Ebrewu 11:26 - Mukanda wa Nzambi Dihungila Dikulukulu ne Dihungila Dihia-dihia 2003

²⁶ ubala bihendu bidi bua Kilisto bu bubanshi bunene buhita bibutshidibue bia mu Ejipitu, bualu bua wakatangila tô ne ku dihingishila dia difutu.

MUKANDA WA MYIDI MUKULU

²⁶ Utata muele meji ne: bobu bampetule mutotabu bapetule Kristu, ndi mpeta tshiuma tshidi tshipite biuma bia mu Ejipitu. Bualu mesu ende avua atangila amu difutu divuaye muindile kumpala.

Ebrewu 11:26 Referans Kwoze

Ebrewu 11:6

Ne bikalaku kakui ditabusha, muntu kena mua kumusankisha; bualu bua muntu udi ulua kudi Nzambi budiye nʼabu mbua kuitabusha ne, Yeye udiku, ne udi mufutshi wa badi bamukeba.

Ebrewu 10:35

Nunku, kanuimashi dikima dienu, didi dinuhingishila difutu dinene.

Didimanyisha 3:18

Ndi nkulesha lungenyi lua kusumba ngolo kundi udi mulengeshibue mu kahia bua wewe ulue mubanshi, ne bivualu bitoke bua kudiluatshisha nʼabi bua bundu bua butaka buebe kabumueneki, ne buanga bua kulaba ku mesu ebe bua wewe umanye mua kutangila.

1 Petro 4:14

Bianuhendabo bua dina dia Kilisto, nudi ne disanka; bualu bua Nyuma wa butumbi ne Nyuma wa Nzambi udi unuikila hamʼbidi henu.

Ebrewu 2:2

Bua bikala dî diakambibua kudi banjelo diakajadikibua, ne bikala bualu buonso bua dihambuka ne buhidia buonso biakahetela benji babi difutu diakanangane ne bubi,

2 Korente 6:10

bu badi ne kanyinganyinga ka mutshima, kadi tutu tuasanka misangu yonso; bu bahele, kadi tudi tuvuisha ba bungi babanshi; bu badi kabai ne bintu, kadi tudi ne bintu bionso.

Luke 14:14

nebakutumbishe, bua bobo kabena ne bia kukuhingishila kabidi; nebakuhingishilebi, halua dibika dia bantu bakane ku lufu.

Matayi 5:12

Nusanke, nuikale ne disanka dingi, bualu bua difutu dienu didi mu diulu ndinene; bakakengesha baprofete nunku bakadi ku mpala kuenu.

Efeze 3:8

Kundi meme, udi mutambe basanto bonso kuhuekela, bakampa ngasa eu bua meme kuambila ba bisamba bia bende bua bubanshi bua Kilisto budibo kabai bamanye mua kubuidikisha;

2 Korente 12:10

Nunku ndi ne disanka mu matekete ne mu bihendu ne mu malu adi angenzesha ku bukole ne mu makenga ne mu kanyinganyinga bua bualu bua Kilisto; bua hangikala mutekete, mpandi ne bukole.

Misambu 37:16

Bintu bikese bidi muntu muakane nʼabi bidi bitamba bintu bia bungi bia bantu babi bangi bulengele.

1 Petro 1:11

bakebakeba tshikondo kai ne mushindu kai wa tshikondo tshiakabalesha Nyuma wa Kilisto wakadi munda muabo, hakadianjileye kubambila bua makenga a Kilisto ne bua butumbi buakadi ha kualonda.

Ebrewu 13:13

Nunku, tuye bietu kudiye kukala kua tshitudilu, batuala bihendu bia bualu buandi.

Ebrewu 10:33

tshituha tshia makenga mbualu bua nuakavuishibua bu tshintu tshia kutangilatangilabo bua bihendu ne makenga; ne tshituha tshikuabo bualu bua nuakalua babanyanganyi ne bantu bakadi benjibua nunku.

Filipe 3:7

Kadi malu akadi a mushinga muimpe kundi, nguou au nakabala bu tshintu tshijimina bua Kilisto.

Efeze 1:18

ne bua yeye anumunyikile mesu a mu mitshima yenu, bua nuenu kumanya didi ditekemena dia kunubikila kuandi, ne budi bubanshi bua butumbi bua buhianyi buandi mu basanto,

Bienzedi 5:41

Bakumuka ku mpala kua bena tshilumbuluidi basanka bualu bua bakabadibua ne, Mbakane bua kufuishibuabo bundu bualu bua Dina dia Yesu.

Matayi 10:41

Witabusha muprofete mu dina dia muprofete, neahete difutu dia muprofete; witabusha muntu muakane mu dina dia muntu muakane neahete difutu dia muntu muakane.

Matayi 6:1

Nudimuke, kanuenji buakane buenu ku mesu kua bantu ne, Bobo batumone; binuenza nunku, kanuena ne difutu kudi Tatu wenu udi mu diulu.

Yeshaya 51:7

Nungunvuile, nuenu badi bamanye buakane, badi ne diyisha dianyi dia mikenji mu mitshima yenu; kanutshinyi bihendu bia bantu, buowa kabunukuatshi bua matuka abo.

Nsumuinu 23:18

Bua bulelela, malu makuabo nealue kûdi, ne ditekemena diebe kadiena dijimina.

Nsumuinu 11:18

Muntu mubi udi wangata difutu didi dimudinga, kadi udi ukuna buakane udi uheta difutu dia bushuwa.

Misambu 69:20

Bihendu biakutamba kubanda mutshima wanyi, dinyingalala diakuntonda. Nakatekemena ne, Muntu neanfuile luse, kadi kakadiku; nakatekemena ne, Basambi nebamueneke, kadi tshiakasangana nansha umue.

Misambu 69:7

Bualu bua nakuitabusha bihendu bua bualu buebe, bundu buakunkuata ku mesu.

Rute 2:12

Yehowa akufute bua mudimu webe, bakuhe difutu diebe dionso kudi Yehowa, Nzambi wa Isalele, uwakulua kuso koma muinshi mua mahuahua andi.

Didimanyisha 2:9

Ndi mumanye dikenga diebe ne buhele buebe (kadi wewe udi mubanshi) ne bihendu bia badi badiamba ne, Tudi Bena Yuda, ne kabena Bena Yuda; kadi badi nsunagoga wa Satana.

Luke 14:33

Nunku muntu yonso wa munkatshi muenu udi kai uhidia bintu bionso bidiye nʼabi kena mumanye mua kuikala muyidi wanyi.