Dielulula 4:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Tshisamba kai tshidi ne mikenji ne mei majalame bu mikenji ei yonso inakateka ku mpala kuenu lelu?

MUKANDA WA MYIDI MUKULU

⁸ Ku bisamba bionsu, nansha bidi ne bantu bapite bungi, kakuena tshisamba tshidi ne mikenji mimpe, bu idi mu mukanda wa mikenji undi nnuleja lelu ewu.

Dielulula 4:8 Referans Kwoze

Misambu 119:86

Mikenji yebe yonso idi mua kueyemenyibua. Badi bankengesha ne bimbandidi bia mashimi; unkuatshishe!

Misambu 119:96

Nakumona kunfudilu kua malu onso makane, kadi mukenji webe udi ne butshiama budi butamba bunene.

Rome 3:2

Adi a bungi mu malu onso. Bualu bua kumudilu, bakafila mei a Nzambi mu bianza biabo.

Dielulula 26:19

ne kunubandisha ku mutu kua bisamba bionso biakafukeye mu butumbi ne mu dina ne mu buneme; bua nuenu nuikale bantu ba tshijila kudi Yehowa, Nzambi wenu, bu muakuambeye.

Misambu 89:14

Buakane ne kulumbulula kuakane bidi bishimikidi bia nkuasa webe wa butumbi; luse lujalame ne lulamatu lua bushuwa bidi bienda ku mpala kuebe.

Misambu 97:2

Matutu ne mîdima bidi bimunyunguluka; buakane ne kulumbulula kuakane bidi bishimikidi bia nkuasa wandi wa butumbi.

Misambu 119:144

Mikenji yebe idi ilesha bu mûdi idi miakane tô ne kashidi, umpeshe lungenyi bua ngikale ne muoyo.

Misambu 119:160

Dishina dia dî diebe mbushuwa, ne kulumbulula kuebe kuonso kudiku tshiendelele.

Osheya 8:12

Nansha bina bakindila mayisha mangi a mu mikenji yanyi bobo nebâbale bu malu a bantu ba bende.

Nehemya 9:13

Wewe wakumuka ku mukuna wa Sinai, wakahueka mu tshibanda, wakuakula nʼabo mu diulu, wakabaha mei majalame ne mikenji milelela ne mayisha mimpe ne mikandu,

Misambu 119:138

Wewe wakujadika mikenji yebe mu buakane buebe ne mu lulamatu luebe lua bushuwa luhita bunene.

Yeshaya 42:21

Yehowa wakadi ne disanka bua buakane buandi bua kuvuisha diyisha diandi dinene ne ditumbishibue.