Dielulula 20:14 - Mukanda wa Nzambi Dihungila Dikulukulu ne Dihungila Dihia-dihia 2003

¹⁴ kadi bakashi ne bana bakese ne bimuna ne bintu bionso bia mu musoko, nenudiangatshile ebi; nuenu nenudie bintu bionso bia badi nʼenu lukuna, bidi Yehowa, Nzambi wenu, munuhe.

MUKANDA WA MYIDI MUKULU

¹⁴ Kadi, bakaji, bana, bimuna, ne bintu bionsu bidi mu tshimenga atshi, nubiangate, nuenza nabi munudi basue. Bualu bintu bia baluishi benu mbintu bidi Maweja-Nangila Mvidi Mukulu wenu munupeshe.

Dielulula 20:14 Referans Kwoze

Yoshua 8:2

ne wewe newenzele Ai ne mukelenge wa musoko bu muwakenzela Yeleko ne mukelenge wau; kadi bintu bia mu musoko ne bimuna, nubiangate bu bintu bienu; utume balaminyi ku nyima kua musoko.

Yoshua 22:8

wakabambila ne, Yai bienu ne biuma bia bungi ku ntenta yenu, ne bimuna bia bungi, ne tshiamu tshia argent ne or ne tshiamu tshia mitaku ne tshiamu tshifike, ne bilulu bia bungi; nuabanyangane ne bana benu bintu binuakanyenga kudi bena lukuna benu.

Dibadika 31:9

Bena Isalele bakaya ne bakashi ba Bena Midiyana ne bana babo bakese, bakangata kabidi bimuna biabo ne bisumbu bia mikoko ne bintu biabo bionso.

Rome 8:37

Nasha; mu malu â onso tudi tutamba kuhita bualu bua bukole bua Yesu wakatunanga.

Misambu 68:12

Bakelenge ba misumba ya masalayi badi banyema, badi banyema! Bakashi badi bashala mu nsubu yabo badi babanyangana bintu binyengibue mu nvita.

2 Kulondolola 20:25

Hakalua Yehoshafata ne bantu bandi bua kuhaulabo bintu, bakasangana bubanji ne bilulu bia bungi, ne bintu bia mushinga mukole biakanyengabo; kabakamanya mua kubituala; bakashalaku matuku asatu bua kuhaulabo bintu, bualu bua biakadi bia bungi.

Yoshua 11:14

Bena Isalele bakadiangatshila bintu bionso bia mu misoko ei ne bimuna; kadi bakashiha muntu yonso ne muele wa nvita tô ne hakababutulabo bonso; kabakashiya umue uhuyakana.

Dibadika 31:18

Kadi bana ba bakashi badi kabayi banze kumanyibua kudi balume nubashiye ne muoyo bualu buenu.

Dibadika 31:12

Bakalua ne bantu bakakuatabo ne bintu biabo bionso kudi Mose ne kudi Eleazâ muakuidi ne kudi tshisumbu tshionso tshia Bena Isalele, ku tshitudilu tshiakadi mu mpata ya Moaba, hehi ne Yadene ku Yeleko.

Dibadika 31:11

Bakangata bintu bionso bia bantu ne bia bimuna kabidi.

Dibadika 31:15

Mose wakabambila ne, Nuakushiya bakashi bonso ne muoyo, anyi?

Dielulula 20:15

Nenuenzele misoko yonso idi kule, idi kayiyi misoko ya bisamba ebi.

Dielulula 2:35

kadi tuakadiangatshila bimuna, ne bintu biakadi mu misoko ituakanyenga.