Dielulula 12:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Hashishe nenulue ne bintu binakanuambila ku muaba udi Yehowa, Nzambi wenu, Usungula bua kujadikamu dina diandi; milambu yenu ya kuosha ne nyama yenu mishiha, ne bintu bia dikumi bia bintu bienu, ne bintu bienu bidibo bakuha, ne milambu ya kuditshiha kuenu kunudi nuditshiha nʼaku kudi Yehowa.

MUKANDA WA MYIDI MUKULU

¹¹ Diba adi, muaba wikala Maweja-Nangila Mvidi Mukulu wenu musungule bua kusomba, nenumutuadile milambu eyi mishilangane, imvua munuambile: ya kuosha, ya bobumue, ya tshia dikumi tshia bintu bia mu madimi, ya budisuile, ne ya mapiku, inuvua bamulaye.

Dielulula 12:11 Referans Kwoze

Dielulula 15:20

Wewe ne ba mu nsubu webe nenubadie ku mpala kua Yehowa, Nzambi wenu, ku tshidimu ku tshidimu mu muaba udi Yehowa musungule.

Dielulula 12:5

Kadi muaba udi Yehowa, Nzambi wenu, musungule munkatshi mua bisamba bienu bionso, bua kujadikamu dina diandi: nenukebe muaba kudiye mushikame, nenudisangisheku;

Dielulula 18:6

Biumuka Muena Lewi ku umue wa misoko ya mu Isalele, muakadiye ushikama, bua kubuela ne mutshima wandi wonso mu muaba udi Yehowa Usungula,

Dielulula 17:8

Bikala tshilumbu tshinuhite bukole, nansha hankatshi ha bashihianganyi, nansha hankatshi ha muntu ne muntu badi badiakuilangana, nansha hankatshi ha muntu ne muntu badi batutangana, mmalu adibo batandangana nʼau mu misoko yenu; hashishe nenubike, nenuye ku muaba udi Yehowa, Nzambi wenu, usungula;

Yirmeya 7:12

Kadi nuye bienu ku tshitendelelu tshianyi tshiakadi ku Shilo, kunakajadika dina dianyi diambedi, numone malu anakenzela muaba eu bua malu mabi a bantu banyi Bena Isalele.

Misambu 78:68

Kadi wakasungula tshisamba tshia Yuda, Mukuna wa Siona mene udiye munange.

1 Bakalenga 8:29

bua mesu ebe ikale matabale ku nsubu eu munya ne butuku ku muaba eu uwakamba ne, Dina dianyi nedikaleku; bua kunvua kulomba kua muntu webe kudiye ulomba mu muaba eu.

1 Bakalenga 8:13

Meme nakakuashila nsubu bua wewe wikale ne muaba wa kushikama tshiendelele.

Yoshua 18:1

Bena Isalele bonso bakadisangisha ku Shilo, bakashimikaku ntenta wa kusambakena; buloba buonso buakadi talalâ ku mpala kuabo.

Dielulula 31:11

halua Bena Isalele bonso ku mpala kua Yehowa, Nzambi wenu, mu muaba udiye usungula, hashishe nenubadile Bena Isalele bonso mikenji ei mu matshu abo.

Dielulula 26:2

hashishe nenuangate bintu bionso bidi biboba diambedi mu buloba budi Yehowa, Nzambi wenu, unuha, nubiteke mu tshisaka, nulue nʼabi mu muaba udi Yehowa, Nzambi wenu, usungula, bua kujadikamu dina diandi.

Dielulula 23:16

yeye ashikame nʼenu mu muaba udiye usungula mu umue wa misoko yenu udi utamba kumusankisha; kanumuenzedi bibi.

Dielulula 14:23

Nudie tshintu tshia dikumi tshia manvua enu ne tshia nvinyo yenu mihia-mihia ne tshia manyi enu ne tshia banʼa bute ba ngombe yenu ne tshia ba mikoko yenu ku mpala kua Yehowa, Nzambi wenu, mu muaba udiye Usungula bua kujadikamu dina diandi; nunku nenubale bualu bua kutshina Yehowa, Nzambi wenu, matuku onso.

Dielulula 12:26

Nuye anu ne bintu binuakajidila ne milambu yenu ya kuditshiha ku muaba udi Yehowa Usungula;

Dielulula 12:21

Bikala muaba udi Yehowa, Nzambi wenu, Usungula bua kujadihamu dina diandi, udi kule, hashishe nenushale ngombe wa mu ngombe yenu ne mukoko wa mu mikoko biakanuha Yehowa, bu munakanuambila; nudi mua kudia ku mbelu kuenu bintu bionso bidi mitshima yenu misue.

Dielulula 12:18

kadi nubidie ku mpala kua Yehowa, Nzambi wenu, mu muaba udi Yehowa, Nzambi wenu, musungule, ne wewe ne muana webe mulume ne muana webe mukashi ne muhika webe mulume ne muhika webe mukashi, ne Muena Lewi udi ku mbelu kuenu: nuikale ne disanka ku mpala kua Yehowa, Nzambi wenu, mu malu onso anudi nuenza ne bianza bienu.

Dielulula 12:14

kadi muaba udi Yehowa Usungula munkatshi mua bisamba bienu, nenufileku milambu yenu ya kuosha, nenuenzeku mei onso anakunuambila.

Ekesode 25:8

Bobo bangashile tshitendelelu, bua meme kuikala munkatshi muabo.

Ekesode 29:45

Meme nengikale munkatshi mua Bena Isalele, nengikale Nzambi wabo.

Dielulula 12:13

Nudimuke, kanufidi milambu ya kuosha mu miaba yonso mudi nutangila;

Yoshua 22:23

Bituikala badiashile tshioshelu bua kuhambuka ne bua kuhanga kulonda Yehowa, ne bua kufila milambu ya kuoshilahu, ne milambu ya bukula ne milambu ya kuvuisha nʼai ditalala, Yehowa nkayandi ashikishe bualu.

Yoshua 22:27

kadi netshikale bu mumanyi wa bualu hankatshi hetu nʼenu, ne hankatshi ha milongo idi ilonda ku nyima kuetu, bua tuetu kuenzela Yehowa mudimu ku mpala kuandi ne milambu ya kuosha ne milambu yetu ya kuvuisha nʼai ditalala; ne bua bana benu kabambidi bana betu mu matuku alualua ku mpala ne, Nuenu kanuena ne buhianyi kudi Yehowa.

1 Samuele 1:21

Muntu eu Elekana ne bonso ba mu nsubu wandi bakaya bua kufilabo milambu ya tshidimu atshi kudi Yehowa, ne bua kuditshiha.

1 Bakalenga 8:16

Katshia ngumuka ne bantu banyi Bena Isalele mu Ejipitu, tshiakasungula musoko munkatshi mua bisamba bia Bena Isalele wa kuasamu nsubu, bua dina dianyi dikalemu; kadi nakasungula Davidi bua kuikaleye ku mutu kua bantu banyi Bena Isalele.

2 Kulondolola 6:20

bua mesu ebe atabale, atangile ku nsubu eu munya ne butuku, ku muaba eu mene uwakalaya bua kutekamu dina diebe; bua wewe kunvua kulomba kudi muntu webe ulomba ku muaba eu.

2 Kulondolola 7:12

Yehowa wakamueneka kudi Solomo butuku, wakamuambila ne, Nakunvua kulomba kuebe, nakadisunguila muaba eu bu nsubu wanyi wa milambu.

Ezela 6:12

Nzambi nguakajadikishaku dina diandi abutule hakelenge bonso ne bantu bonso badi bolola bianza biabo bua kukudimunabo bualu ebu ne bua kuhaulabo nsubu eu wa Nzambi udi mu Yelushalema. Meme Dayawesha, nakela mukenji eu; batumikile mukenji eu ne mitshima yabo yonso.

Misambu 100:2

Nukuatshile Yehowa mudimu ne disanka. Nuiye ku mpala kuandi ne kuimba kua misambu.

Lewitiki 17:4

kayi nulue n andi ku mbelu kua ntenta wa kusangakena bua kumufila bu mulambu wa Yehowa ku mpala kua nsubu wa Yehowa, nebamubale bu muhite bua mashi akamatshisheye hanshi, yeye wakamatshisha mashi hanshi, nebumushe mundi au munkatshi mua bana babo.

Dielulula 15:19

Nenujidile Yehowa, Nzambi wenu, banʼa bute balume ba ngombe ne ba mikoko; kanuenzeshi banʼa bute ba ngombe mudimu, kanukoshi banʼa bute ba mikoko miosa.

Yoshua 9:27

Yoshua wakabayuisha dituku adi bu bahandi ba nkunyi ne basunyi ba mai ba Bena Isalele ne ba tshioshelu tshia Yehowa mu muaba wakadiye musungule tô ne ku dituku edi.

Yoshua 22:11

Bena Isalele bakuabo bakunvua lumu ne, Bena Lubena ne Bena Gada ne tshituha tshia tshisamba tshia Manashe bakasa tshioshelu ku mukalu wa buloba bua Kanâna hehi ne Yadene ku luseke lua Bena Isalele aba.

Yoshua 22:16

Tshisumbu tshionso tshia bantu ba Yehowa tshidi tshianza ne, Bualu ebu bubi bunuakuenzela Nzambi wa Isalele budi munyi? Munyi munuakulekela kulonda Yehowa hanuakadiashila tshioshelu bua kutombokela Yehowa lelu?

Yoshua 22:29

Yehowa atukande bua katumutombokedi, katubambuki kudiye, katuhangi kumulonda, ne katuashi tshioshelu tshia milambu ya kuosha ne ya bukula, ne ya nyama mishiha, anu tshioshelu tshia Yehowa, Nzambi wetu, tshidi ku mpala kua tshitendelelu tshiandi.

1 Bakalenga 12:27

biaya bantu aba bua kufilabo milambu mu nsubu wa Yehowa wa mu Yelushalema, nebakudimune mitshima yabo kudi Lehabama, mukelenge wabo wa mu Yuda kabidi; nebanshihe meme, nebahingane kudi Lehabama, mukelenge wa Yuda.

2 Bakalenga 18:22

Binuangambila ne, Netueyemene Yehowa, Nzambi wetu; kanyeye mene wakumusha Hezikiya bitendelelu biandi ku mikuna ne bioshelu biandi, wakambila Bena Yuda ne Bena Yelushalema ne, Bunudi nʼabu mbua kutendelela ku mpala kua tshioshelu etshi mu Yelushalema, anyi?

1 Kulondolola 22:1

Hashishe Davidi wakamba ne, Eu udi nsubu wa Yehowa Nzambi, etshi ntshioshelu tshia Bena Isalele.

Misambu 66:13

Nembuele mu nsubu muebe ne milambu ya kuosha ha kahia; nenfile mitshibu yanyi kûdi,

Misambu 116:17

Nenfile mulambu wa disakidila kûdi, nembikile dina dia Yehowa.