Dielulula 5:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Kutedi dina dia Yehowa, Nzambi webe, tshitelatela, bua Yehowa kena ubingisha muntu udi utela dina diandi tshitelatela.

MUKANDA WA MYIDI MUKULU

¹¹ “Kanutedi dina dianyi meme Maweja-Nangila Mvidi Mukulu wenu tshitelatela, bualu meme nennyoke muntu yonsu udi kayi unemeka dina dianyi.

Dielulula 5:11 Referans Kwoze

Ekesode 20:7

Kutedi dina dia Yehowa, Nzambi webe, tshitelatela, bua Yehowa kena ubingisha muntu udi utela dina diandi tshitelatela.

Dielulula 6:13

Nutshine Yehowa, Nzambi wenu, numuenzele yeye nkayandi mudimu, nuditshihe kudi dina diandi.

Lewitiki 19:12

Kanuditshihi ne mashina ne dina dianyi, kanutedi dina dianyi tshitelatela, meme ndi Yehowa.

Yakobe 5:12

Ku mpala kua malu onso, bana betu, kanuditshihi nasha kudi diulu, nasha kudi buloba, nasha ne mutshihu mukuabo; kadi E wenu ikale E ne Nasha wenu ikale Nasha, bua nuenu kanudibueshi mu dihila.

Yirmeya 4:2

Biwaditshiha ne, Bu mudi Yehowa ne muoyo, uditshihe nunku mu bushuwa, mu kulumbulula kuakane ne mu buakane; mu diba adi bisamba bia bantu nebivuishibue disanka kudiye, nebitumbile mudiye.

Misambu 139:20

Badi bakutombokela ne mei abo mabi, badi nʼebe lukuna badi batela dina diebe tshitelatela.

Dielulula 10:20

Nutshine Yehowa, Nzambi wenu, numuenzele mudimu, nulamate kudiye, nuditshihe kudi dina diandi.

Osheya 4:2

Anu kuditshiha ne mitshihu ya mashimi, kudinga, kushihangana, kuiba ne kuenda kua masandi kudiku. Badi bashimbula bimanu bia nsubu, ne kumatshisha kua mashi kudi kulonda kumatshisha kua mashi.