Dielulula 23:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ bualu bua bobo kabakanuha bia kudia ne mai a kunua mu nshila hanuakaluhuka mu Ejipitu; ne bualu bua bobo bakahita Belâma, muana mulume wa Beô ku Petô wa mu Mesopotamia, bua kunueleye mulau.

MUKANDA WA MYIDI MUKULU

⁴ Bena Amone ne bena Mowabe kabena mua kubuela muaba udi bantu ba Maweja-Nangila basangile, nansha ndelanganyi yabu ya musangu wa dikumi.

Dielulula 23:4 Referans Kwoze

Nehemya 13:2

bualu bua bobo kabakaya kusangakena ne Bena Isalele ne bidia ne mai; kadi bakaha Belâma mbueshilu bua kubeleye mulau; kadi Nzambi wetu wakakudimuna mulau bua kuluau disanka.

2 Petro 2:15

Hakalekelabo nshila mululame, bakahambuka, bamane kulonda nshila wa Belama, muana wa Beo, wakasua difutu dia bienzedi bibi;

Matayi 25:40

Mukelenge neabambile ne, Bulelela, ndi nuambila ne, Bualu bua nuenu nuakenzela umue wa mu bana betu badi batambe kuhuekela nunku, nuakangenzela meme.

Zekâya 2:8

Udi ubisha tshianza tshiandi kudi Bena Isalele udi utu mu kamonyi ka disu dia Yehowa. Bua bualu ebu, Yehowa wa misumba, mumane kuntuma bua kumuhetela butumbi kudi ba mu bisamba bia bantu bakanuhaula, udi wamba ne,

1 Bakalenga 18:4

bualu bua hakakeba Izebele kushiha baprofete ba Yehowa, Obadaya wakangata lukama lua baprofete, wakasokoka makumi atanu mu nyongolo makumi atanu mu nyongolo, wakabadisha bidia, wakabanuisha mai.

1 Samuele 25:11

Nengangate bidia bianyi ne mai anyi ne munyinyi wanyi unakashihela bakoshi banyi ba miosa ya mikoko bua kubifila kudi bantu bandi tshiyi mumanye kuakafumabo, anyi?

Dibadika 23:7

Yeye wakabela lusumuinu luandi ne, Balaka, mukelenge wa Moaba, wakumbikila ku Alama ne ku mikuna ya ku Esete ne, Lua biebe, ungelele bana ba Yakoba mulau, lua biebe kukanda Bena Isalele.

Dibadika 22:17

bualu bua meme nenkuhe butumbi bunene, nengenze mei onso audi wamba, lua biebe, ndi nkusengelela, ungelele bantu aba mulau.

Bienzedi 9:4

wakahona hanshi, wakunvua dî dimuambila ne, Shaula, Shaula, udi unkengeshila meme tshinyi?

Yeshaya 63:9

Mu makenga abo onso yeye wakunvua dikenga, ne muanjelo utu wimana hehi nʼandi wakabasungila; mu dinanga diandi ne mu dibafuila diandi dia luse yeye wakabahikula; wakabambula ne wakabatuala mu matuku onso a kale.

Yuda 1:11

Mulau wikale kudibo; bualu bua bakaya mu nshila wa Kana, bakadiela lukasa mu dihambuka dia Belama bua difutu, bakajimina mu ditomboka dia Kola.

Yoshua 24:9

Balaka, muana mulume wa Sipô, mukelenge wa Moaba, wakabika, wakaluangana ne Bena Isalele; wakatuma bantu, bakabikila Belâma, muana mulume wa Beô, bua kunueleye mulau;

Yirmeya 49:1

Bualu bua Bena Amona. Yehowa udi wamba ne, Isalele kena ne bana balume, anyi? Kena ne muhianyi wa bintu biandi, anyi? Kadi Milekoma wakumana buloba bua Gada munyi? Bantu bandi badi bashikame mu misoko yau bishi?

Ezela 9:1

Hakashikishabo malu â, bantu banene bakalua kundi, bamba ne, Bena Isalele ne bakuidi ne Bena Lewi kabena baditahulula kudi bena buloba ebu, badi benza malu a bundu a Bena Kanâna ne a Bena Hiti ne a Bena Pelese ne a Bena Yebuse ne a Bena Amona ne a Bena Moaba ne a Bena Ejipitu ne a Bena Amole.

Muadi 1:10

Muena lukuna wandi wakuhaula bintu biandi bionso bia mushinga mukole; bulelela, yeye wakumona ba mu bisamba bia bantu babuela mu nsubu wandi wa tshijila, bobo mene bawakulela mukenji ne, Kababuedi mu nsubu wanyi wa kusambakena.

Yezekiyele 44:9

Bua muanda eu Yehowa udi wamba ne, Muntu wa mu tshisamba tshia bende, udi kayi mutengula mu mutshima anyi mubidi, wa mu bantu aba bonso ba mu bisamba bia bende badi munkatshi mua Bena Isalele, kabuedi mu tshitendelelu tshianyi.