Dielulula 27:26 - Mukanda wa Nzambi Dihungila Dikulukulu ne Dihungila Dihia-dihia 2003

²⁶ Muntu yonso udi kayi ujadika mei a mikenji ei bua kuyenza udi ne mulau. Bantu bonso nebakudimune dî ne, Amen.

MUKANDA WA MYIDI MUKULU

²⁶ “Muntu yonsu udi kayi witaba meyi ne mikenji bia Mvidi Mukulu, kayi ubikumbaja, asangane muena tshibawu kuenza anyi?” Bonsu ne: “Enze!”

Dielulula 27:26 Referans Kwoze

Ngalate 3:10

Bonso badi beyemena kuenza kua mikenshi badi munshi mua mulau; bu muakafundabo ne, Muntu yonso udi kai ulonda malu onso adi mafunda mu mukanda wa mikenshi bua kuênza udi ne mulau.

Rome 10:5

Mose wakafunda ne, Muntu udi wenza buakane bua ku mikenshi neikale ne muoyo bualu buabu.

Yezekiyele 18:24

Kadi bialekela muntu buakane buandi ne bienzeye malu mabi ne bialondeye bienzedi bionso bia tshinyangu bidi muntu mubi wenza, yeye neikale ne muoyo, anyi? Kabena bavuluka bualu bumue bua mu malu makane akenzeye. Bua ditomboka diandi ne bua bubi budiye wenza, yeye neafue.

Misambu 119:21

Wewe udi ubela badi badisue, badi bedibue mulau, badi bahambuka ku mikenji yebe.

1 Korente 16:22

Bikala muntu kai musue Mukelenge, edibue biandi mulau. Mukelenge alue biandi.

Matayi 25:41

Yeye neambile kabidi badi ku tshianza tshia bakashi ne, Umukai kundi, nudi ne mulau, nuye mu kahia ka tshiendelele kadi katemeshela diabolo ne banjelo bandi;

Dielulula 27:15

Muntu yonso udi usonga luhingu anyi udi wenza luhingu ne tshiamu tshiakatulabo kudi muntu udi ne lungenyi lule, udi kujadika mu musokoko, ntshintu tshibi ku mesu kua Yehowa, udi ne mulau. Bantu bonso nebakudimune dî ne, Amen.

2 Korente 3:9

Bualu bua bikala mudimu wa kuhisha bantu ne butumbi, mudimu wa kuvuisha buakane udi utamba butumbi.

2 Bakalenga 22:13

Yai bienu, nutuebeshile ne Bena Yuda bonso Yehowa bua malu onso adi mafunda mu mukanda wakasanganabo; bualu bua Yehowa wakakuatshila tshiji tshikole bualu bua bankambua betu kabakatumikila mei adi mu mukanda eu bua kuenzabo malu onso adi mafunda bua bualu buetu.

Ezela 7:26

Muntu yonso udi ubenga mua kutumikila mikenji ya Nzambi webe ne mikenji ya mukelenge, bamulumbuluishe lubilu, bamuhishe bua lufu anyi bua kumuihatabo mu buloba buandi, anyi bua kumunyengabo bintu biandi anyi bua kumuelabo mu lukanu.