Ebrewu 6:20 - Mukanda wa Nzambi Dihungila Dikulukulu ne Dihungila Dihia-dihia 2003

²⁰ kuakabuela Yesu bu mudianjidi bua bualu buetu, mumane kulua muakuidi mimene tshiendelele wa ku mulongo wa Melekisedeke.

MUKANDA WA MYIDI MUKULU

²⁰ Ke muaba uvua Yezu mubuele kumpala kuetu bua kutuleja njila. Udi mutuangaji munene bua kashidi mushindu wa Melkisedeke.

Ebrewu 6:20 Referans Kwoze

Ebrewu 4:14

Bualu bua tuetu tudi ne muakuidi munene wakuhita mulu onso, Yesu Muana wa Nzambi mene, tulamate dijukula dia ditabusha dietu.

Ebrewu 3:1

Nunku, bana betu ba tshijila, babanyanganyi ba dibikila dia mu diulu, nuelangane meshi bua Mupostolo ne Muakuidi Munene wa dijukula dia ditabusha dietu, Yesu mene;

Ebrewu 5:6

bu mudiye wamba kabidi mu muaba mukuabo ne, Wewe udi muakuidi tshiendelele Wa ku mulongo wa Melekisedeke.

Ebrewu 5:10

wakidikibua kudi Nzambi muakuidi mimene wa ku mulongo wa Melekisedeke.

Ebrewu 9:24

Bualu bua Kilisto kakabuela mu muaba wa tshijila muasa ne bianza, mufuanangane ne muaba mulelela; kadi wakabuela mu diulu muine, bua kumuenekeye mpindiu ku mpala kua Nzambi bua bualu buetu;

Ebrewu 9:12

kembua mashi a mbushi ne a bana ba ngombe, kadi bua mashi andi mene, wakabuela mu muaba mutambe tshijila musangu umue tshiendelele, mumane kuangatshila bantu dihikula dia tshiendelele.

Ebrewu 8:1

Mu malu atudi tuamba ebu mbualu butamba bunene, Tudi ne muakuidi wa nunku wakashikama ku tshianza tshikole tshia nkuasa wa butumbi wa Mutambe Bunene wa mulu,

Ebrewu 2:10

Bua bualu buakadi buakane kudiye, bua bualu buandi bintu bionso bidiku, ne bintu bionso bidi bifukibua ku bukole buandi, hakalomboleye bana ba bungi ku butumbi, bua kuvuisha kapitene ka luhandu luabo mu buakane buonso ku makenga.

Ebrewu 1:3

Yeye udi dinkenka dikole dia butumbi bua Tatu ne tshifuanyikishi mene tshia Bunzambi buandi, ne udi wimanyika bintu bionso ku dî dia bukole buandi; hakamaneye kuhetela bantu diuvua dia ku malu mabi abo, wakashikama ku tshianza tshia bukole tshia Mutambe Bunene wa mulu.

Rome 8:34

Udi ubahisha nganyi? NKilisto Yesu mene wakafua, E, bulelela, wakabishibua ku lufu, udi ku tshianza tshikole tshia Nzambi, udi utuakuila kabidi.

1 Yone 2:12

Bana banyi bakese, ndi nufundila mukunda, bualu bua mibi yenu yakabuikidibua bua dina diandi.

1 Petro 3:22

udi ku tshianza tshia bukole tshia Nzambi, mumane kubuela mu diulu; banjelo ne makokeshi ne makole biakavuishibua ku nyima kuandi.

Ebrewu 12:2

batangila kudi Yesu, mubandi ne mushikishi wa ditabusha dietu, yeye, bua disanka diakatekibua ku mpala kuandi, wakakankamana hakakengeye ka mutshi mutshiamakane, wakalengulula bundu, ne wakushikama ku tshianza tshikole tshia nkuasa wa butumbi wa Nzambi.

Ebrewu 2:17

Nunku buakadiye nʼabu mbua kufuanyishibua bu bana babo mu malu onso, bua yeye alue muakuidi munene wa luse ne wa kueyemenyibua mu malu adi a Nzambi, bua kufileye milambu ya kubuikidila nʼai bantu mibi yabo.

Efeze 1:3

Nzambi, Tatu wa Mukelenge wetu Yesu Kilisto atumbishibue, wakatuvuidishila masanka onso a Nyuma mu miaba ya mu diulu mu Kilisto;

Misambu 110:4

Yehowa wakuditshiha, kena ukudimuna mutshima wandi ne, Wewe udi muakuidi tshiendelele wa ku mulongo wa Melekisedeke.

Dibadika 18:28

Nunku nuenu nenufile mulambu wa bia dikumi bionso binudi nuangata kudi Bena Isalele bu mulambu udibo banyukula kudi Yehowa, wewe neuhe Alona muakuidi mulambu eu wa bintu bidibo banyukula kudi Yehowa.