Ebrewu 11:37 - Mukanda wa Nzambi Dihungila Dikulukulu ne Dihungila Dihia-dihia 2003

³⁷ Bakakumibua mabue, bakakoshibua hankatshi ne nsele, bakateyibua, bakashihibua ne muele wa nvita, bakendakana baluate biseba bia mikoko ne biseba bia mbushi, bakengela bintu, bakengeshibua, benjibue bibi,

MUKANDA WA MYIDI MUKULU

³⁷ Bavua bashipe bamue ne mabue, bapanda bakuabu ne nsele bipesa bibidi, anyi babashipa ne muele. Bavua baya eku ne eku bavuale biseba bia mikoku anyi bia mbuji. Bavua bapele. Bavua babakengesha, babanyanga bibi.

Ebrewu 11:37 Referans Kwoze

2 Kulondolola 24:21

Bobo bakamuela tshifufu, bakamuela mabue ku mukenji wa mukelenge mene mu tshiendedi tshia mu nsubu wa Yehowa.

Yirmeya 26:23

bakakuata Uliya, hakumuka nʼandi mu Ejipitu, bakalua nʼandi kudi mukelenge Yehoyakima, wakamushiha ne muele wa nvita, wakela tshitalu tshiandi mu nkita ya bantu ba hatuhu.

1 Bakalenga 19:10

Yeye wakitaba ne, Nakadi ne lukunukunu lua bungi bualu bua Yehowa, Nzambi wa misumba; bualu bua Bena Isalele bakashiha tshihungidi tshiebe, bakela bioshelu biebe hanshi, bakashiha baprofete bebe ku miele ya nvita; anu meme nkayanyi ndi mushale, ne badi bakeba muoyo wanyi bua kûnyenga.

2 Bakalenga 1:8

Bakamuambila ne, Wakadi ne tshikowelu tshia miosa ne mukaba wa tshiseba ku tshifuka tshiandi. Yeye wakamba ne, Yeye udi Eliya, Muena Tishebe.

Bienzedi 7:52

Muprofete kai wakadi bankambua benu kabai bamukengeshe? Bakashiha bakadi badianjila kuamba diambedi ne, Muakane ulualua; katataka nuenu nuakulua bamutungidi bandi ne bamushihi;

Didimanyisha 11:3

Nempe bamanyishi banyi babidi bukole, ne nebambe dî dia Nzambi matuku tshinunu ne nkama ibidi ne makumi asambombo, baluatshisha bilulu bia miosa.

2 Korente 12:10

Nunku ndi ne disanka mu matekete ne mu bihendu ne mu malu adi angenzesha ku bukole ne mu makenga ne mu kanyinganyinga bua bualu bua Kilisto; bua hangikala mutekete, mpandi ne bukole.

Bienzedi 14:19

Kadi Bena Yuda ba ku Antiokia ne Ikonio bakalua ka Luseta, bakashikila bantu, bakakuma Paulo ne mabue, bakamukoka bamuimasha kukala kua musoko, bela meshi ne, Udi mufue.

Luke 13:34

Wewe Yelushalema, Yelushalema, utu washiha baprofete, utu wakuma bakukutuminabo mabue! Misangu ya bungi nakasua kusangisha bana bebe bu mudi nsolo usangisha bana bandi mu mahuahua andi, kadi nuenu nuakuhidia.

Matayi 21:35

Kadi ba bidime bakakuata bantu bandi, bakakuma mukuabo, bakashiha mukuabo, munga bakakuma ne mabue.

Matayi 8:20

Yesu wakamuambila ne, Mibuabua idi ne mena ai, nyunyu ya mulu idi ne masua ai; kadi Muana wa muntu kena ne ha kuladika mutu wandi.

Matayi 3:4

Yone wakadi biandi ne tshikowelu tshiandi tshia mioso ya kamelu, wakadi kabidi ne mukaba wa tshiseba mu tshimono tshiandi; bia kudia biandi biakadi mikumbi ne buitshi.

Zekâya 13:9

Nengele tshituha etshi tshisatu mu kahia, nembafule bu mudibo bafula tshiamu tshia argent, nembatete bu mudibo bateta tshiamu tshia or. Nebambikile mu dina dianyi, nembunvuile. Nengambe bianyi ne, Bobo badi bantu banyi; bobo nebambe ne, Yehowa udi Nzambi wetu.

Yirmeya 2:30

Nakuhita bana benu, nakubanga; kabakuatabusha kubela kuanyi; muele wenu wa nvita wakushiha baprofete benu, bu mudi nyama wa ntambue ushiha nyama mikuabo.

1 Bakalenga 21:10

nushikike bantu babidi bena lukinu ku mpala kuandi, bobo bamudingile ne, Wewe wakuhenda Nzambi ne mukelenge kabidi. Hashishe nuye nʼandi ha bule, numushihe ne mabue.

1 Bakalenga 19:14

Yeye wakamba ne, Nakadi ne lukunukunu lua bungi bualu bua Yehowa, Nzambi wa misumba; bualu bua Bena Isalele bakashiha tshihungidi tshiebe, bakela bioshelu biebe hanshi, bakashiha baprofete bebe ku miele ya nvita, anu meme nkayanyi ndi mushale, badi bakeba muoyo wanyi bua kûnyenga.

1 Bakalenga 19:1

Ahaba wakambila Izebele malu onso akenza Eliya ne muakashiheye baprofete bonso ku miele ya nvita.

1 Bakalenga 18:13

Kabakambila mukelenge wanyi bu munakenza hakashiha Izebele baprofete ba Yehowa, bu munakasokoka lukama lua baprofete ba Yehowa, makumi atanu mu nyongolo makumi atanu mu nyongolo mukuabo, bu munakabadisha, bumunakabanuisha, anyi?

1 Bakalenga 18:4

bualu bua hakakeba Izebele kushiha baprofete ba Yehowa, Obadaya wakangata lukama lua baprofete, wakasokoka makumi atanu mu nyongolo makumi atanu mu nyongolo, wakabadisha bidia, wakabanuisha mai.

2 Samuele 12:31

Yeye wakangata bantu bakadimu, wakabenzesha mudimu wa kuhandabo mabaya ne scie ne bua kuenzabo biamu bia kuihila nʼabi ne bisui, ne bua kuenzabo tushola; wakenzela Bena Amona ba mu misoko yabo yonso nunku. Davidi ne bantu bandi bonso bakahingana ku Yelushalema.

1 Bakalenga 19:13

Hakunvua Eliya dî adi, wakavunga tshikowelu tshiandi ku mpala kuandi, wakaluhuka, wakimana ku mushiku wa nyongolo. Dî diakalua kudiye, diakamukonka ne, Eliya, udi wenza tshinyi kunoko?

1 Bakalenga 19:19

Wakumukaku, wakasangila ne Elisha, muana wa Shafata, wakadi wihila budimi ne bikokedi bia ngombe dikumi ne bibidi: yeye wakadi wenda ku tshikokedi tshia dikumi ne tshibidi; Eliya wakafika kudiye, wakela tshikowelu tshiandi hamʼbidi nʼandi.

2 Bakalenga 2:8

Eliya wakakohola tshikowelu tshiandi, wakatshivunga wakatula ha mai, ne mai akahanduluka eku ne eku; bubidi buabo bakasabuka ha buloba bûme.

2 Bakalenga 2:13

Wakambula kowelu tshia Eliya tshiakahona kudiye wakahingana, wakimana kumuelelu wa Yadene.

1 Kulondolola 20:3

Yeye wakahatuka ne bantu bakadimu, wakabatuma ku mudimu ne scies ne nkasu ya biamu ne bisui. Davidi wakenzela ba mu misoko yonso ya Bena Amona nunku. Davidi ne bantu bandi bonso bakahingana ku Yelushalema.

Zekâya 13:4

Mu dituku adi baprofete nebakuatshike bundu, muntu ne muntu bua tshikena kumona tshiandi, hambeye mei bu muprofete; kena udiluatshisha ne tshikutu tshia miosa bua kudinga nʼatshi bakuabo.

Ebrewu 11:25

musungula kukengeshibua hamue ne bantu ba Nzambi ku mpala kua masanka a malu mabi a tshituha tshihi;

Ebrewu 13:3

Nuvuluke badi mu nkanu, bu munudi basuika nʼabo; nuvuluke badibo benzela bibi, bua nuenu nutshidi mu mibidi.