Ebrewu 9:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ ne ha mutu hau bakeluba ba butumbi bavuisha dileshi ha mutu ha muaba wa kubuikidila mibi; bua bintu ebi kakuena bualu bua kuamba katataka mudi tshintu ne tshintu.

MUKANDA WA MYIDI MUKULU

⁵ Pa mutu pa mushete pavua Basherubine ba lumu, bavua baleja mpala wa Mvidi Mukulu. Mapuapua abu avua mabuikile muaba udibu bajimijila bantu mibi yabu. Kadi edi ki ndiba dia tuetu kuakula malu aa onsu ku bumue ku bumue nansha.

Ebrewu 9:5 Referans Kwoze

Dibadika 7:89

Hakaya Mose mu ntenta wa kusambakena bua kusomba ne Yehowa, hashishe yeye wakunvua Di diakadi diakula nʼandi ha mutu ha tshibuikidi tshia ha mutu ha mushete wa Nzambi hankatshi ha bakeluba babidi ne yeye wakasomba ne Yehowa.

Lewitiki 16:2

Yehowa wakambila Mose ne, Wambile Alona, mukulu webe, ne, Kulu nusangu yonso mu muaba wa tshijila udi ku nyima kua tshilulu tshikudika ku mpala kua tshibuikilu tshia mushete wa Nzambi, kufu biebe, bualu bua meme nemmueneke mu difutu ku mutu kua tshibuikilu tshia mushete wa Nzambi.

Misambu 99:1

Yehowa udi ukokesha; bantu bazakale! Udi mushikame biandi mu nkuasa wa butumbi ha mutu ha bakeluba; buloba butenkakane!

Misambu 80:1

Teleja matshu ebe, wewe Mulami wa mikoko wa Bena Isalele, wewe udi ulombola bana ba Yosefe bu tshisumbu tshia mikoko. Wewe udi mushikika mu nkuasa wa butumbi ha mutu ha bakeluba, uteme biebe.

Lewitiki 16:13

neateke musenga wa manananshi ha kahia ku mpala kua Yehowa bua ditutu dia muishi wa musenga wa manananshi dibuikile tshibuikilu tshia mushete wa Nzambi, bua yeye katu nansha.

1 Petro 1:12

Buakabuluibua kudibo, ne kabakadikuatshila, bobo bine, malu â mudimu, kudi bakanakuatshilau nuenu mudimu, malu mene akanumanyishabo katataka kudi bantu bakanuambila lumu luimpe mu Nyuma Muimpe wakanutuminabo mufume mu diulu; malu adi banjelo basue kutangilatangila.

Ebrewu 4:16

Nunku, tusemene ne dikima hehi ne nkuasa wa butumbi wa ngasa, bua tuetu tuhete luse ne bua tusangane ngasa bua kutukuatshisha mu tshikondo tshia dikengela dietu.

1 Kulondolola 28:11

Hashishe Davidi wakaha Solomo muanʼandi luidi lua mbalanda wa ntempelo, ne lua nsubu wandi, ne lua bibutshilu biandi, ne lua nsubu ya ku mutu, ne lua nsubu ya munda muandi, ne lua muaba wa tshibuikilu tshia or;

2 Bakalenga 19:15

Hezikiya wakatendelela Yehowa, wakamba ne, Yehowa, Nzambi wa Isalele, utu washikama ha mutu ha bakeluba, wewe udi Nzambi nkayebe wa makelenge onso a ha buloba; wewe wakafuka diulu ne buloba.

1 Samuele 4:4

Nunku bantu bakatuma dî ku Shilo, bakalua ne mushete wa tshihungidi tshia mei a Yehowa, utu washikama ku mutu kua bakeluba: bana ba balume babidi ba Eli, Hofeni ne Pinehasa bakadiku ne mushete wa tshihungidi tshia mei a Nzambi.

Efeze 3:10

bua ekelesia amanyishe bakelenge ne bakokeshi badi mu miaba ya mu diulu meshi mavula a Nzambi;

Rome 9:4

Badi Bena Isalele mene, badi ne buhianyi bua bana, ne butumbi, ne mahungila, ne kuhebua kua mikenshi, ne mitendelelu, ne milayi.