Dielulula 12:23 - Mukanda wa Nzambi Dihungila Dikulukulu ne Dihungila Dihia-dihia 2003

²³ Kadi kanudi mashi, bualu bua mashi adi muoyo; kanudi muoyo ne munyinyi hohamue.

MUKANDA WA MYIDI MUKULU

²³ Kadi numanye ne: Kanuena mua kudia mashi a nyama to. Bualu mu mashi ke mudi muoyi. Nanku kanuena mua kudia munyinyi, kudia kabidi ne muoyi to.

Dielulula 12:23 Referans Kwoze

Lewitiki 17:11

Bualu bua mashi adi bu muoyo wa tshintu nakanuha mashi ha tshioshelu bualu bua kunubuikidila nʼau bubi buenu mashi adi anubuikidila bubi bualu bua muoyo wau.

Genese 9:4

Kadi kanudi muoyo wa munyinyi wonso, mmashi mene mene.

Dielulula 12:16

Kanudi mashi, kadi nuahongolole ha buloba bu mai.

Didimanyisha 5:9

Badi bimba musambu muhia-muhia, bamba ne, Wewe udi ne buakane bua kuangata mukunda ne bua kulamuna bimanyishilu biau. Bualu bua wewe wakashihibua ne wakasumbila Nzambi ba mu tshisamba tshionso, ne ba mu muaku wonso, ne ba munkatshi mua bantu bonso, ne ba munkatshi mua ditunga dionso, ku mashi ebe.

Matayi 20:28

nunku kabidi Muana wa muntu kakuluila bua bantu bamukuatshile mudimu, wakuluila bua kubakuatshila mudimu ne bua kufila muoyo wandi bua kuhikula nʼau bantu ba bungi.

Bienzedi 15:20

kadi tubafundile mukanda bua kutekelabo bintu bidi bibihisha kudi mpingu, ne bua kutekelabo masandi, ne nyama mifiekela mu nshingu ha kuishiha, ne mashi.

Lewitiki 7:26

Kanudi mashi, nansha a nyunyu nansha a nyama mu nsubu yenu.

Lewitiki 17:10

Muntu yonso wa mu bisamba bia Bena Isalele anyi wa benyi ba munkatshi muabo udi udia mashi, meme nengumushe mesu anyi kudi muntu au udi udia mashi nemmumushe munkatshi mua bana babo.

Lewitiki 19:26

Kanudi tshintu ne mashi atshi, kanutempi mbuku, kanuenji bilengulengu.

Dielulula 12:22

Nudi mua kudia munyinyi wa kabuluku ne wa mbashi bu mudi bakuabo badia; badi kabayi bakane ne badi bakane badi bamanye mua kudia.

Dielulula 12:24

Kanudi mashi, nuahongolole ha buloba bu mai.

Dielulula 15:23

Kadi kanudi mashi andi; nuahongolole hanshi ha buloba bu mai.

1 Samuele 14:32

bakaya bua kuhaula bintu bia Bena Peleshete, bakakuata mikoko ne ngombe ne bana ba ngombe, bakaushiha, bakayidia ne mashi ai.

1 Samuele 14:33

Bakambila Shaula ne, Mona, bantu badi benzela Yehowa bibi, bualu bua badi badia mashi. Yeye wakamba ne, Nuakuenza bualu bubi; bungulushai dibue dinene kundi eku.

Yezekiyele 33:25

Nunku wewe ubambile ne, Yehowa udi wamba ne, Nudi nudia munyinyi udi ne mashi ne nudi nutangisha mesu enu ku mpingu yenu, nudi numatshisha mashi a bakuabo hanshi; nenuhiane buloba ebu munyi?