Didimanyisha 3:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Udi uhita bukole nealuatshishibue nunku ne bilulu bitoke, ne meme tshiena njimisha dina diandi mu mukanda wa muoyo nasha kakese, ne nenjukule dina diandi ku mpala kua Tatu wanyi, ne ku mpala kua banjelo bandi.

MUKANDA WA MYIDI MUKULU

⁵ Badi batshimuna, nebavuale bilamba bitoke. Tshiakukupula mena abu mu mukanda wa muoyi to. Nenjadikile Tatu wanyi ne batumibue bende ne: bantu aba mbanyi.

Didimanyisha 3:5 Referans Kwoze

Matayi 10:32

Muntu yonso wangitabusha ku mesu kua bantu, meme nemuitabushe kabidi ku mesu kua Tatu wanyi udi mu diulu.

Didimanyisha 21:27

Kakuena tshintu tshia tshianana tshidi tshibuelamu, nasha kakese; nasha muntu udi wenza bualu bubi ne mashimi; kadi anu badi ne mena abo mafunda mu mukanda wa muoyo wa Muana wa Mukoko nebabuelemu.

Didimanyisha 20:15

Bikala muntu kai musanganyibue mufunda mu mukunda wa muoyo, wakedibua mu dishiba dia kahia.

Luke 12:8

Ndi nuambila ne, Muntu yonso wangitabusha ku mesu kua bantu, Muana wa muntu neamuitabushe kabidi ku mesu kua banjelo ba Nzambi;

Didimanyisha 17:8

Nyama uwakatangila wakadiku ne kenaku, ne udi wamba kuluhuka mu dina didi kadi ne tshishikidilu, udi uya mu dibutuka. Ne badi bikala ha buloba nebakeme, badi kabai ne dina difunda mu mukanda wa muoyo ku tshibangidilu tshia buloba, nebakeme hatangilabo nyama wa luonji, bu muakadiyeku ne kenaku, ne neikaleku.

Didimanyisha 20:12

Nakatangila bafue, banene ne bakese, bimane ku mpala kua nkuasa wa butumbi; ne mikanda yakabuluibua, mukanda mukuabo wakabulula kabidi, udi wa muoyo; bakalumbuluisha bafue ku malu akadi mafunda mu mukanda, bu muakadi bienzedi biabo.

Didimanyisha 13:8

Ne bonso badi bikala ha buloba nebamukukuile, muntu yonso udi kai ne dina difunda ku tshibangidilu tshia buloba mu mukanda wa muoyo wa Muana wa Mukoko udi mushihibue.

Misambu 69:28

Mena abo ajimishibue mu mukanda wa muoyo, kabafundibu hohamue ne mena a bantu bakane.

Didimanyisha 2:7

Udi ne matshu unvue budi Nyuma wambila ekelesia. Kudi udi uhita bukole, kudi yeye mene, nemuhe bua kudieye mutshi wa muoyo udi mu Paladiso wa Nzambi.

Filipe 4:3

E, ndi ndomba wewe kabidi, muenu nʼanyi ku mutshi wa tshikokedi wa bushua, bua wewe ukuatshishangane ne bakashi aba, bualu bua bobo bakenza nʼanyi mudimu wa lumu luimpe, ne Kulemento kabidi ne bakuabo benji nʼanyi ba mudimu, badi ne mena abo mafunda mu mukanda wa muoyo.

Didimanyisha 19:8

Bakaha mukashi bua kudiluatshisheye ne tshilulu tshia line tshilengele, tshidi tshikenka ne tshitoke; bualu bua tshilulu tshia line tshilengele tshidi bienzedi biakane bia basanto.

Malaki 3:17

Yehowa wa misumba udi wamba ne, Bobo nebikale banyi, mu dituku dindi ngenza malu â, nebikale bantu banyi nkayanyi mene; meme nembafuile luse bu mudi muntu ufuila muanʼandi mulume udi umukuatshila mudimu luse.

Didimanyisha 22:19

ne bikala muntu umusha mei makuabo ku mei a mukanda wa buambi ebu, Nzambi neamumushile tshituha tshiandi ku mutshi wa muoyo ne ku musoko wa tshijila, ne ku malu mene adi mafunda mu mukanda eu.

Didimanyisha 3:4

Kadi udi ne mena manya-manya mu Sâdi a bakadi kabai banyanga bilulu biabo; nebende nʼanyi mu bilulu bitoke; bualu bua badi bakanangane bua kuenza nunku.

Yuda 1:24

Katataka kudi yeye udi mumanye mua kunulama bua nuenu kanulenduki, ne udi mua kunuteka ku mpala kua butumbi buandi ne disanka ditamba bunene, kanui ne tshilema;

Misambu 109:13

Tunkanunuma tuandi tujimishibue; dina diandi dijimine mu tshikondo tshidi tshilonda.

1 Samuele 17:25

Bena Isalele bakamba ne, Wakatangila muntu au wakulua, anyi? Bulelela, yeye wakulua bua kufuna bulobo ku mpala kua Bena Isalele: muntu wamushiha, mukelenge neanumushe mubanji munene, neamuhe muana wandi mukashi, neahe ba mu nsubu wa tatu wandi budishikaminyi mu Isalele.

Dielulula 9:14

undekele, bua meme neashihe, nenjimishe dina diabo muinshi mua diulu; meme nenkuvuishe wewe tshisamba tshidi tshibahita bunene ne bukole.

Luke 10:20

Kadi kanusanki bua nyuma mibi idi itumikila dî dienu, kadi nusanke bua mena enu adi mafunda mu diulu.

Didimanyisha 2:11

Udi ne matshu unvue budi Nyuma wambila ekelesia. Udi uhita bukole kena ukengeshibua ku lufu luibidi.

Didimanyisha 3:12

Udi uhita bukole, nemuvuishe dikunshi mu ntempelo wa Nzambi wanyi, ne kena uluhukamu kabidi; ne neufunde dina dia Nzambi wanyi hamʼbidi handi, ne dina dia tshimenga tshia Nzambi wanyi, Yelushalema muhia-muhia mene, tshidi tshihueka hanshi, tshifuma mu diulu kudi Nzambi wanyi, ne dina dianyi meme dihia-dihia.

Didimanyisha 6:11

Bakabahesha, muntu ne muntu, diyeka ditoke; ne bakabambila bua kuanza kuikisha tshituha tshihi tô ne hakumbashibua bahika nʼabo, ne bana babo ba mu Kilisto, badi balua kushihibua bu bobo.