Didimanyisha 7:16 - Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Kabena hikala ne nsala kabidi, kabena bikala ne nyota kabidi, ne diba kadiena dibosha, nasha luiya lukese;

MUKANDA WA MYIDI MUKULU

¹⁶ Kabakumvua kabidi nzala musangu nansha umue. Nyota kayakubasuma. Munya kawakubosha. Luya lukole kaluakubabuela.

Didimanyisha 7:16 Referans Kwoze

Yeshaya 49:10

Nzala ne nyota kayena ibasuma; luhehele ludi luvuisha luya lukole ne munya kabiena bibosha, bua yeye utu wa bafuila luse neaye ku mpala kuabo, neabalombole ha buihi ne mishimi ya mai.

Yowanane 4:14

kadi wanua mai anamuha kena wikala ne nyota kabidi tshiendelele; mai anamuha neikale munda muandi bu mushimi wa mai abanda mu muoyo wa tshiendelele.

Didimanyisha 21:4

Yeye neakuhule tshinsonshi tshionso ku mesu kuabo; ne lufu kaluena luikalaku kabidi; madilu kêna ikalaku kabidi, nasha muadi, nasha kanyinganyinga kabidi; malu a kumudilu akumuka.

Matayi 5:6

Badi ne nsala ne nyota ya buakane badi ne disanka bua bobo nebûkute.

Misambu 121:6

Diba kadiena dikuenzela bualu mu munya, nansha ngondo mu butuku.

Luke 6:21

Nuenu badi ne nsala katataka nudi ne disanka, bua nuenu nenukute. Nuenu badi badila katataka nudi ne disanka, bua nuenu nenuseke.

Luke 1:53

Bakadi ne nsala wakabukutshisha ne bintu bimpe; Babanshi wakabahingisha hatuhu.

Yeshaya 41:17

Bahele ne badi bakenga badi bakeba mai, ne kaenaku, ne ha ndimi yabo hadi hatumba kûma bualu bua nyota. Meme Yehowa nengitabe kudibo; meme Nzambi wa Isalele tshiena mbalekela.

Yeshaya 25:4

Bualu bua wewe wakadi bu musoko wa ngumbu kudi bahele, bu muaba mukole kudi mukengi mu dikenga diandi, bu tshinyemenu tshia kunyemenamu tshikondo tshia tshihuhu, bu dileshi mu diba dia munya mukole, hikala muhuya wa bena tshinyangu babi bu dikuma dia tshihuhu ku tshimanu,

Yeshaya 65:13

Nunku Mukelenge Yehowa udi wamba ne, Tangilai, bantu banyi nebadie, kadi nuenu nenuikale ne nzala; tangilai, bantu banyi nebanue, kadi nuenu nenuikale ne nyota; tangilai, bantu banyi nebasanke, kadi nuenu nenufuishibue bundu;

Matayi 13:6

hakabanda diba, akababuka, akafubidila bualu bua kâkadi ne miji.

Musambu wa Solomo 1:6

Kanuntangidi bualu bua dikoba dianyi didi difike, bualu bua munya wakungosba. Bana betu ba balume ba difu dimue bakadi nʼanyi tshiji, bakunteka bua kulama mionshi ya tumuma tua nvinyo tua bakuabo, kadi tshiakalama mionshi yanyi.

Misambu 42:2

Muoyo wanyi udi ne nyota ya kumona Nzambi, ya kumona Nzambi udi ne muoyo. Nenye kumueneka ku mesu kua Nzambi tshikondo kai?

Yakobe 1:11

Bualu bua diba didi dibanda hohamue ne luhehele lua luiya lukole ne bidi bifubisha bisosa; ne tshilongo tshiabi tshidi tshimata hanshi ne bulengele bua mu mpala muatshi budi bujimina; muomumue kabidi, muntu mubanshi neajimisbibue mu nshila yandi.

Marke 4:17

kadi bobo kabena ne miji munda muabo, badi bikala tshituha tshihi; hashishe, halua dikenga anyi lutatu bualu bua dî dia Nzambi, nebalenduke lubilu.

Marke 4:6

hakabanda diba, akababuka, akafubidila bualu bua kâkadi ne miji.

Matayi 13:21

kadi yeye kena ne muji munda muandi, udi ushala tshituha tshihi; halua dikenga anyi lutatu bualu bua dî dia Nzambi, yeye udi ulenduka lubilu.

Yona 4:8

Hashishe, hakabanda diba, Nzambi wakatuma luhehele lua munanga lua ku esete; munya wakosha Yona mu mutu bikole, yeye wakahungila, wakalomba Nzambi ne, Nfue bianyi; wamba kabidi ne, Kufua kudi kuhita kushala ne muoyo buakane kundi.

Yeshaya 32:2

Muntu neikale bu tshisokomenu ku tshihehele, ne tshinyemenu tshia ku tshihuhu, neikale bu misulu ya mai mu muaba mûme, bu dileshi dia dibue dinene mu buloba budi butondesha bantu.

Misambu 143:6

Ndi ngolola bianza bianyi kûdi; muoyo wanji udi ukujinga bu mudi buloba bûme busue mai.

Misambu 63:1

Nzambi, wewe udi Nzambi wanyi; ndi nkukeba bikole; muoyo wanyi udi ne nyota bualu buebe; mubidi wanyi udi uhanga mu dikujinga diau, mu buloba bume ne budi bukama, budi kabuyi mai.

Misambu 121:5

Yehowa udi mulami webe; Yehowa udi dileshi diebe ku tshianza tshiebe tshia balume.