bumanyishibua bukua bantu mu bikondo bikuabo, kadi katataka buakabuluidibua bapostolo bandi ba tshijila ne baprofete mu Nyuma Muimpe;

Rome 12:7

anyi, bituikala ne mudimu wa mukuatshishi, tuenze mudimu wetu bimpe; ne udi uyisha alamate kudi buyishi buandi.

2 Kulondolola 15:3

Bena Isalele kabakadi ne Nzambi mulelela tô musangu mule, kabakadi ne muakuidi wa kubayisha, kabakadi ne mikenji ya Nzambi;

Ebrewu 5:12

Bualu bua musangu wakamana kuleha unuakadi kuikala bayishi, kadi nudi ne bualu kabidi bua bakuabo banuyishe nuenu mayisha a kumudilu a tshibangidilu tshia mei mamba kudi Nzambi; ne nuakulua bu badi ne mabele bualu, kanuena bu badi ne bia kudia bikole bualu.

Didimanyisha 18:20

Nusanke bua bualu buau, wewe diulu, ne nuenu basanto, ne nuenu bapostolo, ne nuenu baprofete; bualu bua Nzambi wakamulumbuluisha ne dilumbuluisha dienu.

Bienzedi 21:8

Hakatshiabu, tuakumuka tuakalua ku Kaisalia. Hatuakabuela mu nsubu wa Filipo, muambi wa Lumu Luimpe umue wabo wa bulami muanda mutekete, tuakalala kuandi.

Bienzedi 13:1

Munkatshi mua bena ekelesia ba mu Antiokia muakadi baprofete ne bayishi, mena abo akadi Bânaba, ne Shimeona muidika ne, Nigê, ne Lukio wa ku Kulene, ne Manaene wakakola ne muloho Helode, ne Shaula.

Didimanyisha 21:14

Lumbu lua musoko luakadi ne bishimikidi dikumi ne bibidi, ne hamʼbidi habi hakadi mena dikumi ne abidi a bapostolo dikumi ne babidi ba Muana wa Mukoko.

Yuda 1:17

Kadi nuenu, bananga, nutuhike mei akadianjilabo kuamba kudi bapostolo ba Mukelenge wetu Yesu Kilisto;

1 Korente 12:4

Mishindu ya bihedi idiku, kadi Nyuma udi anu muomumue.