Dielulula 10:16 - Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Nuditengule mu mitshima yenu, kanuikadi bantu ba tshitshu kabidi.

MUKANDA WA MYIDI MUKULU

¹⁶ Nudifile muenu muonsu kudi Maweja-Nangila Mvidi Mukulu wenu. Kanumutombokedi kabidi to.

Dielulula 10:16 Referans Kwoze

Yirmeya 4:4

Nuditengule bua kudijidila kudi Yehowa, numushe misoso ya ku mitshima yenu kabidi, nuenu bantu ba mu Yuda ne badi bashikame mu Yelushalema; bua tshiji tshianyi katshihatuki bu kahia, katshilu bu kahia kadi muntu kayi mua kujima, bualu bua bubi bua bienzedi bienu.

Dielulula 30:6

Yehowa, Nzambi wenu, neanutengule mu mitshima yenu ne ya bana benu, bua nuenu kunanga Yehowa, Nzambi wenu, ne mitshima yenu yonso ne mioyo yenu yonso, bua nuenu kuikala ne muoyo.

Lewitiki 26:41

nunku meme nakabahidia, nakabafila mu buloba bua bantu badi nʼabo lukuna. Biahuekeshabo mitshima yabo idi kayiyi mitengula, bitabushabo dikenga dia mibi yabo,

Kolose 2:11

unuakatengudibua munda muandi kabidi ne ditengula didi kadî dienjibua ne bianza mu diumusha dia malu a mubidi wa ha buloba, mu ditengula dia mu Kilisto.

Dielulula 9:6

Numanye bienu ne, Yehowa kena munuhe buloba ebu buimpe bu buhianyi bualu bua buakane buenu; bualu bua nudi bantu ba tshitshu.

Yirmeya 4:14

Wewe, Yelushalema, uvuwa mutshima webe ku malu mabi, bua wewe kusungidibua. Meji ebe mabi neashale munda muebe musangu bule bishi?

Dielulula 31:27

Bualu bua meme ndi mumanye kutomboka kuenu ne tshitshu tshienu: monai, hantshidi ne muoyo munkatshi muenu lelu, nuakumana kutombokela Yehowa; nenutambe kutomboka ku nyima kua lufu luanyi!

Dielulula 9:13

Yehowa wakangambila kabidi ne, Nakatangila bantu aba ne mona, badi bantu ba tshitshu;

Genese 17:11

Nebanutengule, ne bualu ebu nebuikale bu tshimanyinu tshia tshihungidi tshidi hankatshi hetu nʼebe.

Yezekiyele 44:7

bualu bua nuakulua ne bantu ba mu bisamba bia bende mu tshitendelelu tshianyi, badi kabayi batengula mu mutshima ne kabayi batengula mu mubidi, bua kunyengabo nsubu wanyi, hanuafila bia kudia bianyi, manyi ne mashi mene! Nuakushiha tshihungidi tshianyi, hanuakutentekasha bubi ebu ha mutu ha malu mabi enu onso a tshinyangu.

2 Kulondolola 30:8

Kanukoleshi mitshima yenu bu muakenza batatu benu; kadi neuhuekeshe kudi Yehowa, nubuele ku muaba wandi wa tshijila wakajidileye tshiendelele; nukuatshile Yehowa Nzambi wenu mudimu bua tshiji tshiandi tshikole tshiumuke kunudi.