Ebrewu 10:25 - Mukanda wa Nzambi Dihungila Dikulukulu ne Dihungila Dihia-dihia 2003

²⁵ katui tulekela bietu disangisha dietu bamue, bu mudi tshilele tshia bakuabo, kadi tukoleshangana mitshima, tutamba kuenza nunku bualu bua nudi numona dituku dia Mukelenge disemena ha buihi.

MUKANDA WA MYIDI MUKULU

²⁵ Katulekedi bisangilu bietu bu bakuabu bakadi ne tshibidilu tshia kubenga kubuelamu. Kadi tukoleshangane ku muoyi, tuenze nanku nangananga lelu unudi numona mudi dituku dia Mfumu disemena pabuipi.

Ebrewu 10:25 Referans Kwoze

Bienzedi 2:42

Bobo bakananukila kuikala mu dilengesha dia bapostolo ne mu buobumue, ne mu kutshibula kua bidia ne mu kutendelela kua Nzambi.

Matayi 18:20

Ndi bianyi munkatshi mua bantu babidi anyi basatu badi badisangisha mu dina dianyi.

1 Tesalonike 5:11

Nunku nusambangane, nudiundishangane muntu ne muntu, bu munudi nuenza kabidi.

Ebrewu 3:13

kadi nukoleshangane mitshima yenu ku dituku ku dituku hatshidibi bikidibua ne, Lelu, bua mukuabo wenu kakoleshibu ku kudinga kua bubi.

Ebrewu 10:24

Tudielelangane meshi muntu ne muntu bua kuenzeshangana ku dinanga ne ku dienza dia bienzedi bimpe,

1 Korente 5:4

Nakamalumbaluisha mu dinu dia Mukelenge Yesu, hanuakadisangishaku ne nyuma wanyi nʼenu, mu bukole bua Mukelenge wetu Yesu,

1 Tesalonike 4:18

Bua mianda ei nusambangane ne mei â.

Bienzedi 2:1

Hakalua dituta dia Pentekoste, buonso buabo bakadi hohamue mu muaba umue.

Bienzedi 20:7

Hakalua dituka dia kumudilu dia lumingu, hatuakadisangisha bua kutshibula bidia, Paulo wakadi wakulangana nʼabo; buala bua wakasua kumuka hatshiabu, wakadi ulehesha mei andi tô ne mundankulu.

1 Korente 14:3

Kadi muntu udi wambila bantu dî dia Nzambi udi wakula nʼabo bua kubadiundisha, bua kubasamba, ne bua kubakolesha mitshima.

Rome 12:8

Musengeledi alamate kudi disengelela diandi, muntu udi ufila bintu, abifile ne mutshima mulelela; udi ukokesha, akokeshe ne disuminyina; udi ulesha luse, aluleshe ne disanka.

Filipe 4:5

Buhole buenu bumanyishibue kudi bantu bonso. Mukelenge udi ha buihi.

2 Petro 3:9

Mukelenge kena ushanguluka bua kushikisheye milayi yandi, bu mudi bakuabo babala dishanguluka; kadi udi nʼenu lutulu, kena musue umue wenu ajimine, kadi udi musue bonso balue kukudimuna mitshima yabo.

Yakobe 5:8

Nuikale ne lutulu kabidi, nujadike mitshima yenu, bualu bua dimueneka dia Mukelenge diakulua ha buihi.

1 Korente 14:23

Nunku biadisangisha bena ekelesia bonso mu muaba umue, ne biakulabo buonso buabo mu miaku mikuabo, ne biabuela bantu badi kabai bamanye miaku anyi badi kabai bena ditabusha, bobo kabena bamba ne, Badi bahale, anyi?

Yuda 1:19

Aba badi bavuisha matahuluka, badi balonda malu a mitshima ya ha buloba, kabena ne Nyuma.

2 Petro 3:14

Nunku, bananga, bualu bua nudi nutekemena malu â, nanukilai bua banusangane mu ditalala kanui ne katobe, kanui ne kadiu kudiye.

1 Petro 4:7

Kadi kunshikidilu kua malu onso kudi ha buihi; nunku nuikale ne meshi majalama, ne nuikale bahole mu mitendelelu;

2 Petro 3:11

Bualu bua bintu ebi bionso bidi bijimina nunku, bunudi nʼabu mbua kuikala bantu ba mushindu kai mu bienzedi bia tshijila ne bia Nzambi,

1 Korente 11:20

Nunku hanuadisangisha, kanuena bamanye mua kudia bidia bia Mukelenge;

1 Korente 3:13

mudimu wa muntu ne muntu neumueneshibue; bua difuku dilualua nediumueneshe, bualu bua didi dibuluibua mu kahia; ne kahia nekatete mudimu wa muntu ne muntu ne udi wa mushindu kai.

Bienzedi 16:16

Hatuakadi tuya ku muaba wa kutendelela, nsongakashi muhika wakasangakana nʼetu, wakadi ne nyuma mubi wakadi umubukisha, wakamuenesha banfumuʼandi bintu bia bungi bualu bua lubuku luandi.

Matayi 10:15

Bulelela, ndi nuambila ne, Halua dituku dia kulumbulula, bujitu bua dikenga dia musoko au nebutambe bua buloba bua Sodoma ne Amola.

Yowanane 12:48

Wampidia meme ne wahidia mei anyi udi ne mumulumbuluishi; dî diakamba nedimulumbuluishe dituku dia kunshikidilu.

Ebrewu 10:37

Bualu bua haleba musangu muihi. Yeye udi ulua nealue, kena unenga.

Ebrewu 13:22

Bana betu, ndi nusengelela bua kunvua dî edi dia disengelela ne lutulu; bualu bua nakunufundila mei makese.