Dielulula 32:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Yeye udi Dibue; mudimu wandi wonso udi muakane, bualu bua nshila yandi yonso idi milulame: Nzambi wa kalolo udi kayi ne bubi, udi ne malu makane a bushuwa.

MUKANDA WA MYIDI MUKULU

⁴ Maweja-Nangila udi ne bukole bu lubuebue. Bionsu bidiye wenza, bidi bimpe. Bidiye wamba, bidi bilelela. Bidiye ulaya, udi ubikumbaja. Udi wenza amu malu mimpe.

Dielulula 32:4 Referans Kwoze

Misambu 92:15

bua kuleshabo bantu ne, Yehowa udi muakane. Yeye udi dibue dianyi dia mutunda, kakuena bualu bubi munda muandi.

Yeshaya 26:4

Eyemena! Yehowa tshiendelele, bualu bua Yehowa, Yehowa mene, udi dibue didiku tshiendelele!

Misambu 18:2

Yehowa udi dibue dianyi, musoko wanyi wa ngumbu ya nvita, ne musungidi wanyi. Udi Nzambi wanyi, dibue dianyi mundi nnyemenamu. Udi ngabu wanyi, ne lusengu lua luhandu luanyi, tshibumba tshianyi tshile.

Danyele 4:37

Katataka, meme Nebukadenesâ, ndi ntumbisha, ndi nganyisha, ndi nnemeka Mukelenge wa mu diulu; bualu bua bienzedi biandi bionso bidi bia bushuwa, ne malu andi adi makane; yeye udi ne bukole hua kuhuekesha badi benda ne dihetu diabo.

Misambu 100:5

Bualu bua Yehowa udi muimpe; luse luandi lujalame ludiku tshiendelele, lulamatu luandi lua bushuwa ludiku tô ne ku bikondo bionso.

Yakobe 1:17

Kuha kuonso kuimpe ne diha dionso diakane tshishiki bidi bifuma mu diulu, bahueka hanshi bilua kudi Tatu wa munya, kudi kakui ne dikudimuka anyi mundidimbi wa tshintu tshidi tshinyunguluka.

Matayi 5:48

Nunku nuenu nenuikale bakane bu mudi Tatu wenu wa mu diulu muakane.

1 Korente 10:4

buonso buabo bakanua bia kunua biobiumue bia Nyuma; bua bakanua ku dibue dia Nyuma diakabalonda, ne dibue edi diakadi Kilisto.

Genese 18:25

Bualu ebu kabuikadi kudi bua wewe kuenza nunku bua kushiha bantu bakane ne bantu babi hohamue, biwenza nunku bantu bakane nebikale muomumue ne bantu babi, bualu ebu kabuikadi kûdi, Mulumbuluishi wa buloba buonso katu wenza bimpe, anyi?

Yirmeya 9:24

kadi muntu udi utumba atumbile mu bualu ebu ne, Ndi mmujingulula, ndi mumumanye ne, Yeye, Yehowa mene, ngudi wenzesha luse ne kulumbulula kuimpe ne buakane ha buloba. Bua Yehowa udi wamba ne, Ndi nsanka mu malu â.

Rome 3:5

Bikala bubi buetu buladika buakane bua Nzambi, netuambe tshinyi? Nzambi udi uvuisha tshishi udi mubi, anyi? (Ndi ngakula bu mudi bantu bakula.)

Rome 2:2

Tudi bamanye ne, Dilumbulula dia Nzambi didiye ulumbuluisha nʼadi batu benza malu a nunku didi dia bushua.

Yowanane 14:6

Yesu wakamuambila ne, Meme udi bianyi nshila ne bulelela ne muoyo; kakuena muntu udi ulua kudi Tatu, kai muanze kulua kundi diambedi.

Yowanane 1:14

Dî diakakudimuka muntu, diakuikala munkatshi muetu tshituha, diakadi diule tente ne ngasa ne bulelela; tuakumona butumbi buandi, buakadi bu bua muana umuehele udi mulela kudi Tatu wandi.

Yeshaya 25:1

Yehowa, wewe udi Nzambi wanyi; nenkutumbishe, nentumbishe dina diebe; bualu bua wewe wakuenza malu a kukema, malu awakadihangidishila kale kale bua kuenza mu kujalama kuebe tshishiki.

1 Petro 2:6

Bualu bua dî didi mu Mukanda wa Nzambi ne, Tangilai, udi nteka mu Siona dibue dinene dia mu ditumba dia nsubu, disungula ne dia mushinga mukole; Weyemena kudidi kena ufuishibua bundu.

Yowanane 5:22

Tatu kena ulumbuluisha muntu, kadi yeye wakuha Muana bulumbuluishi buonso,

Abakuke 1:13

Wewe udi ne mesu mahite buakane adi kâyi mua kutangila malu mabi, ne kuena mua kutangila bienzedi biabo bibi tshianana. Nunku bualu kai udi utangila bantu aba hadi benza malu mabi abo a bunsonge, ne udi uhuwa talalâ halua muntu mubi kumina mukuabo udi umuhita buakane?

Yeshaya 28:16

Bua mei â Mukelenge Yehowa udi wamba ne, Tangilai, ndi nteka dibue mu Siona bua kuasahu bishimikidi bia nsubu, ndibue diakutetshibua bimpe, dibue dia mushinga mukole didi ditumba dia mu bishimikidi bijadikibue bikole; waditabusha kena udiendesha lukasa.

Misambu 97:2

Matutu ne mîdima bidi bimunyunguluka; buakane ne kulumbulula kuakane bidi bishimikidi bia nkuasa wandi wa butumbi.

Yobe 34:10

Nunku nungunvuile, nuenu badi bajingulula malu; bualu ebu kabuikadi kudi Nzambi bua yeye kuenza malu mabi, anyi bua Wa Bukole Buonso kuenzeye bibi!

Dielulula 32:18

Nuakulekela Dibue diakanufuka, nuakuhua Nzambi wakanulelesha muoyo.

Dielulula 32:15

Kadi Yeshuluna wakavunda, wakatua mikumu: nuenu nuakuvunda, nudi ne mafuta a bungi, nuakusenena; hashishe yeye wakalekela Nzambi wakamufuka, wakahetula Dibue dia luhandu luandi.

Yakobe 4:12

Anu umue udi muedi wa mikenshi ne mulumbuluisha nyeye udi ne bukole bua kue sungila ne bua kushiha. Kadi wewudi nganyi bua wewe udi ulumbuluisha mukuenu?

Rome 2:5

Bualu bua tshitshu tshiebe ne mutshima webe wa buhidia, wewe udi udibutshila tshishi tô ne ku dituku dia tshishi ne dia dibuluibua dia kulumbulula kuakane kua Nzambi.

Rome 1:32

Bantu aba, hakamanyabo mukenshi wa Nzambi ne, Bantu badi benza malu â badi bakanangane ne lufu, bobo bine batshidi bênza, ne badi bikalangana kabidi ne dî dimue ne bantu badi bênza.

Yowanane 1:17

Mose wakatuha mikenshi, kadi ngasa ne bulelela biakafuma kudi Yesu Kilisto.

Yirmeya 10:10

Kadi Yehowa udi Nzambi wa bushuwa; yeye udi Nzambi wa muoyo ne Mukelenge wa tshiendelele. Buloba budi buzakala hikaleye ne tshiji, ne ba mu bisamba bia bantu kabena mua kuimana ku mpala kua tshiji tshiandi.

Yeshaya 32:2

Muntu neikale bu tshisokomenu ku tshihehele, ne tshinyemenu tshia ku tshihuhu, neikale bu misulu ya mai mu muaba mûme, bu dileshi dia dibue dinene mu buloba budi butondesha bantu.

Yeshaya 30:18

Nunku Yehowa udi windila bua kunulesha dinanga diandi; ne bua muanda eu neadioshe bua kunulesha luse; bualu bua Yehowa udi Nzambi udi ulumbulula biakane; bonso badi bamuindila badi bavudishibue disanka.

Muambi 3:14

Ndi mumanye ne, Malu onso adi Nzambi wenza neajalame tshiendelele; kabena bamanye mua kusangisha tshintu ha mutu, kabena bamanye mua kumushaku tshintu; Nzambi wakenza nunku bua bantu bamutshine.

Misambu 146:6

wakafuka diulu ne buloba, mai manene ne bintu bionso bidimu, udi ulama bushuwa buandi tô ne tshiendelele.

Misambu 138:8

Yehowa neamane malu adiye uhangidisha bua bualu buanyi. Yehowa, luse luebe ludi lujalame tô ne tshiendelele. Kulekedi mudimu uwakenza ne bianza biebe.

Misambu 99:4

Bukole bua Mukelenge budi bunanga kulumbulula kuakane. Wewe wakajadika buakane mu kulumbulula; wakulumbulula ne kulumbulula kuakane, wakuenza bienzedi biakane munkatshi mua bana ba Yakoba.

Misambu 98:3

Wakuyuluka luse luandi lujalame ne lulamatu luandi lua bushuwa kudi ba mu tshisamba tshia Bena Isalele. Badi kunfudilu kua buloba bakumona luhandu lua Nzambi wetu.

Misambu 31:5

Ndi nteka muoyo wanyi mu bianza biebe; wewe wakumpikula, Yehowa, wewe Nzambi udi ulamata ku bushuwa.

Misambu 19:7

Mikenji ya Yehowa idi miakane tshishiki isangasha muoyo wa muntu; Tshimanyishilu tshia Yehowa tshidi mua kueyemenyibua, tshidi tshivuisha muntu udi mudibakane muena meji.

Misambu 18:46

Yehowa udi ne muoyo; dibue dianyi divudishibue disanka, ne Nzambi wa luhandu luanyi atumbishibue,

Misambu 9:16

Yehowa wakudimanyisha kudi bantu, wakukosa bilumbu biabo; bantu babi badi bakuatshibua mu mateyi akenzabo ne bianza biabo.

Yobe 35:14

Nunku neatambe kuhidia kunyua hawamba ne, Tshiena mmumona; bualu buebe budi ku mpala kuandi, umuindile!

2 Samuele 23:3

Nzambi wa Isalele wakamba, dibue dia Isalele diakangambila ne, Udi ukokesha bantu ne buimpe, udi ukokesha mu ditshina dia Nzambi,

2 Samuele 22:47

Yehowa udi ne muoyo; dibue dianyi disankishibue, Nzambi atumbishibue, dibue dia luhandu luanyi.

1 Samuele 2:2

Kakuena muntu udi muakane bu Yehowa, bualu bua kakuena mukuabo udi ku mpala kuebe: kakuena dibue dikuabo didi bu Nzambi wetu.

Dielulula 10:18

Udi ulesha buakane kudi bana ba nshiya ne bakashi ba mu lufuila, udi musue kuha benyi bintu bia kudia ne bintu bia kuluata.

Dielulula 7:9

Numanye bienu ne Yehowa, Nzambi wenu, udi Nzambi mene; Nzambi utu walamata dî diandi, utu watumikila tshihungidi tshiandi ne luse luandi kudi bantu badi bamusue ne batu batumikila mikenji yandi tô ne ku bihungu tshinunu;

Ekesode 34:6

Yehowa wakahita ku mpala kuandi, wakela dî ne, Yehowa, Yehowa, Nzambi wa luse ne dinanga, kena ukuata tshiji lubilu, udi mûle tente ne luse lujalame ne bushuwa,

Genese 1:31

Nzambi wakamona bintu bionso biakenzeye ne biakadi bimpe be! Dilolo ne dinda biakadi dituku disambombo.

2 Kulondolola 19:7

Nunku ditshina dia Yehowa dikale kunudi; nudimuke bimpe bu munudi nuenza bualu bua kakuena malu mabi kudi Yehowa Nzambi wetu, yeye kena ne kansungusungu, kena witabusha bintu bia mbueshilu kudi muntu.

Yobe 8:3

Nzambi udi ukonyangasha kulumbulula kuakane, anyi? Wa Bukole Buonso udi ukonyangasha buakane, anyi?

Yobe 36:23

Wakamusunguila nshila idiye ne bua kuendela nganyi? Udi mumanye mua kumuambila ne, Wewe wakuenza bienzedi bidi kabiyi biakane nganyi?

Misambu 78:35

Bakavuluka ne, Nzambi udi dibue dietu, ne Nzambi Mutambe Bunene wa mu diulu udi muhikudi wetu.

Misambu 90:16

Mudimu webe umueneke kudi bantu bebe, butumbi buebe kudi bana babo baledibue.

Yeshaya 17:10

Bualu bua wewe wakuhua Nzambi wa luhandu luebe muoyo ne kuakuvuluka Dibue dia tshinyemenu tshiebe, nunku ukadi ukuna mitshi mimpe, ukadi utentula ntonga ya mioshi ya nzambi wa bende.

Abakuke 1:12

Yehowa Nzambi wanyi, wewe kuena wanyi Wa Tshijila kale tô ne mpindiu, anyi? Katuena tufua! Wewe Yehowa, wakumusungula bua kulumbuluisheye bantu; wewe Dibue, wakumujadika bua kukengesheye bantu.

Sefanya 3:5

Yehowa udi muakane munkatshi muau; yeye kena wenza bualu bubi. Ku dinda ku dinda udi umuenesha kulumbulula kuakane hatoke, katu wahanga; kadi badi kabayi ne buakane kabena bamanye bundu.

Nehemya 9:8

wewe wakamusangana ne mutshima wa kukueyemena, wakahunga nʼandi tshihungidi bua kumuha buloba bua Bena Kanâna, bua Bena Hiti, bua Bena Amole, bua Bena Pelese, bua Bena Yebuse ne bua Bena Gîgashi, bua kubuha tunkanunuma tuandi; wewe wakenza mei ebe onso, bualu bua wewe udi muakane.

Misambu 33:4

Bualu bua dî dia Yehowa didi diakane, udi wenza mudimu wandi wonso ne lulamatu lua bushuwa.

Misambu 145:17

Yehowa udi muakane mu nshila yonso idiye uyilamu, udi ulesha dinanga mu bienzedi biandi bionso.

Danyele 4:34

Hakahita matuku â, meme, Nebukadenesâ, nakabanduluka ne nakatangisha mesu anyi mu diulu; meji anyi akahingana kundi. Nakavudishila Mutambe Bunene wa mu diulu disanka, nakamutumbisha ne nakamunemeka, Yeye udi ne muoyo tshiendelele. Bualu bua bukokeshi buandi budi bukokeshi bua tshiendelele, ne bukelenge buandi budi bujalame ku tshikondo ku tshikondo.