Didimanyisha 9:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Yakadi ne nsuki bu nsuki ya bakashi, ne menu ai akadi bu menu a nyama wa ntambue.

MUKANDA WA MYIDI MUKULU

⁸ Nsuki yayi idi bu ya bakaji, menu ayi bu a nyama ya ntambue.

Didimanyisha 9:8 Referans Kwoze

Yowele 1:6

Bualu bua tshisamba tshia bantu tshiakulua kubunda ba mu buloba buanyi, tshidi tshikole ne katshiyi mua kubadibua. Menu atshi adi menu a nyama wa ntambue, menu atshi a tshinyanganyanga adi menu a mukashiʼa nyama wa ntambue.

1 Petro 3:3

Didilengesha diabo kadikadi dia hamʼbidi dia kuluka kua nsuki, anyi dia kuela kua bilenge bia ngolo, anyi dia kuluata kua bivualu;

1 Timote 2:9

Muomumue bakashi kabidi badilengeshe ne bilulu bidi bibakanyina; bikale ne kalolo ne buhuekele; kabaluki nsuki yabo bihia; kabaluatshi ngolo ne mabue ne bilulu bia mushinga muhite bungi;

Yeshaya 3:24

Halua tshikondo atshi, mu muaba wa bintu bia muhuya muimpe nemuikale bintu bibole; mu muaba wa kusuikabo mukaba wa tshilulu nebasuike nshinga; mu muaba wa nsuki idi miluka bihia nemuikale mabala, ne mu muaba wakadibo baluata diyeke dimpe, nebadijingile ne tshilulu tshidi tshiosha; nsalu ya muhika misadibue ne tshiamu tshidi tshiosha nebikale mu muaba wa bulengele bua mpala yabo.

Misambu 57:4

Muoyo wanyi udi munkatshi mua nyama ya ntambue; ndi ne bualu bua kulala munkatshi mua bantu badi bu kahia munkatshi mua bana ba bantu mene badi bena menu adi mafuma ne mikete, ne bena ndimi idi miele ya nvita mitue.

2 Bakalenga 9:30

Hakafika Yehu ku Yizelele, Izebele wakunvua lumu elu; wakalaba mukubu ku mesu, wakasuika tshitambala ku mutu, wakatangila ha disoso dia nsubu.

Rome 9:29

Mbu muakamba Yeshaya diambedi ne, Bu Mukelenge wa Misumba Yonso kai mutushile diminu dia bantu, Tuakadi kulua bu Sodoma, tuakadi kufuishibua bu Amola.