Dielulula 7:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Bualu bua nuenu nudi bantu ba tshijila kudi Yehowa, Nzambi wenu; Yehowa, Nzambi wenu, wakanusungula munkatshi mua bisamba bionso bidi hanshi ha buloba, bua nuenu nuikale bantu ba buhianyi buandi.

MUKANDA WA MYIDI MUKULU

⁶ Nuenu bena Izrayele nudi tshisamba tshijidila Maweja-Nangila Mvidi Mukulu wenu. Nuenu ke badi Maweja-Nangila musungule, bua nuikale tshisamba tshiende tshisunguluke munkatshi mua bisamba bikuabu bionsu bia pa buloba.

Dielulula 7:6 Referans Kwoze

Dielulula 14:2

Bualu bua nuenu nudi bantu ba tshijila kudi Yehowa, Nzambi wenu; Yehowa wakanusungula munkatshi mua bantu bonso ba ha buloba bua nuenu nuikale bantu ba buhianyi buandi.

1 Petro 2:9

Kadi nuenu nudi tshisamba tshisungudibua, ne bakuidi ba bukelenge, ne tshisamba tshia tshijila, bantu badi bikale ba Nzambi muine, bua nuenu nuambe bua buimpe bua Nzambi wakanubikila bua kunuhatula mu mîdima bua kunubuesha mu munya wandi wa dikema.

Malaki 3:17

Yehowa wa misumba udi wamba ne, Bobo nebikale banyi, mu dituku dindi ngenza malu â, nebikale bantu banyi nkayanyi mene; meme nembafuile luse bu mudi muntu ufuila muanʼandi mulume udi umukuatshila mudimu luse.

Tite 2:14

Yeye wakadifila bua bualu buetu, bua kutuhikula ku malu mabi onso, ne bua kudilengeshila bantu badi mua kuikala bandi bine, bikala ne lukunukunu lua kuenza midimu mimpe.

Dielulula 26:19

ne kunubandisha ku mutu kua bisamba bionso biakafukeye mu butumbi ne mu dina ne mu buneme; bua nuenu nuikale bantu ba tshijila kudi Yehowa, Nzambi wenu, bu muakuambeye.

Yirmeya 2:3

Yehowa wakamba ne, Isalele wakadi wa tshijila kudi Yehowa, bu mamuma akakuama diambedi mu bintu biandi bia kunowa. Bonso bakamudia bakahila; makenga akabakuata.

Amosa 3:2

Nuenu nkayenu mbanakumanya munkatshi mua bisamba bionso bia hanshi ha buloba; nunku nennukengeshe bua malu mabi enu onso.

Misambu 50:5

Sangishai bienu bantu banyi ba tshijila kundi, bantu aba mene bakuhunga neanyi tshihungidi ku difila dia mulambu.

2 Petro 2:5

ne bikalaye kai muengeleke ba ha buloba ba kale, kadi wakalama Noa, muambi wa malu mimpe ne bantu bakuabo muanda mutekete hakatumeye mai manene ha buloba bua bantu babi;

Dielulula 28:9

Yehowa neanujadike bu bantu bandi ba tshijila, bu muakanulayeye, binuatumikila mikenji ya Yehowa, Nzambi wenu, binuenda mu nshila yandi.

2 Petro 2:9

Mukelenge udi mumanye mua kuhandisha bantu bandi bimpe mu mateyi abo, ne mua kulama bantu babi mu dikenga tô ne halua dituku dia kulumbulula;

Bienzedi 13:17

Nzambi wa tshisamba etshi tshia Isalele wakasungula bankambua betu, wakabisha bantu hakadibo bashikame mu buloba bua Ejipitu, wakabumushamu ne diboko dikole.

Rome 9:4

Badi Bena Isalele mene, badi ne buhianyi bua bana, ne butumbi, ne mahungila, ne kuhebua kua mikenshi, ne mitendelelu, ne milayi.

Ekesode 6:7

Nennuangate bu bantu banyi ne meme nengikale Nzambi wenu, nuenu nenumanye ne, Meme udi Yehowa, Nzambi wenu, udi unuhatula muinshi mua majitu a Bena Ejipitu.

Dielulula 4:20

Kadi Yehowa wakanusungula bienu, wakanuhatula mu tshikutu tshia kahia, mu Ejipitu mene, bua nuenu nuikale bantu ba buhianyi buandi, bu mu dituku edi.

Dielulula 14:21

Kanudi tshintu tshidifuile: nudi mua kuha muenyi udi ku mbelu kuenu tshintu atshi, yeye atshidie; anyi nudi mua kutshihanyisha muntu wa bende; bualu bua nuenu nudi bantu ba tshijila kudi Yehowa, Nzambi wenu. Kanulambi muana wa mukoko mu mabele a mamu wandi.

Dielulula 26:18

ne Yehowa wakanuitabusha bu bantu ba buhianyi buandi bu muakanulayeye, bua nuenu nutumikile mikenji yandi yonso,

Dielulula 33:3

Bulelela, yeye udi unanga bantu bonso, bantu bandi bonso ba tshijila hadi mu tshianza tshiebe: bobo bakashikama hanshi ku makasa ebe, bua kunvua mei ebe.

1 Bakalenga 3:8

Muntu webe udi munkatshi mua bantu bebe bawakusungula: badi bantu banene, kabena mua kubadibua bualu bua bungi buabo.

Yeshaya 6:13

Biashalamu tshia dikumi, tshiotshi netshioshibue mu kahia tshiakabidi, bu mudi mutshi wa telebinta anyi mutshi wa chêne ishiya bikuka hayitahabo hanshi. Tunkanunuina tua tshijila netuikale tshikuka tshia bantu aba.

Yeshaya 41:9

Wewe unakukuata bua kulua nʼebe kunfudilu kua buloba, unakubikila ku matengu abu, unakuambila ne, Wewe udi mukuatshishi wanyi wa mudimu, nakukusungula ne tshiena mukuhidie.

Yeshaya 62:12

Nebababikile ne, Bantu ba tshijila, Bahikudibue kudi Yehowa; nebakubikile ne, Musoko mukebibue, musoko udi kauyi mushiya hatuhu.

Lewitiki 20:24

Kadi meme nakanuambila ne, Nenuhiane buloba buabo, nennuhebu, buloba budi bûle tente ne mabele ne buitshi meme ndi Yehowa, Nzambi wenu, nakanujidila munkatshi mua bantu bakuabo.

Lewitiki 20:26

Nuikale bantu ba tshijila kundi, bualu bua meme Yehowa ndi wa tshijila, nakanusungula munkatshi mua bantu bua nuenu nuikale bantu banyi.

Dielulula 4:37

Bualu bua yeye wakasua batatu benu, nunku yeye wakasungula bana babo bakabalonda ku nyima, yeye nkayandi wakanuhatula mu Ejipitu ne bukole buandi bunene;

1 Samuele 12:22

Yehowa kena ulekela bantu bandi bualu bua dina diandi dinene, bualu bua Yehowa wakasungula bua kunuvuisha bantu bandi mene.

Ezela 9:2

Bualu bua bobo ne bana babo balume bakadiangatshila bana bakashi ba bantu aba bu bakashi babo; nunku bantu ba tshijila bakabuelakana ne bena maloba â; bulelela, bantu banene ne bakokeshi bakadianjila kuenza bubi ebu.

Misambu 114:2

Yuda wakalua nsubu wandi wa tshijila, Bena Isalele bakalua bukokeshi buandi.

Misambu 135:4

Bua Yehowa wakudisunguila Yakoba bua kuikaleye nʼandi, wakadisunguila Isalele bu buhianyi buandi.

Yeshaya 41:8

Kadi wewe, Isalele muntu wanyi. Yakoba unakusungula, kankanunuina ka Abalahama mulunda wanyi,

Yezekiyele 20:5

Ubambile ne, Mukelenge Yehowa udi wamba ne, Mu dituku dinakasungula Isalele, ne dinakabisha tshianza tshianyi bua kuditshiha kudi tunkanunuma tua Yakoba, ne dinakadimuenesha kudibo mu buloba bua Ejipitu, hanakaditshiha kudibo mutshihu eu ne, Meme ndi Yehowa, Nzambi wenu;