Ebrewu 12:13 - Mukanda wa Nzambi Dihungila Dikulukulu ne Dihungila Dihia-dihia 2003

¹³ nulongoluele makasa enu nshila milulame, bua mulema kakueyiboki, kadi asangale biandi.

MUKANDA WA MYIDI MUKULU

¹³ Endayi mu njila milulame bua dikasa didi ditebuka kadikoyoboki, kadi disangale.

Ebrewu 12:13 Referans Kwoze

Ngalate 6:1

Bana betu, bikala muntu mutulukile ku bualu bubi, nuenu badi ne Nyuma, numuhingishe kudi Nzambi ne mutshima wa kalolo; udimuke biebe, bua wewe buteyi bu.

Yeshaya 35:3

Nukoleshe bianza bidi bitekete, ne nukankamike binu bidi bitenkakana.

Yeshaya 35:6

Mu diba adi muntu mulema neatuhike bu ngulungu, ludimi lua kamama neluimbe misambu; bualu bua mishimi ya mai neyihatuke mu buloba bua hatuhu, misulu neyihueke mu tshihela tshia lusenga.

Yakobe 5:16

Nunku nutondelangane mibi yenu, nulombelangane Nzambi, bua nuenu mikoleshibue. Disengelela dia muntu muakane didi ne bukole bua bungi mu kuenza kuadi.

Luke 3:5

Nebalandakashe mpongo yonso, Nebabatamishe mikuna yonso, minene ne mikese, Nebaludike nshila mikonyangale, Nebaseneshe nshila idi bizakala bizakala;

Yeshaya 42:16

Nenye ne bafofo mu nshila udibo kabayi bamanye; nembalombole mu nshila idibo kabayi bamanye; nenkudimune mîdima bu munya ku mpala kuabo, ne miaba ya bizakalabizakala bu miaba milandakane. Au mmalu andi ngenza, tshiena mpanga mua kuashikisha.

Yirmeya 18:15

Bualu bua bantu banyi bakumpua muoyo, bakuoshila nzambi ya hatuhu musenga wa manananshi; bakulenduka hakuyilabo mu nshila yabo, mu nshila yabo ya kale, bua kuendabo mu tushila tukuabo, mu tushila didi katuyi tulongolola bimpe.

Yeshaya 58:12

Bamue ba bantu bebe nebase tshiakabidi mu miaba yakadi nushale bikulu; wewe neubishe kabidi bishimikidi biakashimikabo mu bikondo bia bungi bia diambedi. Nebakubikile ne, Muibaki wa ngumbu yakushimbuka, muhingashi wa misesu ya kushikamamu.

Ngalate 2:14

Kadi hanakatangila ne kabakenda bajalama bu mudi lumu luimpe lua bushua luamba, nakambila Kefa ku mesu kua buonso buabo ne, Wewe, Muena Yuda, biwenza bu mudi bantu ba mu bisamba bia bende benza, kui wenza bu mudi Bena Yuda benza, munyi mûdi musue kuenzesha bantu ba mu bisamba bia bende bua bobo benza bu mudi Bena Yuda benza?

1 Petro 2:24

Yeye muine wakututuadila malu mabi etu mu mubidi wandi ku mutshi mutshiamakane, bua tuetu, bamane kufua ku malu mabi, tuikale ne muoyo wa ku buakane; kunuakuondahibua ku mibundabunda yandi.