Dielulula 30:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Yehowa, Nzambi wenu, neateke milau ei yonso hamʼbidi ha bena lukuna ne badi nʼenu tshiji, bakadi banukengesha.

MUKANDA WA MYIDI MUKULU

⁷ Nanku makenga onsu amvua munumanyishe, Maweja-Nangila neaatumine anu baluishi benu ne bantu badi banukina.

Dielulula 30:7 Referans Kwoze

Dielulula 7:15

Yehowa neanumushile masama onso: kena unusamisha masama mabi a mu Ejipitu, anudi bamanye, kadi yeye neasamishe badi nʼenu lukuna masama au.

Yeshaya 10:12

Kadi halua Mukelenge kushikisha mudimu wandi wonso udiye wenzela mukuna wa Siona ne musoko wa Yelushalema, yeye neakengeshe bienzedi bia mu mutshima wa diambu wa mukelenge wa Ashû, neuhuekeshe butumbi bua kudilesha kuandi.

Dibadika 24:14

Katataka nyaya kudi bantu banyi, lua biebe, nenkuleshe malu adi bantu aba benzela bantu bebe mu matuku adi ku mpala.

Zekâya 12:3

Mu dituku adi nenvuishe Yelushalema bu dibue dihite bujitu kudi bantu bonso; bonso badi badiambula nebatahike mputa mibi, ne ba mu bisamba bionso bia ha buloba nebadisangishe hamue bua kumuluisha.

Obadya 1:10

Bua tshimbambila tshiwakenzela muanʼenu Yakoba, bundu nebukukuate, ne neubutudibue tshiendelele.

Amosa 1:13

Yehowa udi wamba dî edi ne, Bua malu mabi asatu a Bena Amona, nansha bua anai, tshiena nkudimuna dikenga dindualua kubakengesha nʼadi; bualu hua bakahanda bakashi ba mu Gilada bakadi ne mafu, bua bamanye mua kulehesha mikalu yabo.

Amosa 1:11

Yehowa udi wamba dî edi ne, Bua malu mabi asatu a Bena Edome, nansha bua anai, tshiena nkudimuna dikenga dindualua kubakengesha nʼadi; bualu bua bakihata bana babo ne muele wa nvita, bakabenga kubalesha luse nansha lukese; tshiji tshiabo tshiakadiku bikondo bionso, ne bobo bakashala nʼabo lukuna kashidi.

Amosa 1:9

Yehowa udi wamba dî edi ne, Bua malu mabi asatu a ba mu Tulo, nansha bua anai, tshiena nkudimuna dikenga dindualua kubakengesha nʼadi; bualu bua bakafila bantu ba mu tshisamba tshijima kudi Bena Edome, ne kabakavuluka tshihungidi tshiakahungabo nʼabo bu bana babo.

Amosa 1:6

Yehowa udi wamba dî edi ne, Bua malu mabi asatu a ba mu Gaza, nansha bua anai, tshiena nkudimuna dikenga dindualua kubakengesha nʼadi; bualu bua bakaya ne tshisamba tshijima tshia bantu mu buhika, bua kubafila kudi Bena Edome.

Amosa 1:3

Yehowa udi wamba ne, Bua malu mabi asatu a Bena Damaseke, nansha bua anai, tshiena nkudimuna dikenga dindualua kubakengesha nʼadi, bualu bua bakushihula Gilada ne bishihuidi bia biamu.

Yezekiyele 25:15

Mukelenge Yehowa udi wamba ne, Bualu bua Bena Peleshete bakenzela Bena Isalele bibi hakadisombuelabo kudibo, hakadisombuela ne lukuna mu mitshima yabo bua kubabutula ne lukuna ludi kaluyi lushika;

Yezekiyele 25:12

Mukelenge Yehowa udi wamba ne, Bualu bua ba mu Edome bakenzela ba mu tshisamba tshia Bena Yuda bibi hakadisombuelabo kudibo, ne bakadivuishila dihila ditambe bukole hakadisombuelabo,

Yezekiyele 25:8

Mukelenge Yehowa udi wamba ne, Bualu bua ba mu Moaba ne ba mu Seî badi bamba ne, Monai, ba mu tshisamba tshia Bena Yuda bakulua bu bisamba bikuabo bionso,

Yezekiyele 25:6

Bualu bua Mukelenge Yehowa udi wamba ne, Bualu bua nuakututa bikashi, nuakutua mikumu hanshi ne nuakusanka ne lukuna luonso lua mu mitshima yenu bua malu akukuata buloba bua Isalele,

Yezekiyele 25:3

Ambila Bena Amona ne, Unvuai dî dia Mukelenge Yehowa. Mukelenge Yehowa utu wamba ne, Bualu bua nuakela tshibingu ne, O! kudi nsubu wanyi wa tshijila hakamunyangabo, ne ku buloba bua Isalele hakabubutulabo, ne kudi Bena Yuda hakayabo mu buhika;

Yirmeya 25:29

Bualu bua, monai, ndi mbanga kukengesha musoko eu udibo binyika dina dianyi, ne nuenu nenuhange kukengeshibua, anyi? Yehowa wa misumba udi wamba ne, Kanuena nuhanga kukengeshibua; bualu bua nembikile muele wa nvita bua kutaha nʼau bonso ba ha buloba.

Ekesode 23:22

Kadi biwunvua di diandi ne biwenza mei onso andi nkuambila, nunku meme nengikale bu muena lukuna kudi bantu badi nʼebe lukuna, ne bu muena nvita kudi bantu badi basue kusangana nʼebe.

Dielulula 30:8

Nuenu nenuhingane, nenutumikile dî dia Yehowa, nenuenze mikenji yonso inakunuambila lelu.

Dibadika 24:9

Udi walamina bu nyama wa ntambue, udi ulala hanshi bu mukashi wa nyama wa ntambue, nganyi neamubishe? Wakasankisha ikale biandi ne disanka, ne wakuela mulau ikale biandi ne mulau.

Yirmeya 30:16

Nunku bantu bonso badi bakukengesha nebakengeshibue kabidi; bena lukuna bebe bonso, buonso buabo mene, nebaye mu buhika; badi banuhaula nebikale bintu bia bakuabo kuhaula; nenfile bonso badi banyenga bintu bienu bu tshintu tshidi bakuabo banyenga.