Ebrewu 6:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Bua muanda wa bantu aba bakatokeshibua mu munya wa Nzambi musangu umue tshiendelele ne bakalabula diha dia mu diulu, bakavuishibua babanyanganyi ba Nyuma Muimpe,

MUKANDA WA MYIDI MUKULU

⁴ Tshidi mua kuenzekela badi bapingana tshiakabidi mu nsombelu mubi ntshinyi? Bakaya bamane kupeta butoke bua Mvidi Mukulu. Bavua balabule dipa dia mulu, badisange ne Mueyelu wa Tshijila.

Ebrewu 6:4 Referans Kwoze

Matayi 5:13

Nuenu nudi lueho lua buloba; hatshihala lueho kutua kualu, nebalutuishe kabidi ne tshinyi? Ludi tshianana, nebaluimashe, nebaludiate mu makasa.

Yowanane 15:6

Bikala muntu kai ushala munda muanyi, nebamumushe bu ditamba, neafube; badi bunguisha matamba, baêla mu kahia, adi ahla.

Efeze 2:8

Bualu bua nudi basungidibue ku ngasa bua ditabusha; ne diodi kadiena difuma kunudi, ndiha dia Nzambi;

Yowanane 3:27

Yone wakandamuna ne, Muntu kena mumanye mua kudiangatshila tshintu, kabai bamuhetshi tshifume mu diulu.

Ebrewu 10:32

Kadi nuvuluke matuku a diambedi munkatshi muau munuakatantamana mu diluangana dikole dia mu makenga, hanuakamana kutokeshibua mu munya;

Matayi 12:45

Hashishe, yeye udi uya biandi, udi wangata minga nyuma mibi muanda mutekete idi mimutambe yeye bubi, idi ibuelamuidi ishikama; malu a muntu au a hashishe adi atamba a diambedi bubi. Bualu ebu nunku nebulue kudi bantu ba tshikondo tshibi etshi.

Ngalate 3:2

Ndi musue kunukonka anu bualu bumue, Nuakangata Nyuma bua kuenza kua mikenshi anyi bua kunvua kua lumu luimpe ne ditabusha?

2 Timote 2:25

adimushe badi badimanyika bu baluisha ne mutshima wandi muhuekele; ne bumue Nzambi neakudimune mitshima yabo ku dimanya dia bualu bulelela;

1 Yone 5:16

Biamona muntu muanʼabo wenza bualu bubi budi kabui bua lufu, nealombe Nzambi, yeye neamuhe mioyo ya badi benza bualu bubi budi kabui bua lufu. Bualu bubi budiku budi bua lufu; tshiena ngamba ne, Yeye amulombele Nzambi bua bualu abu.

Ebrewu 2:4

Nzambi kabidi wakamanyishangana nʼabo ne ku bimanyinu ne ku malu a kukema ne ku bienzedi bia bukole bia bungi ne ku bihedi bia Nyuma Muimpe biakababanyinabo, bu mudi disua diandi.

1 Timote 4:14

Kulekedi kulama tshihedi tshidi munda muebe, tshiakakuhebua ku mei a baprofete ne hakatentekesha bakulu bianza ha mutu hebe.

Bienzedi 11:17

Bikala Nzambi mubahe kuha kuakutuheye hatuakuitabusha Mukelenge Yesu Kilisto, ahu meme nakadi nganyi wa kufuilangana ne Nzambi?

Efeze 4:7

Muntu ne muntu wa munkatshi muetu wakahebua ngasa bu mudi tshidikishilu tshia diha dia Kilisto.

Efeze 3:7

luakunvuishabo muena mudimu walu bua diha dia ngasa wa Nzambi wakueleye bu mu dienzesha dia bukole buandi.

Bienzedi 10:45

Bena kuitabusha batengula bakadi balue ne Petelo bakakema, bualu bua bakuitshikishila bisamba bia bende kabidi kuha kua Nyuma Muimpe.

Bienzedi 8:20

Kadi Petelo wakamuambila ne, Argent yebe ifue nʼebe, bualu bua wewe wakulangana meshi ne, Nengangate diha dia Nzambi ku bintu.

Yowanane 6:32

Yesu wakabambila ne. Bulelela, bulelela, udi nuambila ne, Mose kakanuha bidia bia mu diulu, Tatu wanyi udi unuha bidia bilelela bia mu diulu.

Dibadika 24:3

Yeye wakela lusumuinu luandi ne, Belâma, muana mulume wa Beô, muntu wakadi ne disu diandi dibuikila,

Ngalate 3:5

Wakanuha Nyuma ne udi wenza malu a kukema munkatshi muenu, yeye udi wenza nunku bua kuenza kua mikenshi anyi bua kunvua kua lumu luimpe ne ditabusha?

Bienzedi 15:8

Nzambi mumanyi wa mu mitshima, wakabavidila, wakabaha Nyuma Muimpe bu muakutuheye bietu:

Yowanane 4:10

Yesu wakamuandamuna ne, Bu wewe mumanye diha dia Nzambi ne wakukulomba ne, Umpe mai a kunua, wewe wakadi kumulomba ne yeye wakadi kukuha mai a muoyo.

2 Timote 4:14

Alesandelo, mutudi wa tshiamu tshikunze, wakatamba kungenzela bibi; Mukelenge neamufute bu mudi midimu yandi;

Rome 1:11

Bualu bua udi njinga bua kunumona bua kunuhesha kuha kukuabo kua Nyuma, bua nuenu nujadikibue.

2 Korente 4:4

bakafofomishabo mesu a meshi a badi kabai bitabusha kudi nzambi wa tshikondo etshi, bua dinkenka dia lumu luimpe lua butumbi bua Kilisto, udi tshifuanyikishi tshia Nzambi, kaditemi kudibo.

2 Korente 4:6

Bualu bua Nzambi nguakamba ne, Munya neuteme mu mîdima; yeye wakatema mu mitshima yetu bua kutuha dinkenka dia lungenyi lua butumbi bua Nzambi ha mpala ha Yesu Kilisto.

Efeze 1:18

ne bua yeye anumunyikile mesu a mu mitshima yenu, bua nuenu kumanya didi ditekemena dia kunubikila kuandi, ne budi bubanshi bua butumbi bua buhianyi buandi mu basanto,

Lewitiki 13:55

Hashikishabo kuvuwa tshintu atshi, muakuidi neatangile ne ditoba dia disama kadiyi diandamuke mekala, nansha bikaladi kadiyi ditampakane, tshintu atshi katshiena tshiakane, nebatshioshe mu kahia edi ndisama dia nsudi, bikala disama ku mutu kua muena dibala anyi ku mpala hadi dibala.

Lewitiki 14:43

Biamueneka disama mu nsubu kabidi hashikisheye kumusha mabue ne kukuona munda mua nsubu ne hajinguileye makuabo,