Dielulula 15:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Bualu bua Yehowa, Nzambi wenu, neanusankishe bu muakanulayeye; nuenu nenusombeshe bisamba bia bungi bintu, kadi kanuena nusomba bintu kudibi; nuenu nenukokeshe bisamba bia bungi, kadi bisamba ebi kabiena binukokesha.

MUKANDA WA MYIDI MUKULU

⁶ Pikala Maweja-Nangila Mvidi Mukulu wenu numusankishe ne bintu, bu nuwuaye mulaye, kanuakusomba makuta kudi muntu to. Kadi nuenu nenusombeshe bantu benyi ba bungi makuta. Kabidi nenuikale bamfumu ba bisamba bia bungi, kanuyi penu ku bumfumu bua tshisamba nansha tshimue.

Dielulula 15:6 Referans Kwoze

Luke 6:35

Kadi nuenu suai badi nʼenu lukuna, nubenzele bimpe, nubasombeshe bintu, kanui nubitekemena kabidi; nunku difutu dienu nedikale dinene, nenuikale bana ba Udi Mutambe Bunene wa mu diulu, bualu bua yeye udi wenzela badi kabai bamusakidila ne badi babi malu mimpe.

Nsumuinu 22:7

Mubanji udi ukokesha bahele; musombi wa bintu udi muhika wa mumusomheshi.

1 Bakalenga 4:21

Solomo wakakokesha makelenge onso ku musulu wa Pelata to ne ku buloba bua Bena Peleshete ne ku matshika a buloba bua Ejipitu; bakamulambula milambu, bakakuatshila Solomo mudimu tô matuku andi onso.

Misambu 37:21

Muntu mubi udi usomba bintu, kena ubifuta kabidi; kadi muntu muakane udi ulesha bantu luse, udi ubaha bintu.

Ezela 4:20

Bakelenge banene bakadi ku mutu kua Yelushalema, bakadi bakokesha buloba buonso bua dishiya dia musulu wa Pelata; bakadi bafila milambu ne bungendʼa mushinga ne mpunga kudibo.

Nehemya 9:27

Nunku wewe wakabafila mu bianza bia bena lukuna babo, bakabakengesha; mu tshikondo tshia dikenga diabo hakadilabo kûdi, wewe wakabunvuila mu diulu; bu mudi bunene bua luse luebe wewe wakabaha basungidi bakabasungila mu bianza bia bena lukuna babo.

Misambu 112:5

Muntu udi ulesha bantu luse ne udi ubasombesha bintu udi ne disanka, udi ulonda malu andi anu ha muanda.

Misambu 37:26

Dinda tô ne ku dilolo yeye udi ulesha bantu luse, udi ubasombesha bintu; tunkanuniuna tuandi tudi tuvudishibua disanka.

1 Bakalenga 4:24

Bualu bua yeye wakakokesha bantu bonso dishiya dia munemu dia musulu wa Pelata ku Tifesa tô ne ku Gaza; wakadi ku mutu kua bakelenge bonso ba dishiya dia munemu dia musulu wa Pelata; yeye wakadi ne ditalala ku nseke yonso yakadi nunyunguluke.

2 Kulondolola 9:26

Yeye wakakokesha bakelenge bonso ku musulu wa Pelata tô ne ku buloba bua Bena Peleshete ne ku mukalu wa buloba bua Ejipitu.

Dielulula 28:44

Bobo nebanusombeshe bintu, kadi nuenu kanuena nubasombesha bintu; bobo nebikale bu mitu, nuenu nenuikale bu mikila.

Dielulula 15:5

binunvua dî dia Yehowa, Nzambi wenu, bua kutumikila mikenji yonso inakunuambila lelu.

1 Kulondolola 17:27

katataka uvudishile nsubu wa muntu webe disanka, bua kushaleye ku mpala kuebe tshiendelele; bualu bua tshiudi uvudishile disanka, Yehowa, netshikale ne disanka tshiendelele.